Agam 33A Maransamahim Dasamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 34

गाहा-५२६
[५२६] संघयण धिईजुत्तो नव-दसपुव्वी सुएण अंगा वा । इंगिणि पाओवगमं पडिवज्जइ एरिसो साहू ।।
[५२७] निच्चल निप्पडिकम्मो निक्खिवए जं जहिं जहा अंगं । एयं पाओवगमं सनिहारि वा अनीहारिं ।
[५२८] पाओवगमं भणियं समविसमे पायवु व्व जह पडिओ । नवरं परप्पओगा कंपिज्ज जहा फल तरु व्व ॥
[५२९] तस-पाण-बीयरहिए विच्छिन्न वियारथंडिल विसुद्धे । एगंते निद्दोसे उविंति अब्भुज्जयं मरणं ||
[ ५३०] पुव्वभविय वेरेणं देवो साहरइ कोऽवि पायाले ।
मा सो चरिमसरीरो न वेयणं किंचि पाविज्जा ।
[५३१] उप्पन्ने उवसग्गे दिव्वे माणुस्सए तिरिक्खे य । सव्वे पराजिणित्ता पाओवगया पविहरति ।।
[५३२] जह नाम असी कोसा अन्नो कोसो असी वि खलु अन्नो । इय मे अन्नो जीवो अन्नो देहु त्ति मन्निज्जा ।। [५३३] पुव्वाऽवर दाहिण उत्तरेण वाएहिं आवडतेहिं ।
जह नवि कंपइ मेरू तह झाणाओ नवि चलति ।। [५३४] पढमम्मि य संघयणे वट्टंते सेलकुड्डसामाणे । तेसिं पि य वुच्छेओ चउदसपुव्वीण वुच्छेए ||
[५३५] पुढवि दग अगनि मारूय तरुमाइ तसेसु कोई साहरइ । वोसट्ठ चत्तदेहो अहाउअं तं परिक्खिज्जा ।।
[ ५३६] देवो नेहेण नए देवागमनं च इंदगमनं वा ।
जहियं इड्ढी कंता सव्वसुहा हुंति सुहभावा ।।
[५३७] उवसग्गे तिविहे वि य अनुकूले चेव तह य पडिकूले ।
सम्मं अहियासंतो कम्मक्खय कारओ होइ ।।
[५३८] एवं पाओवगमं इंगिनि पडिकम्म वण्यिं । तित्थयर गणहरेहि य साहूहि य सेवियमुयारं ।। [५३९] सव्वे सव्वद्धाए सव्वन्नू सव्वकम्मभूमीसु । सव्वगुरु सव्वहिया सव्वे मेरुसु अहिसित्ता ।। [५४०] सव्वाहि वि लद्धीहिं सव्वेऽवि परीसहे पराइत्ता । सव्वेऽवि य तित्थयरा पाओवगया उ सिद्धिगया ।।
[५४१] अवसेसा अनगारा तीय पडुप्पन्न नागया सव्वे । केई पाओवगया पच्चक्खाणिंगिणिं केई ||
[५४२] सव्वा विअ अज्जाओ सव्वे वि य पढमसंघयणवज्जा | सव्वे य देसविरया पच्चक्खाणेण य मरति ॥
[दीपरत्नसागर-संशोधितः]
[33]
[३३ / १ | मरणसमाहि]