________________
[१०७२] जे भिक्खू अवुसिरातियं वुसिरातियं वदति वदंतं वा सातिज्जति । [१०७३] जे भिक्खू वुसिरातियं गणाओ अवुसिराइयं गणं संकमति संकमंतं वा सा० |
[१०७४] जे भिक्खू वुग्गहवक्कंताणं असनं वा पानं वा खाइमं वा साइमं वा देति देंतं वा सातिज्जति ।
[१०७५] जे भिक्खू वग्गहवक्ताणं असनं वा जाव पडिच्छति पडिच्छंतं वा सातिज्जति |
[१०७६] जे भिक्खू वुग्गहवक्कंताणं वत्थं वा पडिग्गहं वा कंबलं वा पायपुंछणं वा देति देंतं वा सातिज्जति ।
[१०७७] जे भिक्खू वुग्गहवक्कंताणं वत्थं वा जाव पडिच्छति पडिच्छंतं वा सातिज्जति । [१०७८] जे भिक्खू वुग्गहवक्कंताणं वसहिं देति देंतं वा सातिज्जति । [१०७९] जे भिक्खू वुग्गहवक्कंताणं वसहिं पडिच्छति पडिच्छंतं वा सातिज्जति | [१०८०] जे भिक्खू वुग्गहवक्कंताणं वसहिं अनुपविसति अनुपविसंतं वा सातिज्जति । [१०८१] जे भिक्खू वुग्गहवक्कंताणं सज्झायं देति देंतं वा सातिज्जति | [१०८२] जे भिक्खू वुग्गहवक्कंताणं सज्झायं पडिच्छति पडिच्छंतं वा सातिज्जति ।
[१०८३] जे भिक्खू अडविं अनेगाहमगणिज्जं सति लाढे विहाराए संथरमाणेसु जनवएस विहारपडियाए अभिसंधारेति अभिसंधारेतं वा सातिज्जति ।
[१०८४] जे भिक्खू विरूवरूवाइं दसुगाययणाइं अनारियाइं मिलक्खूई पच्चंतियाइं सति लाढे विहारए संथरमाणेसु जनवएसु विहारपडियाए अभिसंधारेति अभिसंधारेतं वा सातिज्जति ।
[१०८५] जे भिक्खू दुगुंछियकुलेसु असनं वा जाव पडिग्गाहेति पडिग्गाहेंतं वा सातिज्जति | [१०८६] जे भिक्खू दुगुंछियकुलेसु वत्थं वा जाव पडिग्गाहेति पडिग्गाहेंतं वा सातिज्जति । [१०८७] जे भिक्खू दुगुंछियकुलेसु वसहिं पडिग्गाहेति पडिग्गाहेंतं वा सातिज्जति | [१०८८] जे भिक्खू दुगुंछियकुलेसु सज्झायं उद्दिसति उद्दिसंतं वा सातिज्जति । [१०८९] जे भिक्खू दुगुंछियकुलेसु सज्झायं वाएति वाएंतं वा सातिज्जति । [१०९०] जे भिक्खू
सज्झायं पडिच्छति पडिच्छंतं वा सातिज्जति । [१०९१] जे भिक्खू असनं वा जाव पुढवीए निक्खिवति निक्खिवंतं जाव वा सातिज्जति | [१०९२] जे भिक्ख असनं वा जाव संथारए निक्खिवति निक्खिवंतं वा सातिज्जति ।
[१०९३] जे भिक्ख असनं वा पानं वा खाइमं वा साइमं वा वेहासे निक्खिवति निक्खिवंतं वा सा|
[१०९४] जे भिक्खू अन्नउत्थिएहिं वा गारत्थिएहिं वा सद्धिं भुजति भुजंतं वा सातिज्जति ।
[१०९५] जे भिक्खू अन्नउत्थिएहिं वा गारत्थिएहिं वा सद्धिं आवेढिय-परिवेढिए भुजति भुजंतं वा सातिज्जति ।
[१०९६] जे भिक्खू आयरिय-उवज्झायाणं सेज्जा-संथारयं पाएणं संघट्टेत्ता हत्थेणं अणणुन्नवेत्ता घारयमाणे गच्छति गच्छंतं वा सातिज्जति ।
[१०९७] जे भिक्खू पमाणातिरित्तं वा गणणातिरित्तं वा उवहिं धरेति धरेतं वा सातिज्जति
[१०९८] जे भिक्खू अनंतरहियाए पुढवीए उच्चार-पासवणं परिहवेति परिहवेंतं वा सा० |
दीपरत्नसागर संशोधितः]
[63]
[63]
[३४-निसीह]
Jain Education International
For Private & Personal Use Only
www.jainelibrary.org
