Agam 36 Vavaharo Taiyam Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 7

उद्देसो-१
बज्झागमं तस्संतियं आलोएज्जा जाव पायच्छित्तं पडिवज्जेज्जा नो चेव अन्नसंभोइयं साहम्मियं बहुस्सुयं बज्झागमं पासेज्जा जत्थेव सारूवियं पासेज्जा बहुस्सुयं बज्झागमं तस्संतियं आलोएज्जा जाव पायच्छित्तं पडिवज्जेज्जा नो चेव ण सारूवियं बहुस्सुयं बज्झागमं पासेज्जा जत्थेव समणोवासगं पच्छाकडं पासेज्जा बहुस्सुयं बज्झागमं तस्संतियं आलोएज्जा जाव पायच्छित्तं पडिवज्जेज्जा नो चेव णं समणोवासगं पच्छाकडं बहुस्सुयं बज्झागमं पासेज्जा जत्थेव सम्मंभावियाई चेइयाइं पासेज्जा कप्पड़ से तेसंतिए आलोएज्जा जाव पायच्छित्तं पडिवज्जेज्जा ।
[३५] नो चेव सम्मंभावियाई चेइयाइं पासेज्जा बहिया गामस्स वा नगरस्स वा निगमस्स वा रायहाणीए वा खेडस्स वा कब्बडस्स वा मडंबस्स वा पट्टणस्स वा दोणमहस्स वा आसमस्स वा संवाहस्स वा संनिवेसस्स वा पाईणाभिमुहे वा उदीणाभिमुहे वा करयलपरिग्गहियं सिरसावत्तं मत्थए अंजलिं कट्ट से एवं वएज्जा एवइया मे अवराहा एवइक्खुत्तो अहं अवरद्धो अरहंताणं सिद्धाणं अंतिए आलोएज्जा पडिक्कमेज्जा निंदेज्जा गरहेज्जा विउद्देज्जा विसोहेज्जा अकरणयाए अब्भुटेज्जा अहारिहं तवोकम्मं पायच्छित्तं पडिवज्जेज्जासि त्ति बेमि |
. पढ़मो उद्वेसो समत्तो ..
० बीओ-उद्देसो. [३६] दो साहम्मिया एगओ विहरंति, एगे तत्थ अन्नयरं अकिच्चट्ठाणं पडिसेवेत्ता आलोएज्जा, ठवणिज्ज ठवइत्ता करणिज्जं वेयावडियं ।
[३७] दो साहम्मिया एगओ विहरंति दो वि त्ते अन्नयरं अकिच्चट्ठाणं पडिसेवेत्ता आलोएज्जा, एगं तत्थ कप्पागं ठवइत्ता एगे निव्विसेज्जा, अह पच्छा से वि निव्विसेज्जा ।
[३८] बहवे साहम्मिया एगओ विहरंति, एगे तत्थ अन्नयरं अकिच्चट्ठाणं पडिसेवेत्ता आलोएज्जा, ठवणिज्जं ठवइत्ता करणिज्जं वेयावडियं ।
[३९] बहवे साहम्मिया एगओ विहरंति, सव्वे वि ते अन्नयरं अकिच्चट्ठाणं पडिसेवेत्ता आलेज्जा, एग तत्थ कप्पागं ठवइत्ता अवसेसा निव्विसेज्जा, अह पच्छा से वि निव्विसेज्जा |
__ [४०] परिहारकप्पट्ठिए भिक्खू गिलायमाणे अन्नयरं अकिच्चट्ठाणं पडिसेवेत्ता आलोएज्जा, से य संथरेज्जा ठवणिज्जं ठवइत्ता करणिज्जं वेयावडियं, से य नो संथरेज्जा अनुपरिहारिएणं करणिज्जं वेयावडियं, से तं अनुपरिहारिएणं कीरमाणं वेयावडियं साइज्जेज्जा से वि कसिणे तत्थेव आरुहेयव्वे सिया।
[४१] परिहारकप्पट्ठियं भिक्खू गिलायमाणं नो कप्पड़ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुसए नामं ववहारे पट्टवियव्वे सिया ।
[४२] अणवठ्ठप्पं भिक्खु गिलायमाणं नो कप्पइ तस्स गणावच्छेइयस्स निज्जूहित्तए अगिलाए तस्स करणिज्जं वेयावडियं जाव तओ रोगायंकाओ विप्पमुक्को तओ पच्छा तस्स अहालहुसए नामं ववहारे पट्टवियव्वे सिया ।
[४३] पारंचियं भिक्खु गिलायमाणं नो कप्पड़ तस्स गणावच्छेइयस्स निज्जूहित्तए अगिलाए तस्स करणिज्जं वेयावडियं जाव तओ रोगायंकाओ विप्पमुक्को तओ पच्छा तस्स अहालहुसए नामं ववहारे
दीपरत्नसागर संशोधितः]
[6]
[३६-ववहारो