Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 73

(३) ८-अ. 2)
कुंडल-मट्ठगंडतलकन्नपीढधारी विचित्तहत्थाभरणे विचित्तवत्थाभरणे विचित्तमालामउली कल्लाणगपवरवत्थपरिहिते कल्लाणगपवरगंधमल्लाणुलेवणधरे भासरबोदी पलंबवणमालधरे दिव्वेणं वन्त्रेणं दिव्वेणं गंधेणं दिव्वेणं रसेणं दिव्वेणं फासेणं दिव्वेणं संघातेणं दिव्वेणं संठाणेणं दिव्वाते इड्डीते दिव्वाते जुतीते दिव्वाते पभाते दिव्वाते छायांते दिव्वाते अच्चिए दिव्वेणं ते एणं दिव्वाते लेस्साते दस दिसाओ उज्जोवेमाणे पभासेमाणे महयाहतणट्टगीतवातीततंतीतलतालसुडितघणमुतिंगपडुप्पवातितरवेणं दिव्वाइं भोगभोगाई भुंजमाणे विहरति । जा वि त से तत्थ बाहिरब्भंतरिता परिसा भवति सा वि त णमाढाति परियाणाति महारिहेणमासणेणं उवनिमंतेति, भासं पि त से भासमाणस्स जाव चत्तारि पंच देवा अबुत्ता चेव अब्भुट्टेति 'बहुं देवे ! भासउ २' । से णं ततो देवलोगातो आउक्खएणं ३ जाव चइत्ता इहेव माणुस्सए भवे जाई इमाइं कुलाई भवंति अड्डाई जाव बहुजणस्स अपरिभूताइं तहप्पगारेसु कुलेसु पुमत्ता पच्चाताति । से णं तत्थ पुमे भवति सुरूवे सुवन्ने सुगंधे सुरसे सुफासे इट्ठे कंते जाव मणामे अहीणस्सरे जाव मणामस्सरे आदेज्जवतणपच्चायाते । जा वि य से तत्थ बाहिरब्भंतरिता परिसा भवति सा वि त णं आढाति जाव 'बहुमज्जउत्ते ! भासउ २' । ५९८ अट्ठविधे संवरे पन्नत्ते, तंजहा सोतिदियसंवरे जाव फासिदियसंवरे, मणसंवरे, वतिसंवरे, कायसंवरे । अट्ठविधे असंवरे पन्नत्ते, तंजा सोतिंदियअसंवरे जाव काय असंवरे । ५९९. अट्ठ फासा पन्नत्ता, तंजहा कक्खडे, मरते, गरुते, लहुते, सीते, उसिणे, निद्धे, लुक्खे । ६००. अट्ठविधा लोगहिंदी पन्नत्ता, तंजहा आगासपतिट्ठिते वाते, वातपतिट्ठिते उदही, एवं जधा छट्टाणे जाव जीवा कम्मपतिट्ठिता, अजीवा जीवसंगहिता, जीवा कम्मसंगहिता । ६०१. अवविधा गुणिसंपता पन्नत्ता, तंजहा आचारसंपता, सुयसंपता, सरीरसंपता, वतणसंपता, वातणासंपता, मतिसंपता, पतोगसंपता, संगहपरिण्णा णाम अट्टमा । ६०२ कामगे णं महानिधी अट्ठचक्कवालपतिट्ठाणे अट्ठ अट्ठ जोयणाई उउच्चत्तेणं पन्नत्ते । ६०३. अट्ठ समितीतो पन्नत्ताओ, तंजहा इरियासमिती, भासासमिती, एसणासमिती, आयाणभंड मत्तनिक्खेवणासमिती, उच्चार पासवण खेल-सिंघाणगपरिद्वावणियासमिती
