Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 14

सतं-१, वग्गो-,सत्तंसत्तं-, उद्देसो-३
करेस्संति। एत्थ वि दंडओ जाव वेमाणियाणं ।
एवं चिते-चिणिसु, चिणंति, चिणिस्संति। उवचिते - उवचिणिंसु, उवचिणंति, उवचिणिस्संति । उदीरेंसु, उदीरेंति, उदीरिस्संति। वेदिंसु, वेदेंति, वेदिस्संति। निज्जरेंसु, निज्जरेंति, निज्जरिस्संति। [३६] कड चित, उवचित, उदीरिया, वेदिया य, निज्जिण्णा । आदितिए चउभेदा, तियभेदा पच्छिमा तिण्णि ॥ वेदेंति ? हंता, वेदेंति ।
[३७] जीवा णं भंते! कंखामोहणिज्जं कम्मं
कहं णं भंते! जीवा कंखामोहणिज्जं कम्मं वेदेंति ? गोयमा ! तेहिं तेहिं कारणेहिं संकिगा कंखिगा वितिकिंछिता भेदसमावन्ना कलुससमावन्ना, एवं खलु जीवा कंखामोहणिज्जं कम्मं वेदेंति । [३८] से नूणं भंते! तमेव सच्चं णीसंकं जं जिणेहिं पवेदितं ? हंता, गोयमा ! तमेव सच्चं णीसंकं जं जिणेहिं पवेदितं ।
[३९] से नूणं भंते! एवं मणं धारेमाणे, एवं पकरेमाणे एवं चिट्ठेमाणे, एवं संवरेमाणे आणाए आराहए भवति? हंता, गोयमा ! एवं मणं धारेमाणे जाव भवति ।
[४०] से नूणं भंते! अत्थित्तं अत्थित्ते परिणमइ, नत्थित्तं नत्थित्ते परिणमति? हंता, गोयमा !
जाव परिणमति ।
जं तं भंते! अत्थित्तं अत्थित्ते परिणमति, नत्थित्तं नत्थित्ते परिणमति तं किं पयोगसा वीससा? गोयमा ! पयोगसा वि तं वीससा वितं ।
जहा ते भंते! अत्थितं अत्थित्ते परिणमइ तधा ते नत्थित्तं नत्थित्ते परिणमति ? जहा ते नत्थित्तं नत्थित्ते परिणमति तहा ते अत्थित्तं अत्थित्ते परिणमति ? हंता, गोयमा ! जहा मे
अत्थितं अत्थित्ते परिणमति तहा मे नत्थित्तं नत्थित्ते परिणमति, जहा मे नत्थित्तं नत्थित्ते परिणमति तहा मे अत्थित्तं अत्थित्ते परिणमति ।
सेणू भंते! अत्थितं अत्थित्ते गमणिज्जं ? जधा परिणमइ दो आलावगा तथा गमणिज्जेण वि दो आलावगा भाणितव्वा जाव तथा मे अत्थित्तं अत्थित्ते गमणिज्जं ।
[४१] जधा ते भंते! एत्थं गमणिज्जं तधा ते इहं गमणिज्जं ? जधा ते इहं गमणिज्जं तधा
ते एत्थं गमणिज्जं ? हंता, गोयमा ! जहा मे एत्थं गमणिज्जं जाव तहा मे एत्थं गमणिज्जं ।
[४२] जीवा णं भंते! कंखामोहणिज्जं कम्मं बंधति ? हंता, बंधंति ।
कहं णं भंते! जीवा कंखामोहणिज्जं कम्मं बंधति ? गोयमा ! पमादपच्चया जोगनिमित्तं च । से णं भंते! पमादे किंपवहे? गोयमा! जोगप्पवहे।
से णं भंते! जोगे किंपवहे? गोयमा ! वीरियप्पवहे।
से णं भंते! वीरिए किंपवहे? गोयमा ! सरीरप्पवहे।
से णं भंते! सरीरे किंपवहे? गोयमा ! जीवप्पवहे। एवं सति अत्थि उट्ठाणे ति वा, कम्मे ति वा बले ति वा, वीरिए ति वा, पुरिसक्कारपरक्कमेति वा ।
[४३] से णूणं भंते! अप्पणा चेव उदीरेइ, अप्पणा चेव गरहइ, अप्पणा चेव संवरेइ ? हंता, गोयमा ! अप्पणा चेव तं चेव उच्चारेयव्वं ।
जं तं भंते! अप्पणा चेव उदीरेइ अप्पणा चेव गरहेइ, अप्पणा चेव संवरेइ तं किं उदिण्णं [दीपरत्नसागर संशोधितः]
[13]
[५-भगवई]