Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 88

ORC555555%%%%%%
(३) ठाणं
१०.अ. दसवाणं [७८]
US
LO乐乐听听听听听听听听听听听听听听听听听听听听听
लाभासंसप्पओगे, पूयासंसप्पओगे, सक्कारासंसप्पओगे । ७६०. दसविधे धम्मे पन्नत्ते, तंजहा गामधम्मे, नगरधम्मे, रट्ठधम्मे, पासंडधम्मे, कुलधम्मे, गणधम्मे, संघधम्मे, सुतधम्मे, चरित्तधम्मे, अत्थिकायधम्मे । ७६१. दस थेरा पन्नत्ता, तंजहा गामथेरा, नगरथेरा, रट्ठथेरा, पसत्थारथेरा, कुलथेरा, गणथेरा, संघथेरा, जातिथेरा, सुतथेरा परितागथेरा । ७६२. दस पुत्ता पन्नत्ता, तंजहा अत्तते, खेत्तते, दिन्नते, विन्नते, ओरसे, मोहरे, सोडीरे, संवुड्ढे, ओववातिते, धम्मंतेवासी । ७६३. केवलिस्स णं दस अणुत्तरा पन्नत्ता, तंजहा अणुत्तरे णाणे, अणुत्तरे दंसणे, अणुत्तरे चरित्ते, अणुत्तरे तवे, अणुत्तरे वीरिते, अणुत्तरा खंती, अणुत्तरा मुत्ती, अणुत्तरे अज्जवे, अणुत्तरे मद्दवे, अणुत्तरे लाघवे । ७६४. समतखेत्ते णं दस कुरातो पन्नत्ताओ, तंजहा पंच देवकुरातो पंच उत्तरकुरातो । तत्थ णं दस महतिमहालया महादुमा पन्नत्ता, तंजहा जंबू सुंदसणा, घाततिरुक्खे, महाघाततिरुक्खे, पउमरूक्खे, महापउमरुक्खे, पंच कूडसामलीओ। तत्थ णं दस देवा महिड्डिता जाव परिवसंति, तंजहा अणाढिते जंबुद्दीवाधिपती, सुंदसणे, पियदसणे, पोंडरीते, महापोंडरीते, पंच गरुला वेणुदेवा १०।७६५. दसहि ठाणेहिं ओगाढं दुस्समंजाणेज्जा, तंजहा अकाले वरिसति, काले ण वरिसति, असाधू पुजंति, साधू ण पुज्जंति, गुरुसु जणो मिच्छं पडिवन्नो, अमणुण्णा सद्दा जाव फासा । दसहि ठाणेहिं ओगाढं सुसमं जाणेज्जा, तंजहा अकाले ण वरिसति, तं चेव विवरीतं जाव मणुण्णा फासा। ७६६. सुसमसुसमाए णं समाए दसविधा रुक्खा उवभोगत्ताए हव्वमागच्छंति, तंजहा मत्तंगतात मिंगा, तुडितंगा दीव-जोति-चित्तंगा। चित्तरसा मणियंगा, गेहागारा अणितणात ॥१७२।। ७६७. जंबूदीवे दीवे भरहे वासे तीताते उसप्पिणीते दस कुलगरा होत्था, तंजहा - "सयज्जले सताऊ य अणंतसेणे त अजितसेणे त । कक्कसेणे भीमसेणे महाभीमसेणे त सत्तमे" ||१७३|| दढरहे दसरहे सतरहे || जंबूदीवे दीवे भरहे वासे आगमेसाते उसप्पिणीए दस कुलगरा भविस्संति, तंजहा सीमंकरे, सीमंधरे, खेमंकरे, खेमंधरे, विमलवाहणे, संमुती, पडिसुते, दढधणू, दसधणू, सतधणू। ७६८. जंबूद्दीवे दीवे मंदरस्स पव्वयस्स पुरत्थिमेणं सीताते महानतीते उभतो कुले दस वक्खारपव्वता पन्नत्ता, तंजहा मालवंते, चित्तकूडे, बंभकूडे जाव सोमणसे । जंबुमंदरपच्चत्थिमेणं सीतोताते महानतीते उभतो कूले दस वक्खारपव्वता पन्नत्ता, तंजहा विज्जुप्पमेजाव गंधमातणे। एवं धायइसंडपुरत्थिमद्धे वि वक्खारा भाणियव्वा जाव पुक्खरवरदीवड्डपच्चत्थिमद्धे । ७६९. दस कप्पा इंदाहिट्ठिया पन्नत्ता, तंजहा सोहम्मे जाव सहस्सारे, पाणते, अच्चुए। एतेसुणं दससु कप्पेसु दस इंदा पन्नत्ता, तंजहा सक्के, ईसाणे जाव अच्चुते। एतेसिणं दसण्हं इंदाणं दस परिजाणिता विमाणा पन्नत्ता, तंजहा पालते, पुप्फतेजाव विमले, वरे, सव्वतोभद्दे। ७७०. दसदसमिता णं भिक्खुपडिमा एगणे रातिदियसतेणं अद्धछटेहिं य भिक्खासतेहिं अधासुत्ता जाव आराधिता वि भवति । ७७१. दसविधा संसारसमावन्नगा जीवा पन्नत्ता, तंजहा पढमसमयएगेदिता, अपढमसमयएगेदिता, एवं जाव अपढमसमयपंचेंदिता । दसविधा सव्वजीवा पन्नत्ता, तंजहा पुढविकातिता जाव वणस्सतिकातिता, बेतिदिता जावपंचेदिता, अणिदिता । अधवा दसविधा सव्वजीवा पन्नत्ता, तंजहा पढमसमयनेरतिता, अपढमसमयनेरतिता जाव अपढमसमयदेवा, पढमसमयसिद्धा, अपढमसमयसिद्धा। ७७२. वाससताउयस्सणं पुरिसस्स दस दसाओ पन्नत्ताओ, तंजहा - "बाला किड्डा मंदा, बला पन्ना य हायणी। पवंचा पब्भारा, मुंमुही सातणी तधा' ॥१७४।। ७७३. दसविधा तणवणस्सतिकातिता पन्नत्ता, तंजहा मूले, कंदे जाव पुप्फे, फले. बीये। ७७४. सव्वातो विणं विज्जाहरसेढीओ दस दस जोयणाई
विक्खंभेणं पण्णत्तातो। सव्वतो वि णं अभिओगसेढीओ दस दस जोयणाई विक्खंमेणं पण्णत्तातो। ७७५. गेवेज्जगविमाणा णं दस जोयणसयाइं उड्डेउच्चत्तेणं के पण्णत्ता । ७७६. दसहि ठाणेहिं सह तेतसा भासं कुज्जा, तंजहा केति तहारूवं समणं वा माहणं वा अच्चासातेज्जा, से य अच्चासातिते समाणे परिकुविते तस्स तेतं
निसिरेज्जा, सेतं परितावेति, सेत्तं परितावेत्ता तामेव सह तेतसा भासं कुज्जा १ । केति तधारूवं समणं वा माहणं वा अच्चासातेज्जा, से य अच्चासातिते समाणे देवे म परिकुविए तस्स तेयं निसिरेज्जा, से तं परितावेति, सेत्तं परितावेत्ता तामेव सह तेतसा भासं कुज्जा २ । केति तहारूवं समणं वा माहणं वा अच्चासातेज्जा, से यम
%
$听听听听听听听听听听听听听听听听听听听听听听听听$$$$$明明明明明明明明明明明明明明明明乐乐So
%
%%%
Too卐5555555555555555555555 श्री आगमगुणमंजूषा-१७६ 55555555555555555555555516ROR