Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 6

सतं-१, वग्गो- , सत्तंसतं- , उद्देसो-१
पडुप्पन्नकालसमए गेण्हंति? अणागतकालसमए गेण्हंति? गोयमा! नो तीतकालसमए गेण्हंति, पडुप्पन्नकालसमए गेहंति, नो अणागतकालसमए गेण्हंति ।
नेरइया णं भंते! जे पोग्गले तेयाकम्मत्ताए गहिए उदीरेंति ते किं तीतकालसमयगहिते पोग्गले उदीरेंति? पइप्पन्नकालसमयघेप्पमाणे पोग्गले उदीरेंति? गहणसमयपुरेक्खडे पोग्गले उदीरेंति? गोयमा! तीयकालसमयगहिए पोग्गले उदीरेंति, नो पइप्पन्नकालसमयघेप्पमाणे पोग्गले उदीरेंति, नो गहणसमयपुरेक्खडे पोग्गले उदीरेंति । एवं वेदेति , निज्जरेंति ।।
[१९] नेरइया णं भंते! जीवातो किं चलियं कम्मं बंधंति? अचलियं कम्मं बंधंति? गोयमा! नो चलियं कम्मं बंधंति, अचलितं कम्मं बंधंति । एवं उदीरेंति वेदेति ओयटेंति संकामेंति निहतेंति निकाएंति । सव्वेसु णो चलियं, अचलियं।
नेरइयाणं भंते! जीवातो किं चलियं कम्मं निज्जरेंति? अचलियं कम्मं निज्जरेंति? गोयमा! चलिअं कम्मं निज्जरेंति, नो अचलियं कम्म निज्जरेंति । गाहा
[२०] बंधोदय-वेदोव्वट्ट-संकमे तह निहत्तण-निकाए ।
अचलियं कम्मं तु भवे चलितं जीवाउ निज्जरए ।। [२१] एवं ठिई असुरकुमाराणं भंते! केवइयं कालं ठिती पण्णता? जहन्नेणं दस वाससहस्साई, उक्कोसेणं सातिरेगं सागरोवमं।
असुरकुमारा णं भंते! केवइकालस्स आणमंति वा ४? गोयमा! जहन्नेणं सत्तण्डं थोवाणं, उक्कोसेणं साइरेगस्स पक्खस्स आणमंति वा ४ |
असुरकुमारा णं भंते! आहारट्ठी? हंता, आहारट्ठी ।
असुरकुमारा णं भंते! केवइकालस्स आहारट्ठे समुप्पज्जइ? गोयमा! असुरकुमाराणं विहे आहारे पण्णते। तंजहा-आभोगनिव्वत्तिए य, अणाभोगनिव्वत्तिए य। तत्थ णं जे से अणाभोगनिव्वत्तिए से अणुसमयं अविरहिए आहारट्ठे समुप्पज्जइ। तत्थ णं जे से आभोगनिव्वत्तिए से जहन्नेणं चउत्थभत्तस्स, उक्कोसेणं साइरेगस्स वाससहस्सस्स आहारट्ठे समुप्पज्जइ।
असुरकुमारा णं भंते! किमाहारमाहारेंति? गोयमा! दव्वओ अणंतपएसियाई दव्वाइं, खित्तकाल-भावा पण्णवणागमेणं। सेसं जहा नेरइयाणं जाव ते णं तेसिं पोग्गला कीसत्ताए भुज्जो भुज्जो परिणमंति? गोयमा! सोइंदियत्ताए सुरूवत्ताए सुवण्णताए इट्ठताए इच्छियत्ताए अभिज्झियत्ताए, उड्ढताए, णो अहत्ताए, सुहत्ताए, णो दुहत्ताए भुज्जो भुज्जो परिणमंति।
असुरकुमाराणं पुव्वाहारिया पुग्गला परिणया? असुरकुमाराभिलावेणं जहा नेरइयाणं जाव चलियं कम्मं निज्जरंति।
नागकुमाराणं भंते! केवइयं कालं ठिती पण्णता? गोयमा! जहन्नेणं दस वाससहस्साइं, उक्कोसेणं देसूणाई दो पलिओवमाइं।
नागकुमारा णं भंते! केवइकालस्स आणमंति वा ४? गोयमा! जहन्नेणं सत्तण्हं थोवाणं, उक्कोसेणं मुहत्तपुहत्तस्स आणमंति वा ४।
नागकुमारा णं भंते! आहारट्ठी? हंता, गोयमा! आहारट्ठी।
नागकुमाराणं भंते! केवइकालस्स आहारट्ठे समुप्पज्जइ? गोयमा! नागकुमाराणं दुविहे आहारे [दीपरत्नसागर संशोधितः]
[५-भगवई
15]