________________
अन्नमन्नं पासेज्जा तत्थेव एवं वएज्जा- अहं णं अज्जो ! तुमाए सद्धिं इमम्मि इमम्मिय कारणम्मि पच्चक्खं संभोग विसंभोगं करेमि, से य पडितप्पेज्जा, एवं से नो कप्पइ पच्चक्खं पाडिएक्कं संभोइयं विसंभोइयं करेत्तए, से य नो पडितप्पेज्जा एवं से कप्पइ पच्चक्खं पाडिएक्कं संभोइयं विसंभोइयं करेत्तए
[१६४] जाओ निग्गंथीओ वा निग्गंथा वा संभोइया सिया नो ण्हं कप्पइ निग्गंथि पच्चक्खं पाडिएक्कं संभोइणिं विसंभोइणिं करेत्तए कप्पड़ ण्हं पारोक्खं पाडिएक्कं संभोइणिं विसंभोइणिं करेत्तए जत्थेव ताओ अप्पणो आयरिय-उवज्झाए पासेज्जा तत्थेव एवं वएज्जा- अहं णं भंते ! अमुगीए अज्जाए सद्धिं इमम्मि कारणम्मि पारोक्खं पाडिएक्कं संभोग विसंभोगं करेमि, सा य से पडितप्पेज्जा एवं से नो कप्पइ पच्चक्खं पाडिएक्कं संभोइयं विसंभोइयं करेत्तए, सा य से नो पडितप्पेज्जा एवं से कप्पड़ पच्चक्खं पाडिएक्कं संभोइयं विसंभोइयं करेत्तए ।
[१६५] नो कप्पइ निग्गंथाणं निग्गंथिं अप्पणो अट्ठाए पव्वावेत्तए वा मुंडावेत्तए वा उद्देसो-७
सिक्खावेत्तए वा सेहावेत्तए वा उवट्ठावेत्तए वा संवसित्तए
र वा तीसे इत्तरियं दिसं वा अदिसं वा उद्दिसित्तए वा धारेत्तए वा ।
[१६६] कप्पइ निग्गंथाणं निग्गंथिं अन्नेसिं अट्ठाए पव्वावेत्तए वा मुंडावेत्तए वा जाव संभुजित्तए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा ।
[१६७] नो कप्पइ निग्गंथीणं निग्गंथिं अप्पणो अट्ठाए पव्वावेत्तए वा मुंडावेत्तए वा सिक्खावेत्तए वा सेहावेत्तए वा उवट्ठावेत्तए वा संवसित्तए वा संभुंजित्तए वा तीसे इत्तरियं दिसं वा
अनुदिसं वा उद्दिसित्तए वा धारेत्तए वा ।
[१६८] कप्पइ निग्गंथीणं निग्गंथं अन्नेसिं अट्ठाए पव्वावेत्तए वा मुंडावेत्तए वा जाव संभंजित्तए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा |
[१६९] नो कप्पइ निग्गंथीणं विइगिढ़ दिसं वा अनुदिसं वा उद्दिसित्तए वा धारेत्तए वा | [१७०] कप्पइ निग्गंथाणं विइगिट्टं दिसं वा अनुदिसं वा उद्दिसित्तए वा धारेत्तए वा | [१७१] नो कप्पइ निग्गंथाणं विइगिट्ठाइं पाहडाइं विओसवेत्तए | [१७२] कप्पइ निग्गंथीणं विइगिट्ठाइं पाहडाइं विओसवेत्तए ।
[१७३] नो कप्पड़ निग्गंथाणं वा निग्गंथीण वा विइगिट्टे काले सज्झायं उदिसित्तए वा करेत्तए वा ।
[१७४] कप्पइ निग्गंथीणं विइगिट्टे काले सज्झायं करेत्तए निग्गंथनिस्साए | [१७५] नो कप्पइ निग्गंथाण वा निग्गंथीण वा असज्झाइए सज्झायं करेत्तए | [१७६] कप्पइ निग्गंथाण वा निग्गंथीण वा सज्झाइए सज्झायं करेत्तए |
[१७७] नो कप्पइ निग्गंथाण वा निग्गंथीण वा अप्पणो असज्झाइए सज्झायं करेत्तए, कप्पइ ण्हं अन्नमन्नस्स वायणं दलइत्तए |
[दीपरत्नसागर संशोधितः]
[19]
[३६-ववहारो]
Jain Education International
For Private & Personal Use Only
www.jainelibrary.org
