Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 21

(३) ठाणं
२- अ. विद्वाणं उ -४
चेव परपइट्ठिए चेव, एवं नेरइयाणं जाव वेमाणियाणं । एवं जाव मिच्छादंसणसल्ले । ११२. दुविहा संसारसमावन्नगा जीवा पन्नत्ता, तंजहा तसा चेव थावरा चेव । दुविधा सव्वजीवा पन्नत्ता, तंजहा सिद्धा चेव असिद्धा चेव । दुविहा सव्वजीवा पण्णत्ता, तंजहा सइंदिया चेव अणिदिया चेव । एवं एसा गाहा फासेतव्वा जाव ससरीरी चेव असंरीरी चेव सिद्ध-सइंदिय-काए, जोगे वेदे कसाय लेसा य । णाणुवओगाहारे, भासग चरिमे य ससरीरी ||७|| ११३. दो मरणाइं समणेणं भगवता महावीरेणं समणाणं णिग्गंथाणं णो णिच्वं वन्नियाई णो णिच्वं कित्तियाइं णो णिच्चं पूइयाइं णो णिच्चं पसत्थाइं णो णिच्चं अब्भणुण्णाताई भवंति, तंजहा वलतमरणे चेव वसट्टमरणे चेव १ । एवं णियाणमरणे चेव तब्भवमरणे चेव २ । गिरिपडणे चेव तरुपडणे चेव ३ । जलप्पवेसे चेव जलणप्पवसे चेव ४ । विसभक्खणे चेव सत्थोवाडणे चेव ५ । दो मरणाई जाव णो णिच्चं अब्भणुन्नाताई भवंति, कारणेण पुण अप्पडिकुट्ठाइं, तंजहा वेहाणसे चेव गिद्धपट्टे चेव ६ । दो मरणाहं समणेणं भगवया महावीरेणं समणाणं निग्गंथाणं णिच्चं वन्नियाई जाव अब्भणुण्णाताई भवंति, तंजहा पाओवगमणे चेव भत्तपच्चक्खाणे चेव ७ । पाओवगमणे दुविहे पन्नत्ते, तंजहा णीहारिमे चेव अनीहारिमे चेव, णियमं अपडिकम्मे ५ । भत्तपच्चक्खाणे दुविहे पन्नत्ते, तंजहा णीहारिमे चेव अणीहारिमे चेव, णियमं सपडिकम्मे ९ । ११४. के अयं लोगे ? जीवच्चेव अजीवच्चेव । के अनंता लोए ? जीवच्चेव अजीवच्चेव । के सासया लोगे ? जीवच्चेव अजीवच्चेव । ११५. दुविधा बोधी पन्नत्ता, तंजहा णाणबोधी चेव दंसणबोधी चेव । दुविहा बुद्धा पन्नत्ता, तंजहा णाणबुद्धा चेव दंसणबुद्धा चेव । एवं मोहे, मूढा । ११६. णाणावरणिज्जे कम्मे दुविधे पन्नत्ते, तंजहा देसणाणावर णिज्जे चेव सव्वणाणावरणिज्जे . चेव । दरिसणावरणिज्जे कम्मे एवं चेव । वेयणिज्ने कम्मे दुविहे पन्नत्ते, तंजहा सातावेयणिज्जे चेव असातावेयणिज्जे चेव । मोहणिज्ने कम्मे दुविहे पन्नत्ते, तंजा दंसणमोहणिज्जे चेव चरित्तमोहणिज्ने चेव । आउए कम्मे दुविहे पन्नत्ते, तंजहा अद्धाउए चेव भवाउए चेव । णामे कम्मे दुविहे पन्नत्ते, तंजहा सुभणामे चेव असुभणामे चेव । गोत्ते कम्मे दुविहे पन्नत्ते, तंजहा उच्चागोते चेव णीयागोते चेव । अंतराइए कम्मे दुविहे पन्नत्ते, तंजहा पडुप्पन्नविणासिए चेव, पिहेति य आगामिषह । ११७. दुविहा मुच्छा पन्नत्ता, तंजहा पेज्जवत्तिता चेव दोसवत्तिता