Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 5

सतं-१, वग्गो-, सत्तंसत्तं-, उद्देसो- १
पहीणे?, छिज्जमाणे छिन्ने?, भिज्जमाणे भिन्ने?, इज्झमाणे डड़ढे?, मिज्जमाणे मडे?, निज्जरिज्जमाणे निज्जिण्णे?, हंता गोयमा ! चलमाणे चलिए जाव निज्जरिज्जमाणे निज्जिण्णे ।
[१०] एए णं भंते! नव पदा किं एगट्ठा नाणाघोसा नाणावंजणा उदाहु नाणट्ठा नाणाघोसा नाणावंजणा? गोयमा! चलमाणे चलिते, उदीरिज्जमाणे उदीरिते, वेइज्जमाणे वेइए, पहिज्जमाणे पहीणे, एए णं चत्तारि पदा एगट्ठा नाणाघोसा नाणावंजणा उप्पन्नपक्खस्स । छिज्जमाणे छिन्ने, भिज्जमाणे भिन्ने, डज्झमाणे डड्ढे, मिज्जमाणे मडे, निज्जरिज्जमाणे निज्जिण्णे, एए णं पंच पदा नाणट्ठा नाणाघोसा नाणावंजणा विगतपक्खस्स ।
[११] नेरइयाणं भंते! केवइकालं ठिई पण्णत्ता ? गोयमा ! जहन्नेणं दस वाससहस्साइं, उक्कोसेणं तेत्तीसं सागरोवमाइं ठिई पण्णत्ता । नेरइया णं भंते! केवइकालस्स आणमंति वा पाणमंति वा ऊससंति वा नीससंति वा? जहा ऊसासपदे । नेरइया णं भंते! आहारट्ठी ? जहा पण्णवणाए पढमए आहार उद्देस तथा भाणियव्वं ।
[१२]
ठिति उस्सासाहारे किं वा ssहारेंति सव्वओ वा वि । कतिभागं सव्वाणि व कीस व भुज्जो परिणमंति? ||
[१३] नेरतियाणं भंते! पुव्वाहारिता पोग्गला परिणता ? आहारिता आहारिज्जमाणा पोग्गला परिणता ? अणाहारिता आहारिज्जिस्समाणा पोग्गला परिणया ? अणाहारिया अणाहारिज्जिस्समाणा पोग्गला परिणया ? गोयमा ! नेरतियाणं पुव्वाहारिता पोग्गला परिणता १, आहारिता आहारिज्जमाणा पोग्गला परिणताय परिणमंति य, अणाहारिता आहारिज्जिस्समाणा पोग्गला नो परिणता, परिणमिस्संति, अणाहारिया अणाहारिज्जिस्समाणा पोग्गला नो परिणता, नो परिणमिस्संति ।
[१४] नेरइयाणं भंते! पुव्वाहारिया पोग्गला चिता. पुच्छा। जहा परिणया तहा चिया वि। एवं उवचिता, उदीरिता, वेदिता, निज्जिण्णा । गाहा
[१५] परिणत चिता उवचिता उदीरिता वेदिया य निज्जिण्णा । एक्केक्कम्मि पदम्मी चउव्विहा पोग्गला होंति ।।
[१६] नेरइयाणं भंते! कतिविहा पोग्गला भिज्जंति ? गोयमा ! कम्मदव्ववग्गणम अहिकिच्च दुविहा पोग्गला भिज्जंति । तं जहा अणू चेव, बादरा चेव ।
नेरइयाणं भंते! कतिविहा पोग्गला चिज्जंति ? गोयमा ! आहारदव्ववग्गणम हिकिच्च दुविहा पोग्गला चिज्जंति। तं जहा - अणू चेव बादरा चेव । एवं उवचिज्जंति ।
नेरइया णं भंते! कतिविहे पोग्गले उदीरेंति ? गोयमा ! कम्मदव्ववग्गणम हिकिच्च दुविहे पोग्गले उदीरेंति । तं जहा - अणू चेव बादरे चेव ।
एवं वेदेंति । निज्जरेंति । ओयटिंसु । ओयट्टेति । ओयट्टिस्संति । संकामिंसु । संकामेंति । संकामिस्संति । निहत्तिंसु । निहतेंति । निहत्तिस्संति । निकायंसु । निकाएंति । निकाइस्संति । सव्वेसु वि कम्मदव्ववग्गणमहिकिच्च। गाहा
[१७] भेदित चिता उवचिता उदीरिता वेदिया य निज्जिण्णा ।
ओयट्टण-संकामण-निहत्तण-निकायणे तिविह कालो ॥
[१८] नेरइया णं भंते! जे पोग्गले तेयाकम्मत्ताए गेण्हंति ते किं तीतकालसमए गेण्हंति ?
[५-भगवई]
[दीपरत्नसागर संशोधितः ]
[4]