________________
[१२९५] जे भिक्खू वत्थं अच्छेज्जं अनिस अभिहडमाहट्टु दिज्जमाणं पडिग्गाहेति पडिग्गार्हतं वा सातिज्जति ।
[१२९६] जे भिक्खू अइगं वत्थं गणिं उद्दिसिय गणिं समुद्दिसिय तं गणि अनापुच्छ अनामंतिय अन्नमन्नस्स वियरति वियरंतं वा सातिज्जति ।
उद्देसो- १८
[१२९७] जे भिक्खू अइरेगं वत्थ खुड्डगस्स वा खुड्डियाए वा थेरगस्स वा थेरियाए वाअहत्थच्छिन्नस्स अपायच्छिन्नस्स अकण्णच्छिन्नस्स अनासच्छिन्नस्स अनोट्ठच्छिन्नस्स सक्कस्स - देति देतं वा सातिज्जति ।
[१२९८] जे भिक्खू अइरेगं वत्थं खुड्डगस्स वा खुड्डियाए वा थेरगस्स वा थेरियाए वाहत्थच्छिन्नस्स जाव असक्कस्स-न देति न देंतं वा सातिज्जति ।
[१२९९] जे भिक्खू वत्थं अनलं अथिरं अधुवं अधारणिज्जं धरेति धरेंतं वा सातिज्जति । [१३००] जे भिक्खू वत्थं अलं थिरं धुवं धारणिज्जं न धरेति न धरेंतं वा सातिज्जति । [१३०१] जे भिक्खू वण्णमंतं वत्थं विवण्णं करेति करेंतं वा सातिज्जति । [१३०२] जे भिक्खू विवण्णं वत्थं वण्णमंतं करेति करेंतं वा सातिज्जति ।
[१३०३] जे भिक्खू नो नवए मे वत्थं लद्धे त्ति कट्टु सीओदग - वियडेण वा उसिणोद - वियडेण वा उच्छोलेज्ज वा पधोवेज्ज वा उच्छोलेंतं वा पधोवेंतं वा सातिज्जति ।
[१३०४] जे भिक्खू नो नवए मे वत्थं लद्धे त्ति कट्टु बहुदेवसिएण सीओदग-वियडेण वा उसिणोदग-वियडेण वा उच्छोलेज्ज वा पधोवेज्ज वा उच्छोलेंतं वा पधोवेंतं वा सातिज्जति ।
[१३०५] जे भिक्खू नो नवए मे वत्थं लद्धे त्ति कट्टु कक्केण वा लोद्धेण वा व वणेण वा आघंसेज्ज वा पघंसेज्ज वा आघंसतं वा पघंसंत वा सातिज्जति ।
[१३०६] जे भिक्खू नो नवए मे वत्थं लद्धे त्ति कट्टु बहुदेवसिएण कक्केण वा लोण वा चुण्णेण वा वण्णेण वा आघंसेज्ज वा पघंसेज्ज वा आघंसतं वा पघंसंत वा सातिज्जति ।
[१३०७] जे भिक्खू दुब्भिगंधे मे वत्थं लद्धे त्ति कट्टु सीओदग - वियडेण वा उसिणोदगवियडेण वा उच्छोलेज्ज वा पधोवेज्ज वा उच्छोलेंतं वा पधोवेंतं वा सातिज्जति ।
[१३०८] जे भिक्खू दुब्भिगंधे मे वत्थं लद्धे त्ति कट्टु बहुदेवसिएण सीओदग-वियडेण वा उसिणोदग-वियडेण वा उच्छोलेज्ज वा पधोवेज्ज वा उच्छोलेंतं वा पधोवेंतं वा सातिज्जति ।
[१३०९] जे भिक्खू दुब्भिगंधे मे वत्थं लद्धे त्ति कट्टु कक्केण वा लोद्धेण वा व वणेण वा आघंसेज्ज वा पघंसेज्ज वा आघंसतं वा पघंसंत वा सातिज्जति ।
[१३१०] जे भिक्खू दुब्भिगंधे मे वत्थं लद्धे त्ति कट्टु बहुदेवसिएण कक्केण वा लोद्धेण वा चुण्णेण वा वण्णेण वा आघंसेज्ज वा पघंसेज्ज वा आघंसतं वा पघंसंत वा सातिज्जति ।
[१३११] जे भिक्खू अनंतरहियाए पुढवीए वत्थं आयावेज्ज वा पयावेज्ज वा आयावेंतं वा पयावेंतं वा सातिज्जति ।
[१३१२] जे भिक्खू ससिणिद्धाए पुढवीए वत्थं आयावेज्ज वा० सातिज्जति । [१३१३] जे भिक्खू ससरक्खाए पुढवीए वत्थं आयावेज्ज वा० सातिज्जति । [१३१४] जे भिक्खू मट्टियमक्कडाए पुढवीए वत्थं आयावेज्ज वा० सातिज्जति । [दीपरत्नसागर संशोधितः]
[76]
Jain Education International
For Private & Personal Use Only
[३४- निसीहं]
www.jainelibrary.org
