Agam 33A Maransamahim Dasamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 16

गाहा - २२०
[२२०] अस्संजममन्नाणं मिच्छत्तं सव्वओ ममत्तं च । वे अजीवेय तं नंदे तं च गरिहामि ।। [२२१] परिजाणे मिच्छतं सव्वं अस्संजमं अकिरियं च । सव्वं चेव ममत्तं चयामि सव्वं च खामेमि || [२२२] जे मे जाणंति जिणा अवराहा जेसु जेसु ठाणेसु । ते तह आलोएमि उवट्ठिओ सव्वभावेणं ।।
[२२३] उप्पन्ना उप्पन्ना माया अणुमग्गओ निहंतव्वा । आलोयण निंदण गरिहणाहिं न पुणोत्ति य बिइयं ।। [२२४] जह बालो जंपतो कज्जमकज्जं च उज्जुयं भणइ । तं तह आलोयव्वं मायं मुतूण निस्सेसं ||
[२२५] सुबहुंपि भावसल्लं आलोएऊण गुरुसगासम्म । निस्सल्लो संथारं उवेइ आराहओ होइ ।।
[२२६] अप्पंपि भावसल्लं जे नालोयंति गुरुसगासम्म । धंतंपि सुसमिद्धा न हु ते आराहगा हुंति ।।
[२२७] न वि तं विसं च सत्थं च दुप्पउत्तो व कुणइ वेयालो । जंतं व दुप्पउत्तं सप्पो व पमायओ कुविओ ।।
[२२८] जं कुणइ भावसल्लं अनुद्धियं उत्तमट्ठकालम्मि । दुल्लह बोहीयत्तं अनंत संसारियत्तं च ।।
[२२९] तो उद्धरंति गारव - रहिया मूलं पुनब्भवलयाणं । मिच्छादंसण सल्लं माया सल्लं नियाणं च ।। [२३०] कयपावोऽवि मणूसो आलोइय निंदिउं गुरुसगासे होइ अइरेग लहुओ ओहरिय भरुव्व भारवहो ।। [२३१] तस्स य पायच्छितं जं मग्गविऊ गुरू उवइति । तं तह अनुरियव्वं अनवत्थपसंगभीएणं ।।
[२३२] दसदोसविप्पमुक्कं तम्हा सव्वं अमग्गमाणेणं । जं किंचि कयमकज्जं आलोए तं जहावत्तं ॥
[२३३] सव्वं पाणारंभं पच्चक्खामित्ति अलिय वयणं च । सव्वं अदिन्नदाणं अब्बंभ परिग्गहं चेव ||
[२३४] सव्वं च असनपानं चउव्विहं जा य बाहिरा उवही ।। अब्भिंतरं च वहिं जावज्जीवं तु वोसिरामि ||
[२३५] कंतारे दुब्भिक्खे आयंके वा महया समुप्पन्ने । जं पालियं न भग्गं तं जाणसु पालनासुद्धं ॥ [२३६] रागेण व दोसेण व परिणामेण व न दूसियं जं तु | तं खलु पच्चक्खाणं भावविसुद्धं मुणेयव्वं ॥
[दीपरत्नसागर-संशोधितः]
[15]
!
[३३/१| मरणसमाहि]