Agam 33A Maransamahim Dasamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 37

गाहा-५७७
[५७७] भवनेहिं व वनेहिं य सयनाssसनजाणवाहनाईहिं । संजोगोऽवि अनिच्चो तह परलोगेहिं सह तेहिं ।।
[५७८] बल वीरिय रूव जोव्वण- सामग्गी सुभगया वपूसोभा । देहस्स य आरुग्गं असासयं जीवियं चेव ||
[५७९] जम्म जरा मरणभए अभिद्दुए विविह वाहिसंतत्ते । लोगम्मि नत्थि सरणं जिनिंदवर सासनं मुत्तुं ॥
[५८०] आसेहि य हत्थीहि य पव्वयमित्तेहिं निच्चमित्तेहिं । सावरण पहरणेहि य बलवयमत्तेहिं जोहेहिं ||
[५८१] महया भड चडगर पहकरेण अवि चक्कवट्टिणा मच्चू | नय जिव्व ई नीइबलेणावि लोगंमि ||
[५८२] विविहेहि मंगलेहि य विज्जा मंतोसही पओगेहिं । न वि सक्का तारेठं मरणा न वि रुण्ण सोएहिं ||
[ ५८३] पुत्ता मित्ताय पिया सयणो बंधवजनो य अत्था य । न समत्था ताएउ मरणा सिंदा वि देवगणा ||
[५८४] सयणस्स य मज्झगओ रोगाभिहओ किलिस्सइ इहेगो । सयणोऽवि य से रोगं न विरिंचइ नेव नासेइ ||
[५८५] मज्झम्मि बंधवाणं इक्को मरइ कलुणं रूयंताणं । न य णं अन्नेति तओ बंधुजनो नेव दाराई ||
[५८६] इक्को करेइ कम्मं फलम वि तस्सेक्कओ समनुहवइ । इक्को जायइ मरइ य परलोयं इक्कओ जाई || [५८७] पत्तेयं पत्तेयं नियगं कम्मफलमनुहवंताणं ।
को कस्स जए सयणो
? को कस्स व परजनो भणिओ ? को केण समं च परभवं जाई ? कस्स व को कं नियत्तेई
[५८८] को केण समं जायइ को वा करेइ किंची [५८९] अनुसोयइ अन्नजनं अन्नभवंतरगयं तु बालजनो । न वि सोयइ अप्पाणं किलिस्समाणं भवसमुद्दे ||
[५९०] अन्नं इमं सरीरं अन्नोऽहं बंधवा वि मे अन्ने । एवं नाऊण खमं कुसलस्स न तं खमं काउं [५९१] हा ! जह मोहियमइणा सुग्गइमग्गं अजाणमाणेणं । भीमे भवकंतारे सुचिरं भमियं भयकरम्मि ||
[५९२] जोणिसयसहस्सेसु य असई जायं मयं वडनेगासु । संजोगविप्पओगा पत्ता दुक्खाणि य बहूणि ।।
[५९३] सग्गेसु य नरगेसु य माणुस्से तह तिरिक्खजोणीसुं । जायं मयं च बहुसो संसारे संसरंतेणं ।।
[दीपरत्नसागर-संशोधितः]
[36]
? ।।
? I
? ।।
? ।।
[३३ / १ | मरणसमाहि]