Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 78

CORS555555555559
(३) ठाणं ९-अ.नवट्ठाणं [38]
555555555555552 नवगइया नवआगइया पन्नत्ता, तंजहा पुढविकाइए पुढविकाइएसु उववज्जमाणे पुढविकाइएहिंतो वा जाव पंचेदियेहिंतो वा उववज्जेज्जा, से चेव णं से पुढविकाइए 4. पुढविकाइयत्तं विप्पंजहमाणे पुढविकाइयत्ताए वा जाव पंचेदियत्ताते वा गच्छेज्जा २। एवमाउकाइया वि ३ जाव पंचेंदिय त्ति १० । णवविधा सव्वजीवा पन्नत्ता, तंजहा एगिदिया बेइंदिया तेइंदिया चउरिदिया नेरतिता पंचेदियतिरिक्खजोणिया मणुया देवा सिद्धा ११ । अथवा णवविधा सव्वजीवा पन्नत्ता, तंजहा पढमसमयनेरतिता, अपढमसमयनेरतिता जाव अपढमसमयदेवा, सिद्धा १२ । नवविधा जीवोगाहणा पन्नत्ता, तंजहा पुढविकाइओगाहणा, आउकाइओगाहणा, जाव वणस्सइकाइओगाहणा, बेइंदिओगाहणा, तेइंदिओगाहणा, चउरिदिओगाहणा, पंचेदिओगाहणा, १३ । जीवाणं नवहिं ठाणेहिं संसारं वत्तिंसु वा वत्तंति वा वत्तिस्संति वा, तंजहा पुढविकाइयत्ताए जाव पंचेदियत्ताए १४ । ६६७. णवहिं ठाणेहिं रोगुप्पत्ती सिया, तंजहा अच्चासणाते, अहितासणाते, अतिणिदाए, अतिजागरितेणं, उच्चारनिरोधेणं, पासवणनिरोधेणं, अद्धाणगमणेणं, भोयणपडिकूलताते, इंदियत्थविकोवणताते १५। ६६८. णवविधे दरिसणावरणिज्जे कम्मे पन्नत्ते, तंजहा निद्दा, निद्दानिद्दा, पयला, पयलापयला, थीणगिद्धी, चक्खुदंसणावरणे, अचक्खुदंसणावरणे, ओहिदसणावरणे, केवलदंसणावरणे। ६६९. अभिती णं णक्खत्ते सातिरेगे नव मुहुत्ते चंदेण सद्धिं जोगं जोतेति । अभीतिआतिया णं णव नक्खत्ता चंदस्स उत्तरेणं जोगं जोतेति, तंजहा अभीती सवणो धणिट्ठा जाव भरणी। ६७०. इमीसे णं रतणप्पभाते पुढवीते बहुसमरमणिज्जातो भुमिभागाओ णव जोयणसते उड्ढं अबाहाते अवरिल्ले तारारुवे चारं चरति । ६७१. जंबुदीवे णं दीवे णव जोयणिया मच्छा पविसिंसु वा पविसंति वा पविसिस्संति वा । ६७२. जंबुद्दीवे दीवे भरहे वासे इमीसे ओसप्पिणीते णव बलदेव-वासुदेवपितरो होत्था तंजहा-"पयावती त बंभे, रुद्दे सोमे सिवे ति त । महसीह अग्गिसीहे, दसरहे नवमे त वसुदेवे" ॥११३।। एत्तो आढत्तं जधा समवाये निरवसेसं जाव-“एगा से गब्भवसही, सिज्झिहिती आगमेसेणं" ॥११४॥ जंबुद्दीवे दीवे भरहे वासे आगमेस्साते उस्सप्पिणीते नव बलदेववासुदेवपितरो भविस्संति, नव बलदेवमायरो भविस्संति, एवं जधा समाते है निरवसेसं जाव महाभीमसेणे सुग्गीवे य अपच्छिमे॥११५|| एते खलु पडिसत्तू, कित्तीपुरिसाण वासुदेवाणं । सव्वे य चक्कजोही, हम्मीहंती सचक्केहिं॥