Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 69

ᏥᏲᎯᏲᏨᎯ
७.अ. सप्तत्य [१९]
**************** णरकंता, सुवण्णकूला, रत्ता । जंबुद्दीवे दीवे सत्त महानदीओ पच्चत्थाभिमुहीओ लवणसमुद्दे समप्पेति, तंजहा सिंधू, रोहितंसा, हरिकंता, सीतोदा, णारिकंता, रूप्पकूला, रत्तावती । धायइसंडदीवपुरत्थिमद्धे णं सत्त वासा पन्नत्ता, तंजहा भरहे जाव महाविदेहे । धायइसंडदीवपुरत्थिमद्धे णं सत्त वासहरपव्वता पन्नत्ता, तं जहा चुल्लहिमवंते जाव मंदरे । धायइसंडदीवपुरत्थिमद्धे णं सत्तमहानदीओ पुरत्थाभिमुहीओ कालोदसमुहं समप्पेति, तंजहा गंगा जाव रत्ता । धायइसंडदीवपुरत्थिमद्धे सत्त महानदीओ पच्चत्थाभिमुहीओ लवणसमुदं समप्पेंति, तंजहा सिंधू जाव रत्तावती । धायइसंडदीवपच्चत्थिमद्धे णं सत्त वासा एवं चेव, णवरं पुरत्थाभिमुहीओ लवणसमुद्दं समप्पेति, पच्चत्थाभिमुहीओ कालोद, सेसं तं चेव । पुक्खरवरदीवडपुरत्थिमद्धे णं सत्त वासा तहेव, णवरं पुरत्थाभिमुहीओ पुक्खरोदं समुहं समप्पेति, पच्चत्थाभिमुहीतो कालोदं समुदं समप्पेति, सेसं तं चेव । एवं पच्चत्थिमद्धे वि, णवरं पुरत्थाभिमुहीओ कालोदं समुदं समप्पेति, पच्चत्थाभिमुहीओ पुक्खरोदं समुद्द समप्पेति सव्वत्थवासा वासहरपव्वता णदीओ य भाणितव्वाणि । ५५६. जंबुद्दीवे दीवे भारहे वासे तीताते उस्सप्पिणीते सत्त कुलकरा होत्था तंजहा - "मित्तदामे सुदामे, सुपा यसपभे । विमलघोसे सुघोसे य, महाघोसे य सत्तमे " ॥ ७९ ॥ जंबुद्दीवे दीवे भारहे वासे इमीसे ओसप्पिणीते सत्त कुलकरा होत्था, तंजहा“पढमित्थ विमलवाहण, चक्खुम जसमं चउत्थमभिचंदे । तत्तो पसेणती पुण, मरुदेवे चेव नाभी य" ॥८०॥ एतेसि णं सत्तण्हं कुलकराणं सत्त भारियाओ होत्था, तंजा चंदजसा चंदकता, सुरूव पडिरूव चक्खुकंता य। सिरिकंता मरुदेवा, कुलकरइत्थीण नामाई ॥ ८१ ॥ जंबुद्दीवे दीवे भारहे वासे आगमेसाते उस्सप्पिणीते सत्त कुरा भविस्संति, तंजहा- "मित्तवाहणे सुभोमे य, सुप्पभे य सयंपभे । दत्ते सुहुमे सुबंधू य, आगमेसेण होक्खती" ॥८२॥ विमलवाहणे णं कुलकरे सत्तविधा रुक्खा उवभोगत्ताते हव्वमागच्छिंसु, तंजहा- "मत्तंगता त मिंगा, चित्तंगा चेव होति चित्तरसा। मणियंगा त अणियणा, सत्तमगा कप्परुक्खा य” ॥८३॥ ५५७. सत्तविधा दंडनीती पन्नत्ता, तंजहा हक्कारे, मक्कारे, धिक्कारे, परिभासे, मंडलबंधे, चारते, छविच्छेदे । ५५८. एगमेगस्स णं रन्नो चाउरंतचक्कवट्टिस्स सत्त एगेंदियरतणा पन्नत्ता, तंजहा चक्करतणे, छक्करयणे, चम्मरयणे, दंडरतणे, असिरतणे, मणिरयणे, काकणिरतणे । एगमेगगस्स णं रन्नो चाउरंतचक्कवट्टिस्स सत्त पंचेदियरतणा पन्नत्ता, तंजहा सेणावतीरतणे, गाहावतिरतणे, वड्डतिरयणे, पुरोहितरयणे, इत्थिरतणे, आसरतणे, हत्थिरयणे । ५५९. सत्तहिं ठाणेहिं ओगाढं दुस्समं जाज्जा, जहा अकाले वरिसर, काले ण वरिसइ, असाधू पुज्जंति, साधू ण पुज्जंति, गुरूहिं जणो मिच्छं पडिवन्नो, मणोदुहता, वतिदुहता। सत्तहिं ठाणेहिं ओगाढं सुसमं जाणेज्ना, जहा अकाले न वरिसइ, काले वरिसति, असाधू ण पुज्जंति, साधू पुज्जंति, गुरूहिं जणो सम्मं पडिवन्नो, मणोसुहता, वतिसुहता । ५६०. सत्तविधा संसारसमावन्नगा जीवा पन्नत्ता, तंजहा नेरतिता, तिरिक्खजोणिता, तिरिक्खजोणिणीतो, मणुस्सा, मणुस्सीओ, देवा, देवीओ । ५६१. सत्तविधे आउभेदे पन्नत्ते, तंजा अज्झवसाण-निमित्ते, आहारे वेयणा-पराघाते । फासे आणापाणू, सत्तविधं भिज्जए आउं ॥ ८४ ॥। ५६२. सत्तविधा सव्वजीवा पन्नत्ता, तंजहा पुढविकाइया, आउकाइया, तेउकाइया, वाउकाइया, वणस्सतिकाइया, तसकाइया, अकाइया । अहवा सत्तविहा सव्वजीवा पन्नत्ता, तंजहा कण्हलेसा जाव सुक्कलेसा, अलेसा । ५६३. बंभदत्ते णं राया चाउरंतचक्कवट्ठी सत्त धणूइं उडुंउच्चतेणं सत्त य वाससताई परमाउं पालयित्ता कालमासे कालं किच्चा अधे सत्तमाते पुढवीते अप्पतिट्ठाणे णरए णेरतितत्ताते उववन्ने । ५६४. मल्ली णं अरहा अप्पसत्तमे मुंडे भविता अगारातो अणगारियं पव्वइए, तंजहा मल्ली विदेहरायवरकन्नगा, पडिबुद्धी इक्खागराया, चंदच्छाये अंगराया, रुप्पी कुणालाधिपती, संखे कासीराया, अदीणसत्तू कुरुराया, जितसतू पंचालराया । ५६५. सत्तविहे दंसणे पन्नत्ते, तंजहा सम्मदंसणे, मिच्छदंसणे, सम्मामिच्छदंसणे, चक्खुदंसणे, अचक्खुदंसणे, ओहिदंसणे, केवलदंसणे । ५६६. छउमत्थवीयरागे णं मोहणिज्जवज्जाओ सत्त कम्मपयडीओ वेदेति, तंजा णाणावरणिज्जं दरिसणावरणिज्जं वेयणिज्जं आउयं नामं गोतमंतरातितं । ५६७. सत्त ठाणाई छउमत्थे सव्वभावेणं न याणति न पासति, तंजहा धम्मत्थिकायं, अधम्मत्थिकायं, आगासत्थिकायं, जीवं असरीरपडिबद्धं, परमाणुपोग्गलं, सद्द, गंधं । एयाणि चेव उप्पन्नणाणे जाव जाणति पासति, तंजहा धम्मत्थिकार्य जाव गंध । ५६८. समणे भगवं महावीरे वइरोसभणारातसंघयणे समचउरंससंठाणसंठिते सत्त रयणीओ उहुंउच्चतेणं होत्था । ५६९. सत्त विकहाओ पन्नत्ताओ, तंजहा इत्थिकहा, MOTOR श्री आगमगुणमंजूषा - १५७
(३) ठाण
X