________________
३५६
पढम अज्झयण (पोंडरीए)
वा जं दुक्खइ वा' 'सोयइ वा जूरइ वा तिप्पइ वा पीडइ वा परितप्पइ वा, परो एयमकासि। एवं से बाले सकारणं वा परकारणं वा एवं विप्पडिवेदेति
कारणमावण्णे ॥ ४३. मेहावी पुण एवं विप्पडिवेदेति कारणमावण्णे । अहमंसि दुक्खामि वा सोयामि
वा जूरामि वा तिप्पामि वा पीडामि वा परितप्पामि वा, णो अहं एयमकासि । परो वा जं दुक्खइ वा' 'सोयइ वा जूरइ वा तिप्पइ वा पीडइ वा परितप्पइ वा, णो परो एयमकासि। एवं से मेहावी सकारणं वा परकारणं वा एवं
विप्पडिवेदेति कारणमावण्णे ॥ ४४. से बेमि-पाईणं वा पडोणं वा उदीणं वा दाहिणं वा जे तसथावरा पाणा ते एवं
संघायमागच्छंति, ते एवं विप्परियायमावति, ते एवं विवेगमागच्छंति, ते एवं
विहाणमागच्छति, ते एवं संगइयंति उवेहाए। ४५. ते णो एयं विप्पडिवेदेति, तं जहा-किरिया इ वा 'अकिरिया इ वा सुकडे इ
वा दुक्कडे इ वा कल्लाणे इ वा पावए इ वा साहू इ वा असाहू इ वा सिद्धी इ वा असिद्धी इ वा णिरए इ वा अणिरए इ वा । एवं ते विरूवरूवेहि कम्मसमा
रंभेहि विरूवरूवाइं कामभोगाइं समारंभंति भोयणाए । ४६. एवं ते अणारिया विप्पडिवण्णा [मामगं धम्मं पण्णवेंति ?] । तं सद्दहमाणा तं
पत्तियमाणा तं रोएमाणा साधु सुयक्खाते समणेति ! वा माहणेति ! वा। काम खलु आउसो ! तुम पूययामो, तं जहा-असणेण वा पाणेण वा खाइमेण वा साइमेण वा वत्थेण वा पडिग्गहेण वा कंबलेण वा पायपुंछणेण वा ।
तत्थेगे पूयणाए समाउट्रिसु, तत्थेगे प्यणाए णिकाइंसु ॥ ४७. पुवामेव तेसिं णायं भवइ-समणा भविस्सामो अणगारा अकिंचणा अपुत्ता
अपसू परदत्तभोइणो भिक्खुणो, पावं कम्म णो करिस्सामो समुट्ठाए । ते' अप्पणा अप्पडिविरिया भवंति । सय माइयंति, अण्णे वि आइयाति, अण्ण पि आइयंत समणुजाणंति । एवामेव ते इत्थिकामभोगेहि मुच्छिया गिद्धा गढिया अज्झोववण्णा लुद्धा रागदोसवसट्टा। ते णो अप्पाणं समुच्छदंति णो परं समुच्छेदेति, णो अण्णाइं पाणाइं भूयाइं जीवाइं सत्ताई समुच्छेदेति । पहीणा पुव्वसंजोगा आरियं मग्गं असंपत्ता-इति ते णो हव्वाए णो पाराए, अंतरा कामभोगेसु विसण्णा' । चउत्थे पुरिसजाते णियतिवाइए त्ति आहिए ।।
१. सं० पा०-दुक्खइ वा जाव परितप्पइ । २. सं० पा०-दुक्खामि वा जाव परितप्पामि । ३. सं० पा०-दुक्खइ वा जाव परितप्पइ। ४. विप्परियास' (क, ख)।
५. सं० पा०-किरिया इ वा जाव णिरए इ
वा जाव चउत्थे। ६. व्या० वि०-आदौ पच्छा' इति
अध्याहर्तव्यम् ।
Jain Education International
For Private & Personal Use Only
www.jainelibrary.org
