Agam 33A Maransamahim Dasamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 32

गाहा ४९२
[४९२] कुल्लइरम्मि अ दत्तो चरियाई परीसहे समक्खाओ । सिट्ठिसुयतिगिच्छणणं अंगुलदीवो य वासम्मि [४९३] गयपुर कुरूदत्तसुओ निसीहिया अडविदेस पडिमाए । गावि कुविएण दड्ढो गयसुकुमालो जहा भगवं ।। [४९४] दो अनगारा धिज्जाइयाइ कोसंबि सोमदत्ताई । पाओवगया नदि नेसिज्जाए सागरे छूढा || [४९५] महुराइ महुरखमओ अक्कोसपरीसहे उ सविसेसो । ओ रायगिहम्म उ अज्जुनमालारदिट्ठतो ।। [४९६] कुंभारकडे नगरे खंदगसीसाण जंतपीलणया । एवंविहे कहिज्जइजह सहियं तस्स सीसेहिं ।। [४९७] तह झाणनाणजुत्तं गीए संठियस्स समुयाणं । तत्तो अलाभगंमि उ जह कोहं निज्जिणे कण्हो || [४९८] किसिपारासर ढंढो बीयं तु अलाभगे उदाहरणं । कण्हबलभद्दमन्नं चइऊण खमण्णिओ सिद्धो || [४९९] महुरा जियसत्तुसुओ अनगारो कालवेसिओ रोगे । मोग्गल्लसेलसिहरे खइओ किल सरसियालेणं ।। [५००] सावत्थी जियसत्तूतनओ निक्खमण पडिम तणफासे । वीरिय पविय विकिंचण कुसलेसण कड्ढणा सहनं ।। [५०१] चंपासु नंदगं चिय साहु दुगंछाइ जल्ल खठरंगे । कोसंब जम्म निक्खमण वेयणं साहु पडिमा || [५०२] महुराइ इंददत्तोऽसक्कारा पायछेयणे सड्ढो । पन्नाइ अज्जकालग सागरखमणो य दिट्ठतो ।। [५०३] नाणे असगडताओ खंभगनिधी अनहियासणो भद्दो | दंसणपरीसहम्मि उ आसाढभूई उ आयरिया ।। [५०४] चरियाए मरणम्मि उ समुइण्णपरीसहो मुनी एवं । भाविज्ज निउणजिनमय उवएस सुईइ अप्पाणं ।। [५०५] उम्मग्ग संपयायं मनहत्थिं विसयसुमरियमनंतं । नाणकुण धीरो धरेइ दित्तंपिव गइंदं ।।
[५०६] एए उ अहासूरा महिड्दिए को व भाणि सत्तो किं वातिमूवमाए जिन गणधर थेरचरिएसुं ।। [५०७] किं चित्तं जइ नाणी सम्मद्दिट्ठी करंति उच्छाहं । तिरिएहि विदुरनुचरो केहि वि अनुपालिओ धम्म ।। [५०८] अरूणसिंह दट्ठणं मच्छो सण्णी महासमुद्दम । हा न गहिउ त्ति काले झसत्ति संवेगमावन्नो ||
[दीपरत्नसागर-संशोधितः]
[31]
? |
[३३/१| मरणसमाहि]