________________
[९६२] जे भिक्खू अन्नउत्थिएण वा गारत्थिएण वा अप्पणो अच्छीणि तेल्लेण वा घएण वा वसा वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति । [९६३] जे भिक्खू अन्नउत्थिएण वा गारत्थिएण वा अप्पणो अच्छीणि लोण वा कक्केण वा चुण्णेण वा वण्णेण वा उल्लोलावेज्ज वा उव्वट्टावेज्ज वा उल्लोलावेंतं वा उव्वट्टावेंतं वा सातिज्जति ।
[९६४] जे भिक्खू अन्नउत्थिएण वा गारत्थिएण वा अप्पणो अच्छीणि सीओदग-वियडेण वा उसिणोदग-वियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सातिज्जति । [९६५] जे भिक्खू अन्नउत्थिएण वा गारत्थिएण वा अप्पणो अच्छीणि फुमवेज्ज वा रयावेज्ज वा फुमावेंतं वा रयावेंतं वा सातिज्जति ।
[९६६] जे भिक्खू अन्नउत्थिएण वा गारत्थिएण वा अप्पणो दीहाई भमुग-रोमाई कप्पावेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[९६७] जे भिक्खू अन्नउत्थिएण वा गारत्थिएण वा अप्पणो दीहाइं पास-रोमाइं कप्पावेज्ज वा संठवावेज्ज वा कप्पावेंतं वा सातिज्जति ।
[९६८] जे भिक्खू अन्नउत्थिएण वा गारत्थिएण वा अप्पणो कायाओ सेयं वा जल्लं वा पंकं वा मलं वा नीहवेज्ज वा विसोहावेज्ज वा नीहरावेंतं वा विसोहावेंतं वा सातिज्जति ।
[९६९] जे भिक्खू अन्नउत्थिएण वा गारत्थिएण वा अप्पणो अच्छिमलं वा कण्णमलं वा दंतमलं वा नहमलं वा नीहरावेज्ज वा विसोहावेज्ज वा नीहरावेंतं वा विसोहावेंतं वा सातिज्जति । [९७०] जे भिक्खू अन्नउत्थिएण वा गारत्थिएण वा गामाणुगामं दूइज्जमाणे अप्पण सीसदुवारियं कारवेति कारवेंतं वा सातिज्जति ।
[९७१] जे भिक्खू आगंतारेसु वा आरामगारेसु वा गाहावइकुलेसु वा परियावसहेसु वा उच्चारपासवणं परिद्ववेति परिट्ठवेतं वा सातिज्जति ।
[९७२] जे भिक्खू उज्जाणंसि वा [ उज्जाणगिहंसि वा उज्जाणसालंसि वा निज्जाणंसि वा निज्जाणगिहंसि वा निज्जाणसालंसि वा उच्चार पासवणं परिट्ठवेति परिट्ठवेतं वा] सातिज्जति । [९७३] जे भिक्खू अट्टंसि वा [अट्टालयंसि वा पागारंसि वा परियंसि वा दारंसि वा गोपुरंसि वा उच्चार-पासवणं परिद्ववेति परिद्ववेंतं वा] सातिज्जति ।
[दगपहंसि वा दगतीरंसि वा दगठाणंसि वा उच्चार
[९७४] जे भिक्खू दगमग्गंसि वा पासवणं परिट्ठवेति परिट्ठवेंतं वा] सातिज्जति ।
[९७५] जे भिक्खू सुन्नहिंस [सुन्नसालंसि वा भिन्नगिहंसि वा भिन्नसालंसि वा कूडागारंसि वा कोट्ठागारंसि वा उच्चार- पासवणं परिद्ववेति परिट्ठवेतं वा] सातिज्जति ।
[९७६] जे भिक्खू तणसालंसि वा [तणगिहंसि वा तुससालंसि वा तुसगिहंसि वा बुससालंसि वाबसहिंसि वा उच्चार पासवणं परिट्ठवेति परिट्ठवेंतं वा सातिज्जति ।
[९७७] जे भिक्खू जाणसालंसि वा [जाणगिहंसि वा जुग्गसालंसि वा जुग्गगिहंसि वा उच्चारपासवणं परिट्ठवेति परिद्ववेंतं वा सातिज्जति ।
[९७८] जे भिक्खू पणियसालंसि वा [पणियगिहंसि वा परियागसालंसि वा परियागगिहंसि वा
उद्देसो- १५
[दीपरत्नसागर संशोधितः]
Jain Education International
[57]
For Private & Personal Use Only
[३४- निसीह]
www.jainelibrary.org
