Agam 33A Maransamahim Dasamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 4

गाहा १६
[१६] सद्दहगा पत्तियगा रोयगा जे य वीरवयणस्स । सम्मत्तमनुसरंता दंसण-आराहगा हुंति ।।
[१७] संसारसमावण्णे य छव्विहे मुक्खमस्सिए चेव । एए दुविहे जीवे आणाए सद्दहे निच्चं ||
[१८] धम्माऽधम्मागासं च पोग्गले जीवमत्थिकायं च । आणाए सद्दहंता सम्मत्ताराहगा भणिया || [१९] अरहंत-सिद्ध-चेइय-गुरूसु सुयधम्म साहुवग्गे य । आयरिय उवज्झाए पव्वयणे सव्वसंघे य ।।
[२०] एएसु भत्तिजुत्ता पूयंता अहरहं अनन्नमना । सम्मत्तमनुसरिता परित्त संसारिया हुंति ।।
[२१] सुविहिय ! इमं पइण्णं असद्दहंतेहि नेगजीवेहिं । बालमरणाणि तीए मयाइ काले अनंताई ||
[२२] एगं पंडियमरणं मरिऊण पुणो बहूणि मरणाणि । न मरंति अप्पमत्ता चरित्तमाराहियं जेहिं ||
[२३] दुविहम्मि अहक्खाए सुसंवुडा पुव्वसंगओमुक्का । जे उ चयंति सरीरं पंडिय - मरणं मयं तेहिं ।।
[२४] एयं पंडिय-मरणं जे धीरा उवगया उवाएणं । तस्स उवाए उ इमा परिकम्मविही उ जुंजीया || [२५] जे कंस - संख-ताडण - मारुय-जिय-गगन-पंकय-तरुणं । सरिकप्पा सुय-कप्पिय आहार-विहार - चिट्ठागा ।। [२६] निच्चं तिदंडविरया तिगुत्तिगुत्ता तिसल्ल निस्सल्ला । तिविहेण अप्पमत्ता जगजीव दयावरा समणा ।। [२७] पंचमहव्वयसुत्थिय संपुण्णचरित्त सीलसंजुत्ता । तह तह मया महेसी हवंति आराहगा समणा
[२८] इक्कं अप्पाणं जाणिऊण काऊण अत्तहिययं च । तो नाण-दंसण-चरित्त तव सुठिया मुनी हुंति ॥
[२९] परिणाम जोगसुद्धा दोसु य दो दो निरासयं पत्ता । इहलोए परलोए जीविय मरणासए चेव ||
[३०] संसारबंधणाणि य रागद्दोसनियलाणि छित्तूणं । सम्मद्दंसण सुनिसिय सुतिक्ख धिइमंडलग्गेणं ।। [३१] दुप्पणिहिए य पिहिऊण तिन्नि तिहिं चेव गारव विमुक्का ।
कायं मनं च वायं मन वयसा कायसा चेव ||
[३२] तवपरसुणा य छित्तूण तिन्नि उजु-खंति - विहिय-निसिएण | दुग्गइमग्गा नरएण मनवयसाकायए दंडे ।।
[दीपरत्नसागर-संशोधितः]
[3]
||
[३३ / १ | मरणसमाहि]