चेव । पेज्जवत्तिता मुच्छा दुविहा पन्नत्ता, तंजहा माया चेव लोभे चेव । दोसवत्तिता मुच्छा दुव पन्नत्ता, तंजहा कोधे चेव माणे चेव । ११८. दुविधा आराहणा पन्नत्ता, तंजहा- धम्मिताराहणा चेव केवलिआराहणा चेव । धम्मियाराहणा दुविहा पन्नत्ता,. तंजहा सुतधम्माराहणा चेव चरित्तधम्माराहणा चेव । केवलि आराहणा दुविधा पन्नत्ता, तंजहा- अंतकिरिया चेव कप्पविमाणोववत्तिया चेव । ११९. दो तित्थगरा नीलुप्पसामावणेणं पन्नत्ता, तंजहा मुणिसुव्वते चेव अरिट्ठनेमी चेव । दो तित्थयरा पियंगुसामा वण्णेणं पन्नत्ता, तंजहा मल्ली चेव पासे चेव । दो तित्थगरा पउमगोरा वण्णेणं पन्नत्ता, तंजहा पउमप्पहे चेव वासुपुज्जे चेव । दो तित्थगरा चंदगोरा वण्णेणं पन्नत्ता, तंजहा चंदप्पभे चेव पुप्फदंते चेव । १२०. सच्चप्पवायपुव्वस्स णं दुवे वत्थू पन्नत्ता । १२१. पुव्वाभद्दवयाणक्खत्ते दुतारे पन्नत्ते । उत्तराभद्दवयाणक्खत्ते दुतारे पण्णत्ते। एवं पुव्वा फग्गुणी उत्तरा फग्गुणी । १२२. अंतों णं मणुस्सखेत्तस्स दो समुद्दा पन्नत्ता, तंजहा लवणे चेव कालोदे चेव । १२३. दो चक्कवट्टी अपरिचत्तकामभोगा कालमासे कालं किच्चा अहेसत्तमाए पुढवीए अप्पतिट्ठाणे णरए णेरइयत्ताए. उववन्ना, तंजहा सुभूमे चेव बंभदत्ते चेव । १२४. असुरिंदवज्जयाणं भवणवासीणं देवाणं देसूणाई दो पलिओवमाई ठिती पन्नत्ता १ । सोहम्मे कप्पे देवाणं उक्कोसेणं दो सागरोवमा ठिती पन्नत्ता २ । इसाणे कप्पे देवाणं उक्कोसेणं सातिरेगाई दो सागरोवमाई ठिती पन्नता ३ । सणकुमारे कप्पे देवाणं जहन्नेणं दो सागरोवमाई ठिती पन्नत्ता ४ । माहिदे कप्पे देवाणं जहन्नेणं साइरेगाइं दो सागरोवमाइं ठिती पन्नत्ता ५ । दोसु कप्पेसु कप्पित्थियाओ पन्नत्ताओ, तंजहा सोहम्मे चेव ईसाणे चेव १ । दोसु कप्पे देवा तेउलेस्सा पन्नत्ता, तंजहा सोहम्मे चेव ईसाणे चेव २ । दोसु कप्पेसु देवा कायपरियारगा पत्नत्ता, तंजहा सोहम्मे चेव ईसाणे चेव ३ । दोसु कप्पेंसु देवा फासपरियारगा पन्नत्ता, तंजहा सणकुमारे चेव माहिदे चेव ४ । दोसु कप्पेसु देवा रूवपरियारगा पन्नत्ता, तंजहा बंभलोगे चेव लंतगे चेव ५ । दोसु कप्पेसु देवा सद्दपरियारगा पन्नत्ता, तंजहा महासुक्के चेव सहस्सारे चेव ६ । दो ईदा मणपरियारगा पन्नत्ता, तंजहा पाणते चेव अच्चुते चेव ७ । १२५. जीवा णं दुट्टाणणिव्वत्तिते पोग्गले पावकम्मत्ताए चिणिसु वा चिणंति वा चिणिस्संति वा, तंजहा तसकायनिव्वत्तिते चेव थावरकायनिव्वत्तिते चेव १ । एवं उवचिणिसु वा उवचिणंति वा श्री आगमगुणमजूषा १०९
1
ॐ
०
[११]