Agam 10 Ang 10 Prashna Vyakaran Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 10

MOO55555555555555555555555555555555555555555555555556YOR
ROO55555555555555(१०) पहावागरणं पढमो सुयक्खंधो पढम अज्झयणं । पढम आयवदारं (अधम्मदार) पिका (१) [१]5555555555555OOL
सिरि उसाहदेव सामिस्स णमो । सिरि गोडी - जिराउला - सव्वोदय पास गहाणं णमो । नमोऽत्थुणं समणस्स भगवओ महइ महावीर वद्धमाण सामिस्स । सिरि गोयम - सोहम्माइ सव्व गणहराणं णमो । सिरि सुगुरु - देवाणं णमो | 55 श्रीप्रश्नव्याकरणदशाङ्गम्- जंबू । 'इणमो अण्हयसंवरविणिच्छयं पवयणस्स निस्संदं । वोच्छामि णिच्छयत्थं सुहासियत्थं महेसीहिं॥१॥ (तेणं कालेणं तेणं समएणं चंपा नाम नगरी होत्था, पुण्णमद्दे चेइए वणसंडे असोगवरपायवे पढवीसिलापट्टए, तत्थ णं चंपाए नगरीए कोणिए नाम राया होत्था, धारिणी देवी, तेणं कालेणं० समणस्स भगवओ महावीरस्स अंतेवासी अज्जसुहम्मे नाम थेरे जाइसंपन्ने कुलसंपन्ने बलसंपन्ने रूवसंपन्ने विणयसंपन्ने नाणसंपन्ने दंसणसंपन्ने चरित्तसंपन्ने लज्जासंपन्ने लाघवसंपन्ने ओयंसी तेयंसी वच्चंसी जसंसी जियकोहे जियमाणे जियमाए जियलोभे जियनिद्दे जियइंदिए जियपरीसहे जीवियासमरणभयविप्पमुक्के तवप्पहाणे गुणप्पहाणे मुत्तिप्पहाणे विज्ञापहाणे मंतप्पहाणे बंभप्पहाणे वयप्पहाणे नयप्पहाणे नियमप्पहाणे सच्चप्पहाणे सोयप्पहाणे नाणप्पहाणे दंसणप्पहाणे चरित्तप्पहाणे चोद्दसपुवी चउनाणेवगए पंचहि अणगारसएहिं सद्धिं संपरिखुडे पुव्वाणुपुब्विं चरमाणे गामाणुगामं दूइज्जमाणे जेणेव चंपा नगरी तेणेव उवागच्छइ जाव अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरति। तेणं कालेणं० अज्जसुहम्मस्स अंतेवासी अज्जजंबूनामं अणगारे कासवगोत्तेणं सत्तुस्सेहे जाव संखित्तविपुलतेयलेस्से अज्जसुहम्मस्स थेरस्स अदरसामन्ते उडढंजाणू जाव संजमेणं तवसा अप्पाणं भावेमाणे विहरइ, तए णं से अज्जजंबू जायसड्ढे जायसंसए जायकोउहल्ले उप्पन्नसद्धे० संजायसद्धे० समुप्पन्नसद्धे० उठाए उट्टेइ त्ता जेणेव अज्जसुहम्मे थेरे तेणेव उवागच्छइ त्ता अज्जसुहम्मं थेरं तिक्खुत्तो आयाहिणपयाहिणं करेइ त्ता वंदइ नमसइ त्ता नच्चासन्ने नाइदरे विणएणं पंजलिपुडे पज्जुवासमाणे एवं व०-जइ णं भंते । समणेणं भगवयामहावीरेणं जाव संपत्तेणं णवमस्स अंगस्स अणुत्तरोववाइयदसाणं अयमढे पं० दसमस्स णं भंते ! अंगस्स