Agam 36 Vavaharo Taiyam Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 9

उद्देसो-२
[५८] पारंचियं भिक्खुं अगिहिभूयं वा गिहिभूयं वा कप्पड़ तस्स गणावच्छेइयस्स उट्ठावेत्तए जहा तस्स गणस्स पत्तियं सिया ।
[ ५९ ] दो साहम्मिया एगयओ विहरंति, एगे तत्थ अन्नयरं अकिच्चट्ठाणं पडिसेवित्ता आलोएज्जा- अहं णं भंते ! अमुगेणं साहुणा सद्धिं इमम्मि कारणम्मि पडिसेवी, से य पुच्छियव्वे किं अज्जो ! पडिसेवी उदाहु अपडिसेवी ? से य वएज्जा- "पडिसेवी” परिहारपत्ते, से य वएज्जा- "नो पडिसेवी” नो परिहारपत्ते, जं से पमाणं वयइ से पमाणाओ धेतव्वे, से किमाहु भंते !?, सच्चपइण्णा ववहारा । [६०] भिक्खू य गणाओ अवकम्म ओहाणुप्पेही वच्चेज्जा, से य आहच्च अणोहाइए, से य इच्छेज्जा दोच्चं पि तमेव गणं उवसंपज्जित्ताणं विहरित्तए, तत्थ णं थेराणं इमेयारूवे विवादे समुप्पज्जित्था इमं भो ! जाणह किं पडिसेवी अपडिसेवी ? से य पुच्छियव्वे सिया " किं अज्जो ! पडिसेवी उदाहु अपडिसेवी ? य वएज्जा-‘पडिसेवी' परिहारपत्ते से य वएज्जा- 'नो पडिसेवी' नो परिहारपत्ते, जं से पमाणं वयइ से पमाणओ धेतव्वे, से किमाहु भंते !?, सच्चपइण्णा वहा ।
[६१] एगपक्खियस्स भिक्खुस्स कप्पति आयरिय उवज्झायाणं इत्तरियं दिसं वा अनुदिसं वा उद्दिसित्तए वा धारेत्तए वा जहा तस्स गणस्स पत्तियं सिया ।
[६२] बहवे परिहारिया बहवे अपरिहारिया इच्छेज्जा एगयओ एगमासं वा दुमासं वा तिमासं वा चउमासं वा पंचमासं वा छम्मासं वा वत्थए, ते अन्नमन्नं संभुंजंति अन्नमन्नं नो संभुंजंति मासं, तओ पच्छा सव्वे वि एगओ संभुंजंति ।
[६३] परिहारकप्पट्ठियस्स भिक्खुस्स नो कप्पड़ असनं वा पानं वा खाइमं वा साइमं वा दाउं वा अनुप्पदा वा थेरा य णं वएज्जा- इमं ता अज्जो ! तुमं एएसिं देहि वा अनुप्पदेहि वा, एवं से कप्पइ दाउं वा अनुप्पदाउं वा, कप्पड़ से लेवं अनुजाणावेत्तए अणुजाणह भंते ! लेवाए, एवं से कप्पइ लेवं समासे वित्त |
[६४] परिहारकप्पट्ठिए भिक्खू सएणं पडिग्गहेणं बहिया अप्पणो वेयावडियाए गच्छेज्जा, थेरा य णं वएज्जा- पडिग्गाहेहि णं अज्जो ! अहं पि भोक्खामि वा पाहामि वा एवं हं से कप्पड़ पडिग्गाहेत्तए, तत्थ नो कप्पइ अपरिहारियस्स परिहारियस्स पडिग्गहंसि असनं वा पानं वा खाइमं वा साइमं वा भोत्तए वा पायए वा, कप्पड़ से सयंसि वा पडिग्गहंसि सयंसि वा पलासगंसि सयंसि वा कमढगंसि सयंसि वा खुव्वगंसि सयंसि वा पाणिंसि वा उद्घट्टु-उद्धट्टु भोत्तए वा पायए वा, एस कप्पो अपरिहारियस्स परिहारियाओ ।
[६५] परिहारकप्पट्ठिए भिक्खू थेराणं पडिग्गाहेणं बहिया थेराणं वेयावडियाए गच्छेज्जा, थेरा य णं वएज्जा- पडिग्गाहेहि णं अज्जो ! तुमं पि भोक्खसि वा पाहिसि वा, एवं से कप्पड़ पडिग्गाहेत्त तत्थ नो कप्पड़ परिहारियस्स अपरिहारियस्स पडिग्गहंसि असनं जाव भोत्तए वा पायए वा, कप्पड़ से सयंसि वा पडिग्गहंसि वा सयंसि वा पलासगंसि वा सयंसि वा कमढगंसि सयंसि वा खुव्वगंसि वा पाणिंसि वा उद्घट्टु-उद्धट्टु भोत्तए वा पायए वा एस कप्पो परिहारियस्स अपरिहारियाओ त्ति बेमि ।
[दीपरत्नसागर संशोधितः]
• बीओ उद्देसो सपत्तो •
[8]
[३६-ववहारो]