११६।। ६७३. एगमेगे णं महानिधी णव णव जोयणाई विक्खभेणं पण्णत्ते । रन्नो णं चाउरंतचक्कवट्टिस्स नव महानिहओ पन्नत्ता, तंजहा - "णेसप्पे पंडुवए, पिंगलते सव्वरयण महपउमे। काले य महाकाले, माणवग महानिधी संखे" ॥११७।। णेसप्पम्मि निवेसा, गामागर-नगर-पट्टणाणं च । दोणमुह-मडंबाणं, खंधाराणं गिहाणं च ॥११८|| गणितस्स य बीयाणं, माणुम्माणस्स जं पमाणं च। धन्नस्स य बीयाणं, उप्पत्ती पंडुते भणिया॥११९|| सव्वा आभरणविही, पुरिसाणं जा यहोति महिलाणं । आसाण य हत्थीण य, पिंगलगनिहिम्मि सा भणिता ||१२०॥ रयणाई सव्वरतणे, चोद्दस पवराइं चक्कवट्टिस्स । उप्पज्जति एरोदियाइं पंचेंदियाइं च ॥१२१।। वत्थाण य उप्पत्ती, निप्फत्ती चेव सव्वभत्तीणं । रंगाण य धोव्वाण य, सव्वा एसा महापउमे ॥१२२।। काले कालण्णाणं, भव्वपुराणं च तीसु वासेसु । सिप्पसतं कम्माणि य, तिन्नि पयाए हितकराई॥१२३|| लोहस्स य उप्पत्ती, होइ महाकाले आगराणं च । रुपस्स सुवन्नस्स य, मणि-मोत्ति-सिल-प्पवालाणं ॥१२४|| जोधाण य उप्पत्ती, आवरणाणं च पहरणाणं च । सव्वा य जुद्धनीती, माणवते दंडनीती य॥१२५।। नट्टविहि नाडगविही, कव्वस्स चउव्विहस्स उप्पत्ती। संखे महानिहिम्मी, तुडियंगाणं च सव्वेसिं॥१२६।। चक्कट्ठपतिट्ठाणा, अट्ठस्सेहा य नव य विक्खंभे । बारस दीहा मंजूससंठिता जह्नवीय मुहे ॥१२७|| वेरुलियमणिकवाडा, कणगमया विविधरतणपडिपुण्णा। ससिसूरचक्कलक्खण अणुसमजुगबाहुवतणा त॥१२८|| पलिओवमद्वितीता, णिधिसरिणामा य तेसु खलु देवा। जेसिंते आवासा, अक्किज्जा आहिवच्चं च ।।१२९।। एते ते नव निहओ, पभूतधणरयणसंचयसमिद्धा । जे वसमुवगच्छंती, सव्वेसिं चक्कवट्टीणं ॥१३०॥ ६७४. णव विगतीतो पन्नत्ताओ, तंजहा खीरं, दधिं, णवणीतं, सप्पिं, तेल्लं, गुलो, महुं, मज्जं, मंसं । ६७५. णवसोतपरिसव्वा बोंदी पण्णत्ता, तंजहा दो सोत्ता, दो णेत्ता, दोघाणा, मुह, पोसए, पाऊ ।६७६. णवविधे पुन्ने पन्नत्ते, तंजहा अन्नपुन्ने, पाणपुन्ने, वत्थपुन्ने, लेणपुन्ने, सयणपुन्ने, मणपुन्ने, वतिपुन्ने, कायपुन्ने, नमोक्कारपुन्ने । ६७७. णव पावस्सायताणा पन्नत्ता,
तंजहा पाणातिवाते, मुसावाते जाव परिग्गहे, कोहे, माणे, माया, लोभे। ६७८. नवविधे पावसुयपसंगे पन्नत्ते, तंजहा - "उप्पाते निमित्त मंते आतिक्खिते तिगिच्छिते MOY
श्री आगमगुणमंजूषा-१६६
## # #5555FOROR
MONOSFE55555555555555555555$$$$あ$$$$$FFFFFFFF55555FHSSION
Q明明听听听听听听听听听听听听听听听听听听听听听听听听听听听听听听听听听听听听听听听听听听听听听乐园