Agam 33A Maransamahim Dasamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 21

गाहा-३०५
[३०५] नरएसु अनुत्तरेसु अ अनुत्तरा वेयणाओ पत्ताओ ।
वट्टतेण पमाए ताओ वि अनंतसो पत्ता ।। [३०६] एयं सयं कयं मे रिणं व कम्मं पुरा असायं तु ।
तमहं एस धुणामी मणम्मि सत्तं निवेसिज्जा ।। [३०७] नानाविहदुक्खेहि य समुइन्नेहि उ सम्म सहणिज्जं ।
न य जीवो उ अजीवो कयपुव्वो वेयणाईहिं ।। [३०८] अब्भुज्जयं विहारं इत्थं जिनदेसियं विउपसत्थं ।
नाउं महापुरिससेवियं जं अब्भुज्जयं मरणं ।। [३०९] जह पच्छिमम्मि काले पच्छिमतित्थयरदेसियमुयारं ।
पच्छा निच्छयपत्थं उवेइ अब्भुज्जयं मरणं ।। [३१०] छत्तीस मट्टियाहि य कडजोगी जोगसंगहबलेणं ।
उज्जमिऊणं बारस-विहेण तव-नियमठाणेणं ।। [३११] संसार-रंगमज्झे धिइ-बल-सन्नद्ध-बद्ध-कच्छाओ । हंतूण मोहमल्लं हराहि आराहण पडागं ।। [३१२ पोराणयं च कम्म खवेइ अन्नन्नबंधणायायं ।
कम्म-कलंकल-वल्लिं छिंदइ संथारमारूढो ।। [३१३] धीर-पुरिसेहिं कहियं सप्पुरिस-निसेवियं परमघोरं ।
उत्तिण्णोमि हु रंग हरामि आराहण पडागं ।। [३१४] धीर ! पडागाहरणं करेहि जह तंसि देसकालम्मि |
सुत्तत्थमनुगुणितो धिइ-निच्चल-बद्ध-कच्छाओ ।। [३१५] चत्तारि कसाए तिन्नि गारवे पंच इंदियग्गामे ।
जिणिठं परीसहसहे हराहि आराहणपडागं ।। [३१६] न य मनसा चिंतिज्जा जीवामि चिरं मरामि
जइ इच्छसि तरिठं जे संसारमहोअहिमपारं ।। [३१७] जइ इच्छसि नीसरिठं सव्वेसिं चेव पावकम्माणं । जिनवयण नाण दंसण चरित्त भावुज्जुओ जग्ग || [३१८] दंसण नाण चरिते तवे य आराहणा चउक्खंधा ।
सा चेव होइ तिविहा उक्कोसा मज्झिम जहन्ना ।। [३१९] आराहेऊण विऊ उक्कोसाऽऽराहणं चउक्खंधं ।
कम्मरय विप्पमुक्को तेणेव भवेण सिज्झिज्जा || [३२०] आराहेऊण विऊ मज्झिम आराहणं चउक्खधं ।
उक्कोसेण य चउरो भवे 3 गंतूण सिज्झिज्जा ।। [३२१] आराहेऊण विऊ जहन्नमाऽऽराहणं चउक्खधं । सत्तट्ठ भवग्गहणे परिणामेऊण सिज्झिज्जा ।।
दीपरत्नसागर-संशोधितः
[20]
[३३/१|मरणसमाहित