Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 75

C%听听听听听听听听听听听听听听乐乐乐乐乐听听听听乐明明明明明明明明明明明明明明明明明明明明明明明明5
HOROF%9555555555
( ज.ना बिल
二五%%%%%%% %%%%$20 र अट्ठ जोयणसयसहस्साई चक्कवालविक्खंभेणं पन्नत्ते, एवं बाहिरपुक्खरद्धे वि । ६३३. एगमेगस्सणं रन्नो चाउरंतचक्कवट्टिस्स अट्ठसोवण्णिते काकणिरतणे छत्तले
दुवालसंसिते अट्ठकण्णिते अधिकरणिसंठते पन्नत्ते । ६३४. मागधस्स णं जोयणस्स अट्ठ धणुसहस्साई निधत्ते पण्णत्ते । ६३५. जंबू णं सुदंसणा अट्ठ जोयणाई उहुंउच्चत्तेणं बहुमज्झदेसभाए, अट्ठ जोयणाई विक्खंभेणं, सातिरेगाइं अट्ट जोयणाइं सव्वग्गेणं पन्नत्ता। कूडसामली णं अट्ठ जोयणाइं एवं चेव। ६३६. तिमिसगुहा णमट्ठ जोयणाई उहुंउच्चत्तेणं पन्नत्ता। खंडगपवातगुहा णं अट्ठ एवं चेव । ६३७. जंबुमंदरस्स पव्वतस्स पुरथिमेणं सीताते महानतीते उभतोकूले अट्ठ वक्खारपव्वता पन्नत्ता, तंजहा चित्तकूडे, पम्हकूडे, नलिणकूडे, एगसेले, तिकूडे, वेसमणकूडे, अंजणे, मायंजणे१जंबुमंदरपच्चत्थिमेणं सीतोताते महानतीते उभतोकूले अट्ठ वक्खारपव्वता पन्नत्ता, तंजहा अंकावती पम्हावती आसीविसे सुहावहे चंदपव्वते सूरपव्वते णागपव्वते देवपव्वते । जंबुमंदरपुरस्थिमेणं सीताते महानतीते उत्तरेणं अट्ठचक्कवढिविजया पन्नत्ता, तंजहा कच्छे सुकच्छे महाकच्छे कच्छगावती आवत्ते जाव पुक्खलावती ३ । जंबुमंदर पुरत्थिमेणं सीताते महानतीते दाहिणेणं अट्ठ चक्कवट्टिविजया पन्नत्ता, तंजहा वच्छे सुवच्छे जाव मंगलावती ४ । जंबुमंदरपच्चत्थिमेणं सीतोताते महानदीते दाहिणणं अट्ठ चक्कवट्टिविजया पन्नत्ता, तंजहा पम्हे जाव सलिलावती ५। जंबुमंदरपच्चत्थिमेणं सीतोताए महानदीए उत्तरेणं अट्ठ चक्कवट्टिविजया पन्नत्ता, तंजहा वप्पे सुवप्पे जाव गंधिलावती ६। जंबुमंदरपुरत्थिमेणं सीताते महानतीते उत्तरेणं अट्ठ रायहाणीतो पन्नत्ताओ, तंजहा खेमा खेमपुरा चेव जाव पुंडरिगिणी ७। जंबुमंदरपुरस्थिमेणं सीताए महानदीए दाहिणेणं अट्ट रायहाणीतो पन्नत्ताओ, तंजहा सुसीमा कुंडला चेव जाव रतणसंचया ८ । जंबुमंदरपच्चत्थिमेणं सीओदाते महानतीते दाहिणेणं अट्ठ रायहाणीओ पन्नत्ताओ, तंजहा आसपुरा जाव वीतसोगा ९ । जंबुमंदरपच्चत्थिमेणं सीतोताते महानतीते उत्तरेणं अट्ठ रायहाणीओ पन्नत्ताओ, तंजहा विजया वेजयंती जाव अउज्झा १०।