Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 77

O乐乐乐听听听听听听听听听听听听听听听听听听乐听听听听听听听听听听听玩乐乐明明明明明明明明明明乐
FORG55555555555555
(३) ठाणं ८ ज. अहसानासानाज [ज ksssxxxxxxxxxxx अब्भुट्ठयव्वं भवति ६, गिलाणस्स अगिलाते वेयावच्चं करणताए अब्भुट्ठयव्वं भवति७, साधम्मिताणमधिकरणंसि उप्पन्नंसि तत्थ अनिस्सितोवस्सिते अपक्खग्गाही मज्झत्थभावभूते 'कहं णु साहम्मिता अप्पसद्दा अप्पझंझा अप्पतुमुतुमा' उवसामणताते अब्भुट्टेयव्वं भवति ८।६५० महासुक्क-सहस्सारेसुणं कप्पेसु विमाणा अट्ठ जोयणसताई उहुंउच्चत्तेणं पन्नत्ता। ६५१. अरहतोणं अरिट्ठनेमिस्स अट्ठ सया वादिणं सदेवमणुयासुराते परिसाते वादे अपराजिताणं उक्कोसिता वादिसंपता होत्था । ६५२. अट्ठसमतिए केवलिसमुग्घाते पन्नत्ते, तंजहा पढमे समते दंडं करेति, बीए समते कवाडं करेति, ततिए समते मंथं करेति, चउत्थे समते लोगं पूरेति, पंचमे समते लोगं पडिसाहरति, छठे समते मंथं पडिसाहरति, सत्तमे समते कवाडं पडिसाहरति, अट्ठमे समते दंडं पडिसाहरति । ६५३. समणस्सणं भगवतो महावीरस्स अट्ठ सया अणुत्तरोववातिताणं गतिकल्लाणाणं जाव आगमेसिभदाणं उक्कोसिता अणुत्तरोववातितसंपता होत्था।६५४. अट्ठविधा वाणमंतरदेवा पन्नत्ता, तंजहा पिसाया, भूता, जक्खा, रक्खसा, किन्नरा, किंपुरिसा, महोरगा, गंधव्वा । एतेसि णं अट्ठविहाणं वाणमंतरदेवाणं अट्ठ चेतितरुक्खा पन्नत्ता, तंजहा - "कलंबो उ पिसायाणं, वडो जक्खाण चेतितं । तुलसी भूयाण भवे, रक्खसाणं च कंडओ' ॥१११|| “असोगो किन्नराणं च किंपुरिसाण य चंपतो । नागरुक्खो भुयंगाणं, गंधव्वाण य तेदुंओ" ||११२॥ ६५५. "इमीसे रतणप्पभाते पुढवीते बहुसमरमणिज्जाओ भूमिभागाओ अट्ठ जोयणसते उड्डमबाहाते सूरविमाणे चारं चरति ।" ६५६. अट्ठ नक्खत्ता चंदेणं सद्धिं पमई जोगं जोतेति, तंजहा कत्तिता, रोहिणी, पुणव्वसू, महा, चित्ता, विसाहा, अणुराधा, जेट्ठा । ६५७. जंबुद्दीवस्स णं दीवस्स दारा अट्ठ जोयणाई उड्डंउच्चत्तेणं पन्नत्ता। सव्वेसि पिणं दीवसमुद्दाणं दारा अट्ठ जोयणाइं उर्दूउच्चत्तेणं पन्नत्ता। ६५८. पुरिसवेयणिज्जस्स णं कम्मस्स जहन्नेणं अट्ठ संवच्छराई
बंधहिती पन्नत्ता | जसोकित्तीणामाए णं कम्मस्स जहन्नेणं अट्ठ मुहुत्ताई बंधहिती पण्णत्ता । उच्चागोतस्स णं कम्मस्स एवं चेव । ६५९. तेइंदियाणमट्ठ * जातीकुलकोडीजोणीपमुहसतसहस्सा पन्नत्ता । ६६०. जीवा णं अट्ठट्ठाणणिव्वत्तिते पोग्गले पावकम्मत्ताते चिणिंसु वा चिणंति वा चिणिस्संति वा,
