Agam 36 Vavaharo Taiyam Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 26

आईयव्वे अससरक्खे आगच्छड़ आईयव्वे, जाए मोए आईयव्वे तं जहा - अप्पे वा बहुए वा, एवं खलु एसा खुडिया मोयपडिमा अहासुत्तं जाव अनुपालिया भवइ ।
[२४३] महल्लियण्णं मोयपडिमं पडिवन्नस्स अणगारस्स कप्पड़ से पढमसरदकाल समयंसि वा चरिमनिदाहकालसमयंसि वा बहिया गामस्स वा जाव सन्निवेसस्स वा वनंसि वा वनविदुग्गंसि वा पव्वयंसि वा पव्वयविदुग्गंसि वा भोच्चा आरुभइ सोलसमेणं पारेइ, अभोच्चा आरुभइ अट्ठारसमेणं पारेइ, जाए मोए आईयव्वे, दिया आगच्छइ आईयव्वे राइं आगच्छइ नो आईयव्वे, सपाणे मत्ते आगच्छइ नो
अप्पाणे मत्ते आगच्छइ आईयव्वे, जाव जाए मोए आईयव्वे तं जहा-अप्पे वा बहुए वा एवं खल एसा महल्लिया मोयपडिमा अहासत्तं अहाकप्पं जाव आणाए अनपालिया भवइ ।
___ [२४४] संखादत्तियस्स णं भिक्खुस्स पडिग्गहधारिस्स० जावइयं-जावइयं केइ अंतो पडिग्गहंसि उवित्ता दलएज्जा तावइयाओ ताओ दत्तीओ वत्तव्वं सिया तत्थ से केइ छप्पएण वा दूसएण वा वालएण वा अंतो पडिग्गहसि उवित्ता दलएज्जा सव्वा वि णं सा एगा दत्ती वत्तव्वं सिया, तत्थ से बहवे भुंजमाणा सव्वे ते सयं पिंडं साहणिय साहण्णिय अंतो पडिग्गहंसि उवित्ता दलएज्जा सव्वा वि णं सा एगा दत्ती वत्तव्वं सिया ।
[२४५] संखादत्तियस्स णं भिक्खुस्स पाणिपडिग्गहधारिस्स० जावइयं-जावइयं केइ अंतो पडिग्गहंसि उवित्ता दलएज्जा तावइयाओ ताओ दत्तीओ वत्तव्वं सिया, तत्थ से केइ छप्पएण वा दूसएण वा वालएण वा अंतो पाणिसि उवित्ता दलएज्जा सव्वा वि णं सा एगा दत्ती वत्तव्वं सिया, तत्थ से बहवे भुंजमाणा सव्वे ते सयं पिंडं अंतो पाणिसि उवित्ता दलएज्जा सव्वा वि णं सा एगा दत्ती वत्तव्वं सिया ।
[२४६] तिविहे उवहडे पन्नत्ते तं जहा-सुद्धोवहडे फलिओवहडे संसट्ठोवहडे । उद्देसो-९
[२४७] तिविहे ओग्गहिए पन्नत्ते तं जहा जं च ओगिण्हइ जं च साहरइ जं च आसगंसि पक्खिवइ, एगे एवमाहंसु ।
[२४८] एगे पुण एवमाहंसु दुविहे ओग्गहिए पन्नत्ते तं जहा- जं च ओगिण्हइ जं च आसगंसि पक्खिवइ, त्ति बेमि |
• नवमो उद्देसो समत्तो .
० दसमो उद्देसो ० [२४९] दो पडिमाओ पन्नत्ताओ तं जहा (१) जवमज्झा य चंदपडिमा, (२) वइरमज्झा य चंदपडिमा, जवमज्झण्णं चंदपडिमं पडिवन्नस्स अणगारस्स मासं निच्चं वोसट्टकाए चत्तदेहे जे केइ उवसग्गा उप्पज्जति तं जहा-दिव्वा वा माणसा वा तिरिक्खजोणिया वा अनुलोमा वा पडिलोमा वा -
तत्थ अनुलोमा ताव वंदेज्जा वा नमसेज्जा वा सक्कारेज्जा वा सम्माणेज्जा वा कल्लाणं मंगलं देवयं चेइयं पज्जुवासेज्जा | तत्थ पडिलोमा अन्नयरेणं दंडेण वा अट्ठीणा वा जोत्तेण वा वेत्तेण वा कसेण वा काए आउडेज्जा-ते सव्वे उप्पन्ने सम्मं सहेज्जा खमेज्जा तितिक्खेज्जा अहियासेज्जा । जवमज्झण्णं चंदपडिम पडिवन्नस्स अणगारस्स सुक्कपक्खस्स पाडिवए कप्पइ एगा दत्ती भोयणस्स पडिगाहेत्तए एगा पाणस्स, सव्वेहिं दुप्पयचउप्पयाइएहिं आहारकंखीहिं सत्तेहिं पडिनियत्तेहिं
दीपरत्नसागर संशोधितः]
[25]
[३६-ववहारो]