स [ती] तिस [मिती] कायसमिती । ६०४. अट्ठहिं ठाणेहिं संपन्ने अणगारे अरिहति आलोतणं पडिच्छित्तते, तंजहा आयारखं, आहारवं, ववहारवं ओवीलए, पकुव्वते, अपरिस्साती, निज्जवते, अवातदंसी । अट्ठहिं ठाणेहिं संपन्ने अणगारे अरिहति अत्तदोसमालोएत्तए, तंजहा जातिसंपन्ने, कुलसंपन्ने, विणयसंपन्ने, णाणसंपन्ने, दंसणसंपन्ने, चरित्तसंपन्ने, खंते, दंते । ६०५. अट्ठविहे पायच्छिते पन्नत्ते, तंजहा आलोयणारिहे, पडिक्कमणारिहे, तदुभयारिहे, विवेगारिहे, विउस्सग्गारिहे, तवारिहे, छेदारिहे, मूलारिहे । ६०६. अट्ठ मतट्ठाणा पन्नत्ता, तंजहा जातिमते, कुलमते, बलमते, रूवमते, तवमते, सुतमते, लाभमते, इस्सरितमते । ६०७. अट्ठ अकिरियावाती पन्नत्ता, तंजहा एगावाती, अणेगावाती, मितवाती, निम्मितवाती, सायवाती, समुच्छेदवाती, णितावाती, णसंतिपरलोगवाती । ६०८. अट्ठविधे महानिमित्ते, पन्नत्ते, तंजहा भोमे, उप्पाते, सुविणे, अंतलिक्खे, अंगे सरे, लक्खणे, वंजणे । ६०९. अट्ठविधा वयणविभत्ती पन्नत्ता, तंजहा निद्देसे पढमा होति, बीतिया उवतेणे । ततिता करणम्मि कता, चउत्थी संपदावणे ||८९ || पंचमी त अवाताणे, छट्ठी सस्सामिवायणे । सत्तमी सन्निहाणत्थे, अट्ठमी आमंतणी भ ॥९०॥ तत्थ पढमा विभत्ती, निद्देसे सो इमो अहं व त्ति । बितीता उण उवतेसे, भण कुण व तिमं व तं वत्ति ॥ ९१ ॥ ततिता करणम्मि कता, णीतं च कतं च तेण व मते वा । हंदि णमो साहाते, हवति चउत्थी पदाणम्मि ॥९२॥ अमणे गिण्हसु तत्तो, इत्तो त्ति वा पंचमी अवादाणे। छट्ठी तस्स इमस्स व, गतस्स वा सामिसंबंधे ॥९३॥ हवति पुण सत्तमी तं इमम्मि आधारकालभावे त । आमंतणी भवे अट्ठमी उ जह हे जुवाण त्ति ॥९४॥ ६१०. अट्ठ ठाणाई छउमत्थे सव्वभावेणं ण याणति न पासति, तंजा धम्मत्थितं जाव गंधं, वातं । एताणि चेव उप्पन्ननाणदंसणधरे जाव गंध, वातं । ६११. अट्ठविधे आउव्वेदे पन्नत्ते, तंजहा कुमारभिच्चे, कायचिगिच्छा, सालाती, सल्लहत्ता, जंगोली, भूतवेज्जा, खारतंते, रसातणे । ६१२. सक्कस्स णं देविंदस्स देवरन्नो अट्ठऽग्गमहिसीतो पन्नत्ताओ, तंजहा पउमा, सिवा, सूती, अंजू, अमला, अच्छरा, णवमिया, रोहिणी । ईसाणस्स णं देविंदस्स देवरन्नो अट्ठऽग्गमहिसीओ पन्नत्ताओ, तंजहा कण्हा, कण्हराती, रामा, रामरक्खिता, वसू, वसुगुत्ता, वसुमित्ता, वसुंधरा । सक्कस्स णं देविंदस्स देवरन्नो सोमस्स महारण्णो अट्ठऽग्गमहिसीओ पन्नत्ताओ । ईसाणस्स णं देविंदस्स देवरण्णो वेसमणस्स महारन्नो Mero श्री आगमगुणमंजूषा - १६१ १५
फ्र