Agam 36 Vavaharo Taiyam Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 6

उद्देसो- १
छेय- परिहारस्स उवट्ठाएज्जा ।
[२४] गणावच्छेइए य गणाओ अवकम्म एगल्लविहारपडिमं उवसंपज्जित्ताणं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, पुणो आलोएज्जा पुणो पडिक्कम्मेज्जा पुणो छेय-परिहारस्स उवट्ठाएज्जा ।
[२५] आयरिय उवज्झाए य गणाओ अवक्कम्म एगल्लविहारपडिमं उवसंपज्जित्ताणं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, पुणो आलोएज्जा पुणो पडिक्कम्मेज्जा पुणो छेय- परिहारस्स उवट्ठाएज्जा |
[२६] भिक्खू य गणाओ अवक्कम्म पासत्थविहारं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, अत्थियाइं त्थ केइ सेसे पुणो आलोएज्जा पुणो पडिक्कम्मेज्जा पुणो छेय- परिहारस्स उवट्ठाज्जा ।
[२७] भिक्खू य गणाओ अवक्कम्म अहाछंदविहारं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, अत्थियाइं तत्थ केइ सेसे पुणो आलोएज्जा पुणो पडिक्कम्मेज्जा पुणो छेय-परिहारस्स उवट्ठाएज्जा ।
[२८] भिक्खू य गणाओ अवक्कम्म कुसीलविहारं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, अत्थियाइं तत्थ केइ सेसे पुणो आलोएज्जा पुणो पडिक्कम्मेज्जा पुणो छेय- परिहारस्स उवट्ठाएज्जा ।
[२९] भिक्खू य गणाओ अवक्कम्म ओसन्नविहारं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, अत्थियाइं तत्थ केइ सेसे पुणो आलोएज्जा पुणो पडिक्कम्मेज्जा पुणो छेय- परिहारस्स उवट्ठाएज्जा ।
[३०] भिक्खू य गणाओ अवक्कम्म संसत्तविहारं विहरेज्जा, से य इच्छेज्जा दोच्चं पि तमेव णं उवसंपज्जित्ताणं विहरित्तए, अत्थियाइं तत्थ केइ सेसे पुणो आलोएज्जा पुणो पडिक्कम्मेज्जा पुणो छेय-परिहारस्स उवट्ठाएज्जा ।
[३१] भिक्खू य गणाओ अवक्कम्म परपासंडपडिमं उवसंपज्जित्ताणं विहरेज्जा, [परलिंगं च गेहेज्जा] से य इच्छेज्जा दोच्चं पि तमेव गणं उवसंपज्जित्ताणं विहरित्तए, नत्थि णं तस्स तप्पत्तियं केइ छेए वा परिहारे वा नन्नत्थ एगाए आलोयणाए ।
[३२] भिक्खू य गणाओ अवक्कम्म ओहावेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, नत्थि णं तस्स केइ तप्पत्तियं छेए वा, परिहारे वा नन्नत्थ एगाए सेहोवट्ठावणियाए ।
[३३] भिक्खू य अन्नयरं अकिच्चट्ठाणं पडिसेवित्ता इच्छेज्जा आलोएत्तए, जत्थेव अप्पणो आयरिय-उवज्झाए पासेज्जा कप्पड़ से तस्संतिए आलोएज्जा पडिक्कमेज्जा निंदेज्जा गरहेज्जा विउट्टेज्जा विसोहेज्जा अकरणयाए अब्भुट्ठेज्जा अहारिहं तवोकम्मं पायच्छित्तं पडिवज्जेज्जा |
[३४] नो चेव अप्पणो आयरिय उवज्झाए पासेज्जा जत्थेव संभोइयं साहम्मियं पासेज्जा बहुस्सुयं बज्झागमं पासेज्जा तस्संतियं कप्पड़ से आलोएज्जा जाव पायच्छित्तं पडिवज्जेज्जा नो चेवणं संभोइयं साहम्मियं बहुस्सुयं बज्झागमं पासेज्जा जत्थेव अन्नसंभोइयं साहम्मियं पासेज्जा बहुस्सुयं
[दीपरत्नसागर संशोधितः]
[5]
[३६-ववहारो]