तंजहा पढमसमयनेरतितनिव्वत्तिते जाव अपढमसमयदेवनिव्वत्तिते, एवं चिण उवचिण निज्जरा जाव चेव ।। अट्ठपतेसिता खंधा अणंता पण्णत्ता, अट्ठपतेसोगाढा पोग्गला अणंता पण्णत्ता, जाव अट्ठगुणलुक्खा पोग्गला अणंता पण्णत्ता।★★★||अट्ठट्ठाणं सम्मत्तं ।। ९ नवमं अज्झयणं 'नवट्ठाणं' ६६१. नवहिं ठाणेहि समणे णिग्गंथे संभोतितं विसंभोतितं करेमाणे णातिक्कमति, तंजहा आयरियपडिणीयं उवज्झायपडिणीयं थेरपडिणीयं, कुलपडिणीयं गणपडिणीयं संघपडिणीयं नाणपडिणीयं दंसणपडिणीयं चरित्तपडिणीयं । ६६२. णव बंभचेरा पन्नत्ता, तंजहा सत्थपरिण्णा लोगविजओ जाव उवहाणसुयं महपरिण्णा। ६६३. नव बंभचेरगुत्तीतो पन्नत्ताओ, तंजहा विवित्ताई सयणासणाई सेवेत्ता भवति, नो इत्थिसंसत्ताइं नो पसुसंसत्ताई नो पंडगसंसत्ताई १, नो इत्थीणं कहं कहेता २, नो इत्थिग(ठा)णाई सेवेत्ता भवति ३, णों इत्थीणमिदिताई मणोहराई मणोरमाइं आलोतितं ओलोतितं निज्झातेत्ता भवति ४, णो पणीतरसभोती ५, णो पाणभोयणस्स अतिमातमाहारते सता भवति ६, णो पुव्वरतं पुव्वकीलितं सरेत्ता भवति७, णो सद्दाणुवातीणो रूवाणुवाती णो सिलोगाणुवाती ८, णो सातासोक्खपडिबद्धे यावि भवति ९ । णव बंभचेर अगुत्तीओ पन्नत्ताओ, तंजहा णो विवित्ताइं सयणासणाई सेवेत्ता भवति, इत्थिसंसत्ताई पसुसंसत्ताइं पंडगसंसत्ताइं १, इत्थीणं कहं कहेता भवइ २, इत्थिठाणाई सेवेत्ता भवति ३, इत्थीणं इंदियाइं मणो० जाव निज्झाएत्ता भवति ४, पणीतरसभोती ५, पाणभोयणस्स अइमातमाहारते सता भवति ६, पुव्वरयं पुव्वकीलितं सरेत्ता भवति ७, सद्दाणुवाती रूवाणुवाती सिलोगाणुवाती ८, सायासोक्खपडिबद्धे यावि भवति ९ । ६६४. अभिणंदणाओ णं अरहातो सुमती अरहा नवहिं सागरोवमकोडीसयसहस्सेहिं वीतिकंतेहिं समुप्पन्ने । ६६५. नव सब्भावपयत्था पन्नत्ता, तंजहा जीवा अजीवा, पुण्णं, पावं, आसवो, संवरो, निज्जरा, बंधो, मोक्खा । ६६६. णवविधा संसारसमावन्नगा जीवा पन्नत्ता, तंजहा पुढविकाइया जाव वणस्सइकाइया, बेइंदिया जाव पंचेदिया १ । पुढविकाइया
虽明明明明明明明明明明明明明明明明明明明明明明明明明明明明明明明听听听听听听听听听听听听听听听听听心
3
5 55555555555 श्री आगमगुणमंजूषा-१६५ 954555555555555555555029