पण्हावागरणाणं समणेणं जाव संपत्तेणं के अढे पं०?. जंबू ! दसमस्स अंगस्स समणेणं जाव संपत्तेणं दो सुयक्खंधा पं०- आसवदारा य संवरदारा य, पढमस्स णं भंते! सुयक्खंधस्स समणेणं जाव संपत्तेणं कइ अज्झयणा पं० १. जम्बू ! पढमस्स णं सुयक्खंधस्स समणेणं जाव संपत्तेणं पंच अज्झयणा पं०, दोच्चस्स णं भंते ! ० एवं चेव, एएसिणं भंते ! अण्हयसंवराणं समणेणं जाव संपत्तेणं के अढे पं०१, तते णं अज्जसुहम्मे थेरे जंबूनामेणं अणगारेणं एवं वत्ते समाणे जंबू अणगारं एवं व०-पा०) 'पंचविहो पण्णत्तो जिणेहिं. इह अण्हओ अणादीओ। हिंसा मोसमदत्तं अब्बंभ परिग्गहं चेव ।।२।जारिसओ १ जनामा २ जह य कओ ३ जारिसं फलं देति । जेविय करेंति पावा पाणवहं ५ तं निसामेह ||३|| पाणवहो नाम एस निच्चं जिणेहिं भणिओ-पावो चंडो रुद्दो खुद्दो साहसिओ अणारिओ णिग्घिणो णिस्संसो महब्भओ पइभओ १० अतिभओ बीहणओ तासणओ अणज्जो उव्वेयणओ य णिरवयक्खो णिद्धम्मो णिप्पिवासो णिक्कलणो निरयवासगमणनिधणो २० मोहमहब्भयपयट्टओ मरणावेमणस्सो २२ ★★★। पढम अधम्मदारं ।* १। तस्स य नामाणि इमाणि गोण्णाणि होति तीसं,तं०-पाणवह उम्मूलणा सरीराओ अवीसंभो हिंसविहिंसा तहा अकिच्चं च घायणा मारणाय वहणा उद्दवणा तिवायणाय १० आरंभसमारंभो आउयकम्मस्सुवद्दवो भेयणिट्ठवणगालणाय संवट्टगसंखेवो मच्चू असंजमो कडगमद्दणं वोरमणं परभवसंकामकारओ दुग्गतिप्पवाओ पावकोवोय पावलोभो २० छविच्छेओजीवियंतकरणो भयंकरो अणकरो य वज्जो परितावणअण्हओ विसाणो निज्जवणा लुंपणा गुणाणं विराहणत्ति ३० विय तस्स एवमादीणि णामधेज्जाणि होति तीसं पाणवहस्स कलुसस्स कड़यफलदेसगाई।शतं च पुण करेंति केई पावा अस्संजया अविरया अणिहुयपरिणामदुप्पयोगी पाणवहं भयंकरं बहुविहं बहुप्पगारं परदुक्खुप्पायणप्पसत्ता इमेहिं तसथावरेहिं जीवेहिं पडिणिविठ्ठा, किं ते ?, पाढीणतिमितिमिगिलअणेगझसविविहजातिमंडुक्कदुविहकच्छभणक्कमगरदुविहगाहादिलिवेढयमंदुयसीमागारपलयसंसमारबहप्पगारजलयरविहाणाकते य एवमादी कुरंगरुरुसरभचमरसंबरउरब्भससयपसयगोण-सरोहियहयगयखरकरभखग्गवानरगव
0555555555555555555555555555555555$$$$$$$$$$$$$$
7 સૌજન્ય :- પ. પૂ. સાધ્વીશ્રી ધૈર્યપ્રભાશ્રીજીના શિષ્યા પ.પૂ. સાધ્વી શ્રી ગુણમાલાશ્રીજી ના શિષ્યા પ.પૂ. સાધ્વીશ્રી હિતપ્રભાજી ની પ્રેરણાથી.
_ भुतु (पूर्व) अयल२७न संध MovELLEGEL
5 555555555 श्री आगमगुणमंजूषा - ७३३ 995555555555555555555555556/