Agam 34 Nisiham Padhamam Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 6

उद्देसो-२
[६८] जे भिक्खू पयमग्गं वा संकमं वा आलंबनं वा सयमेव करेति करेंतं वा सातिज्जति । [६९] जे भिक्खू दगवीणियं सयमेव करेति करेंतं वा सातिज्जति ।
[७०] जे भिक्खू सिक्कगं वा सिक्कगनंतगं वा सयमेव करेति करेंतं वा सातिज्जिति । [७१] जे भिक्खू सोत्तियं वा रज्जुयं वा चिलिमिलिं सयमेव करेति करेंतं वा सातिज्जति । [७२] जे भिक्खू सूईए उत्तरकरणं सयमेव करेति करेंतं वा सातिज्जति ।
[७३] जे भिक्खू पिप्पलयस्स उत्तरकरणं सयमेव करेति करेंतं वा सातिज्जति ।
[७४] जे भिक्खू नहच्छेयणगस्स उत्तरकरणं सयमेव करेति करेंतं वा सातिज्जति ।
[७५] जे भिक्खू कण्णसोहणयस्स उत्तरकरणं सयमेव करेति करेंतं वा सातिज्जति ।
[७६] जे भिक्खू लहुसगं फरुसं वयति वयंतं वा सातिज्जति ।
[७७] जे भिक्खू लहुसगं मुसं वयति वयंतं वा सातिज्जति ।
[७८] जे भिक्खू लहुसगं अदत्तं आदियति आदियंतं वा सातिज्जति ।
[७९] जे भिक्खू लहुसएण सीओदग वियडेण वा उसिणोदग वियडेण वा हत्थाणि वा पादाणि
वा कण्णाणि वा अच्छीणि वा दंताणि वा नहाणि वा मुहाणि वा उच्छोलेज्ज वा पधोवेज्ज वा उच्छोलेंतं वा पधोवेंतं वा सातिज्जति ।
[८०] जे भिक्खू कसिणाई चम्माई धरेति धरेंतं वा सातिज्जति । [८१] जे भिक्खू कसिणारं वत्थाइं धरेति धरेंतं वा सातिज्जति ।
[८२] जे भिक्खू अभिन्नाइं वत्थाइं धरेइ धरेंतं वा सातिज्जति ।
[८३] जे भिक्खू लाउयपायं वा दारुपायं वा मट्टियापायं वा सयमेव परिघट्टेति वा संठवेति वा जमावेंति वा परिघट्टेतं वा संठवेंत वा जमावेंतं वा सातिज्जति ।
[८४] जे भिक्खू दंडगं वा लट्ठियं वा अवलेहणियं वा वेणुसूइयं वा सयमेव परिघट्टेति वा
संठवेति वा जमावेंति वा परिघट्टेतं वा संठवेंतं वा जमावेंतं वा सातिज्जति ।
[८५] जे भिक्खू नियग- गवेसियं पडिग्गहगं धरेति धरेंतं वा सातिज्जति । [८६] जे भिक्खू पर-गवेसियं पडिग्गहगं धरेति धरेंतं वा सातिज्जति । [८७] जे भिक्खू वर-गवेसियं पडिग्गहगं धरेति धरेंतं वा सातिज्जति । [८८] जे भिक्खू बल-गवेसियं पडिग्गहगं धरेति धरेंतं वा सातिज्जति । [८९] जे भिक्खू लव-गवेसियं पडिग्गहगं धरेति धरेंतं वा सातिज्जति । [९०] जे भिक्खू नितियं अग्गपिंडं भुंजति भुंजंतं वा सातिज्जति । [९१] जे भिक्खू नितियं पिंडं भुजंति भुंजंतं वा सातिज्जति । [९२] जे भिक्खू नितियं अवड्ढं भुजति भुंजंतं वा सातिज्जति । [९३] जे भिक्खू नितियं भागं भुंजति भुंजंतं वा सातिज्जति ।
[९४] जे भिक्खू नितियं अवड्ढभागं भुंजति भुजंतं वा सातिज्जति ।
[९५] जे भिक्खू नितियं वासं वसति वसंतं वा सातिज्जति ।
[९६] जे भिक्खू पुरेसंथवं वा पच्छासंथवं वा करेति करेंतं वा सातिज्जति ।
[९७] जे भिक्खू समाणे वा वसमाणे वा गामाणुगामं वा दूइज्जमाणे पुरे संथुयाणि वा
[5]
[३४-निसीहं]
[दीपरत्नसागर संशोधितः]