Agam 36 Vavaharo Taiyam Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 5

उद्देसो-१
एयाए पट्ठवणाए पट्ठविए निव्विसमाणे पडिसेवेइ से वि कसिणे तत्थेव आरुहेयव्वे सिया ।
___ [१८] [एवं] जे भिक्खू बहुसो वि [चाउम्मासियं वा बहुसो वि साइरेग चाउम्मासियं वा बहुसो वि पंचमासियं वा बहुसो वि साइरेग पंचमासियं वा एएसिं परिहारट्ठाणाणं अन्नयरं परिहारट्ठाणं पडिसेवित्ता आलोएज्जा पलिउंचियं आलोएमाणे ठवणिज्जं ठवइत्ता करणिज्जं वेयावडियं ठविए वि पडिसेवित्ता से वि कसिणे तत्थेव आरुहेयव्वे सिया पुट्विं पडिसेवियं पुव्विं आलोइयं, पुट्विं पडिसेवियं पच्छा आलोइयं, पच्छा पडिसेवियं पुव्विं आलोइयं, पच्छा पडिसेवियं पच्छा आलोइयं ; अपलिउंचिए अपलिउंचियं, अपलिउँचिए पलिउंचियं, पलिउंचिए अपलिउंचियं, पलिउंचिए पलिउंचियं; पलिउंचिए पलिउंचियं आलोएमाणस्स सव्वमेयं सकयं साहणियं जे एयाए पट्ठवणाए पट्टविए निव्विसमाणे पडिसेवेइ से विकसिणे तत्थेव आरुहेयव्वे सिया] ।
___ [१९] बहवे पारिहारिया बहवे अपारिहारिया इच्छेज्जा एगयओ अभिनिसेज्जं वा अभिनिसीहियं वा चेएत्तए नो से कप्पड़ थेरे अनापुच्छित्ता एगयओ अभिनिसेज्जं वा अभिनिसीहियं वा चेएत्तए, कप्पइ ण्हं थेरे आपुच्छित्ता एगयओ अभिनिसेज्जं वा अभिनिसीहियं वा चेएत्तए, थेरा य ण्हं से नो वियरेज्जा, एवं एहं कप्पड़ एगयओ अभिनिसेज्जं वा अभिनिसीहियं वा चेएत्तए, जो णं थेरेहि अविइण्णे अभिनिसेज्जं अभिनिसीहियं वा चेएइ से संतरा छेए वा परिहारे वा ।
[२०] परिहारकप्पट्ठिए भिक्खू बहिया थेराणं वेयावडियाए गच्छेज्जा, थेरा य से सरेज्जा कप्पड़ से एगराइयाए पडिमाए जणं-जण्णं दिसं अन्ने साहम्मिया विहरंति तण्णं-तण्णं दिसं उवलित्तए, नो से कप्पइ तत्थ विहारवत्तियं वत्थए, कप्पति से तत्थ कारणवत्तियं वत्थए, तंसि च णं कारणंसि निट्ठियंसि परो वएज्जा- वसाहि अज्जो ! एगरायं वा दुरायं वा एवं से कप्पइ एगरायं वा दुरायं वा वत्थए, नो से कप्पड़ परं एगरायाओ वा दरायाओ वा वत्थए, जं णं तत्थ परं एगरायाओ वा दरायाओ वा वसई से संतरा छेए वा परिहारे वा ।
[२१] परिहारकप्पट्टिए भिक्खू बहिया थेराणं वेयावडियाए गच्छेज्जा, थेरा य से सरेज्ज वा नो वा सरेज्जा कप्पड़ से निव्विसमाणस्स एगराइयाए पडिमाए जण्णं-जण्णं दिसं अन्ने साहम्मिया विहरंति तण्णं-तण्णं दिसं उवलित्तए नो से कप्पति तत्थ विहारवत्तियं वत्थए, कप्पड़ से तत्थ कारणवत्तियं वत्थए तंसि च णं कारणंसि निट्ठियंसि परो वएज्जा - वसाहि अज्जो ! एगरायं वा दुरायं वा एवं से कप्पइ एगरायं वा दरायं वा वत्थए, नो से कप्पड़ परं एगरायाओ वा दुरायाओ वा व तत्थ परं एगरायाओ वा दुरायाओ वा वसइ से संतरा छेए वा परिहारे वा |
[२२] परिहारकप्पढिए भिक्ख बहिया थेराणं वेयावडियाए गच्छेज्जा थेरा य से सरेज्जा कप्पड़ से एगराइयाए पडिमाए जण्णं-जण्णं दिसं अन्ने साहम्मिया विहरंति तण्णं-तण्णं दिसं उवलित्तए, नो से कप्पइ तत्थ विहारवत्तियं वत्थए, कप्पति से तत्थ कारणवत्तियं वत्थए तंसि च णं कारणंसि निट्ठियंसि परो वएज्जा- वसाहि अज्जो ! एगरायं वा दुरायं वा एवं से कप्पइ एगरायं वा दुरायं वा वत्थए नो से कप्पड़ परं एगरायाओ वा दुरायाओ वा वत्थए, जं तत्थ परं एगरायाओ वा दुरायाओ वा वसइ से संतरा छेए वा परिहारे वा ।।
[२३] भिक्खू य गणाओ अवक्कम्म एगल्लविहारपडिमं उवसंपज्जित्ताणं विहरेज्जा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, पुणो आलोएज्जा पुणो पडिक्कमेज्जा पुणो [दीपरत्नसागर संशोधितः]
[4]
[३६-ववहारो