________________
उव्वट्टावयाण वा मज्जावयाण वा मंडावयाण वा छत्तग्गहाण वा चामरग्गहाण वा हडप्पग्गहाण वा परियट्टग्गहाण वा दीवियग्गहाण वा असिग्गहाण वा धनुग्गहाण वा सत्तिग्गहाण वा कोंतग्गहाण वा । [६०६] जे भिक्खू रण्णो० मुद्धाभिसित्ताणं असनं जाव साइमं वा परस्स नीहडं पडिग्गाहेति पडिग्गाहेंतं वा सातिज्जति तं जहा- वरिसधराण वा कंचुइज्जाण दोवारियाण वा दंडारक्खियाण वा । [६०७] जे भिक्खू रण्णो खत्तियाणं मुदियाणं मुद्धाभिसित्ताणं असनं जाव साइमं वा परस्स नीडं पडिग्गाहेति पडिग्गार्हतं वा सातिज्जति तं जहा खुज्जाण वा चिलाइयाण वा वामणीण वा वडभीण वा बब्बरीण वा पउसीण वा जोणियाण वा पल्हवियाण वा ईसिणीण वा थारुगिणीण वा लासीण वा लउसीण वा सिंहलीण वा दमिलीण वा आरबीण वा पुलिंदीण वा पक्कणीण वा बहलीण वा मरुंडीण वा सबरीण वा पारसीण वा
तं सेवमाणे आवज्जइ चाउम्मासियं परिहारट्ठाणं अनुग्घातियं । • नवमो उद्देसो समत्तो •
उद्देसो- ९
• दसमो- उद्देसो •
[६०८] जे भिक्खू भदंतं आगाढं वदति वदंतं वा सातिज्जति । [६०९] जे भिक्खू भदंतं फरुसं वदति वदंतं वा सातिज्जति ।
[६१०] जे भिक्खू भदंतं आगाढं फरुसं वदति वदंतं वा सातिज्जति ।
[६११] जे भिक्खू भदंतं अन्नयरीए अच्चासायणाए अच्चासाएति अच्चासाएतं वा० । [६१२] जे भिक्खू अनंतकायसंजुत्तं आहारं आहारेति आहारेंतं वा सातिज्जति ।
[६१३] जे भिक्खू आहाकम्मं भुंजति भुंजंतं वा सातिज्जति । [६१४] जे भिक्खू पडुप्पन्नं निमित्तं वागरेति वागरेंतं वा सातिज्जति । [६१५] जे भिक्खू अनायगं निमित्तं वागरेति वागरेंतं वा सातिज्जति । [६१६] जे भिक्खू सेहं अवहरति अवहरंतं वा सातिज्जति ।
[६१७] जे भिक्खू सेहं विप्परिणामेति विप्परिणामेंतं वा सातिज्जति ।
Jain Education International
[६१८] जे भिक्खू दिसं अवहरति अवहरंतं वा सातिज्जति ।
[६१९] जे भिक्खू दिसं विप्परिणामेति विप्परिणामेतं वा सातिज्जति ।
[६२०] जे भिक्खू बहियावासियं आदेसं परं ति-रायाओ अविफालेत्ता संवसावेति संवसावेतं
वा सातिज्जति ।
[६२१] जे भिक्खू साहिगरणं अविओसविय पाहुडं अकडपायच्छित्तं परं ति-रायाओ विप्फालिय अविप्फालिय संभुंजति संभुंजतं वा सातिज्जति ।
[६२२] जे भिक्खू उग्घातियं अनुग्घातियं वदति वदंतं वा सातिज्जति । [६२३] जे भिक्खू अनुग्घातियं उग्घातियं वदति वदंतं वा सातिज्जति । [६२४] जे भिक्खू उग्घातियं अनुग्घातियं देति देंतं वा सातिज्जति । [६२५] जे भिक्खू अनुग्घातियं उग्घातियं देति देंतं वा सातिज्जति । [६२६] जे भिक्खू उग्घातियं सोच्चा नच्चा संभुंजति संभुजंतं वा सातिज्जति ।
[दीपरत्नसागर संशोधितः]
[38]
For Private & Personal Use Only
[३४- निसीह]
www.jainelibrary.org