६३८. जंबुमंदरपुरस्थिमेणं सीताते महाणदीए उत्तरेणं उक्कोसपए अट्ट अरहंता अट्ठ चक्कवटी अट्ठ बलदेवा अट्ठ वासुदेवा उप्पज्जति वा उप्पज्जिसु वा उप्पज्जिस्संति वा ११ । जंबुमंदरपुरत्थिमेणं सीताए महाणदीए दाहिणेणं उक्कोसपए एवं चेव १२ । जंबुमंदरपच्चत्थिमेणं सीओदाते महाणदीए दाहिणेणं उक्कोसपए एवं चेव १३, एवं उत्तरेण वि १४ । ६३९. जंबुमंदरपुरत्थिमेणं सीताते महानईए उत्तरेणं अट्ठ दीहवेयड्डा, अट्ठ तिमिसगुहाओ, अठ्ठ खंडगप्पवातगुहाओ, अठ्ठ कतमालगा देवा, अठ्ठ णट्टमालगा देवा, अट्ठ गंगाकुंडा, अट्ठ सिंधुकुंडा, अट्ठ गंगातो, अट्ठ सिंधूओ, अट्ठ उसभकूडा पव्वता, अट्ठ उसभकूडा देवा पन्नत्ता १५ । जंबुमंदरपुरत्थिमेणं सीताते महानतीते दाहिणेणं अट्ठ दीहवेयड्डा एवं चेव जाव अट्ठ उसभकूडा देवा पन्नत्ता, नवरमेत्य रत्ता-रत्तावतीतो तासिं चेव कुंडा १६ । जंबुमंदरपच्चत्थिमेणं सीतोताए महानतीते दाहिणणं अट्ठ दीहवेयड्डा, जाव अट्ठ नट्टमालगा देवा, अट्ठ गंगाकुंडा, अट्ठ सिंधुकुंडा, अट्ठ गंगातो, अट्ठ सिंधूओ, अट्ठ उसभकूडा पव्वता, अट्ठ उसभकूडा देवा पन्नत्ता १७ । जंबुमंदरपच्चत्थिमेणं सीतोदाए महानतीते उत्तरेणं अट्ठ दीहवेयड्डा, जाव अट्ठ नट्टमालगा देवा, अट्ठ रत्ताकुंडा, अट्ठ रत्तावतीकुंडा, अट्ठ रत्ताओ, जाव अट्ठ उसभकूडा देवा पन्नत्ता १८ मंदरचूलियाणं बहुमज्झदेसभाते अट्ठ जोयणाई विक्खंभेणं पन्नत्ता १९१६४०. धायइसंडदीवपुरत्थिमद्धे णं धायतिरुक्खे अट्ठ जोयणाई उहुंउच्चत्तेणं बहुमज्झदेसभाए, अट्ठ जोयणाई विक्खंभेणं, साइरेगाइं अट्ठ जोयणाई सव्वग्गेणं पन्नत्ते । एवं धायइरुक्खातो आढवेत्ता सच्चेव जंबूदीववत्तव्वता भाणियव्वा जाव मंदरचूलिय त्ति । एवं पच्चत्थिमद्धे वि महाधाततिरुक्खातो आढवेत्ता जाव मंदरचूलिय त्ति । एवं पुक्खरवरदीवड्डपुरत्थिमद्धे वि पउमरूक्खाओ आढवेत्ता जाव मंदरचुलिय त्ति । एवं पुक्खरवरदीवड्डपच्चत्थिमद्धे वि महापउमरुक्खातो जाव मंदरचूलित त्ति । ६४१. जंबूदीवे दीवे मंदरे पव्वते भद्दसालवणे अट्ठ दिसाहत्थिकूडा पन्नत्ता, तंजहा -“पउमुत्तरे नीलवंते, सुहत्थि अंजणागिरी । कुमुदे य पलासे य, वडेंसे रोयणागिरी" ॥९८॥ ६४२. जंबूदीवस्स णं दीवस्स जगती अट्ट जोयणाई उहुंउच्चत्तेणं बहुमज्झदेसभाते, अट्ठ जोयणाई विक्खंभेणं । ६४३. जंबूदीवे दीवे मंदरस्स पव्वयस्स दाहिणेणं महाहिमवंते वासधरपव्वते अट्ठ कूडा पन्नत्ता, तंजहा .
GO乐乐步听听听听听听听听听听听听听听听听听听听听听听听听听听听听听听听乐乐乐乐乐乐乐乐乐乐乐乐2
xercy #55555555555555555555
श्री आगमगुणमंजूषा - १६३, 5FFFFFFFFFF55555555555555557OR