Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 67

GRO
(३) ठाणं
७ अ. सत्तद्वाणं [५७]
६ ६ ६ ६ ६ ६
एवमाहंसु, छट्ठे विभंगणाणे। अहावरे सत्तमे विभंगणाणे जया णं तहारूवस्स समणस्स वा माहणस्स वा विभंगणाणे समुप्पज्जति, से णं तेणं विभंगणाणेणं समुप्पन्नेणं पासति सुहुमेणं वायुकातेणं फुडं पोग्गलकायं एतंतं वेतंतं चलंतं खुब्भंत फंदतं घट्टतं उदीरेंतं तं तं भावं परिणमंतं, तस्स णमेवं भवति अत्थि णं मम अतिसेसे
दंसणे सप्पन्ने, सव्वमिणं जीवा, संतेगतिता समणा वा माहणा वा एवमाहंसु जीवा चेव अजीवा चेव, जे ते एवमाहंसु मिच्छं ते एवमाहंसु, तस्स णमिमे चत्तारि जीवनिकाया णो सम्ममुवगता भवंति, तंजहा पुढविकाइया जाव वाउकाइया, इच्चेतेहिं चउहिं जीवनिकाएहिं मिच्छादंडं पवत्तेइ, सत्तमे विभंगणाणे । ५४३. सत्तविधे जोणिसंगधे पन्नत्ते, तंजहा अंडजा, पोतजा जराउजा, रसजा, संसेदगा, संमुच्छिमा, उब्भिगा। अंडगा सत्तगतिता सत्तागतिता पन्नत्ता, तंजहा अंडगे अंडगेसु उववज्नमाणे अंडतेहिंतो वा पोतजेहिंतो वा जाव उब्भिएहिंतो वा उववज्जेज्जा, से चेव णं से अंडते अंडगत्तं विप्पजहमाणे अंडगत्ताते वा पोतगत्ताते वा जाव उभयत्ताते वा गच्छेजा। पोतगा सत्तगतिता सत्तागतिता, एवं चेव सत्तण्ह वि गतिरागती भाणियव्वा जाव उब्भिय त्ति । ५४४. आयरियउवज्झायस्स णं गणसि सत्त संगहाणा पन्नत्ता, तंजहा आयरियउवज्झाए गणंसि आणं वा धारणं वा सम्मं परंजित्ता भवति १, एवं जधा पंचट्ठाणे जाव आयरियउवज्झाए गणसि आपुच्छियचारि यावि भवति नो अणापुच्छियचारि यावि भवति ५, आयरिवउवज्झाए गणंसि अणुप्पन्नाई उवकरणाइं सम्मं उप्पाइत्ता भवति ६, आयरियउवज्झाए गणसि पुप्पन्नाई उवकरणाई सम्मं सारक्खित्ता संगवित्ता भवति, णो असम्मं सारक्खित्ता संगोवित्ता भवति ७ । आयरियउवज्झायस्स णं गणंसि सत्त असंगहट्टाणा पन्नत्ता, तंजहा आयरियउवज्झाए गणंसि आणं वा धारणं वा नो सम्मं पउंजित्ता भवति १, एवं जाव उवगरणाणं नो सम्मं सारक्खेत्ता संगोवेत्ता भवति ७ । ५४५. सत्त पिंडेसणाओ पन्नत्तातो। सत्त पाणेसणातो पण्णत्तातो। सत्त उग्गहपडिमातो पन्नत्तातो । सत्त सत्तिक्कया पण्णत्ता । सत्त महज्झयणा पण्णत्ता । सत्तसत्तमिया णं भिक्खुपडिमा एकूणपण्णत्ताते रातिदिएहिमेगेण य छण्णउतेणं भिक्खासतेणं अहासुत्तं जाव आराहिया वि भवति । ५४६. अधेलोगे णं सत्त पुढवीओ पन्नत्ताओ, सत्त धणोदधीतो पन्नत्ता, सत्त घणवाता पण्णत्ता, सत्त तणुवाता पण्णत्ता, सत्त उवासंतरा पन्नता । एतेसु णं सत्तसु उवासंतरेसु सत्त तणुवाया पतिट्ठिता । एतेसु णं सत्तसु तणुवातेसु सत्त घणवाता पतिट्ठिता। एएसु णं सत्तसु घणवातेसु सत्त घणोदधी पतिट्ठिता । एतेसु णं सत्तसु घणोदधीसु पिंडलगपिहुलसंठाणसंठिताओ सत्त पुढवीओ पन्नत्ताओ, तंजहा पढमा जाव सत्तमा । एतासि णं सत्तण्हं पुढवीणं सत्त णामधेज्जा पन्नत्ता, तंजहा घम्मा, वंसा, सेला, अंजणा, रिट्ठा, मघा, माघवती । एतासि णं सत्तण्हं पुढवीणं सत्त गोत्ता पन्नत्ता, तंजहा रतणप्पभा, सक्करप्पभा, वालुयप्पभा, पंकप्पभा, धूमप्पभा, तमा, तमतमा । ५४७. सत्तविहा बादरवाउकाइया पन्नत्ता, तंजहा पातीणवाते, पडीणवाते, दाहिणवाते, उदीणवाते, उड्डेवाते, अहेवाते, विदिसि वाते । ५४८. सत्तसंठाणा पन्नत्ता, तंजहा दीहे, रहस्से, वट्टे, तंसे, चउरंसे, पिहुले, परिमंडले । ५४९. सत्त भट्ठाणा पन्नत्ता, तंजहा इहलोगभते, परलोगभते आदाणभते, अकम्हाभते, वेयणाभते, मरणभते, असिलोगभते । ५५०. सत्तहिं ठाणेहिं छउमत्थं जाणेज्जा, तंजहा पाणे अतिवातेत्ता भवति, मुसं वदित्ता भवति, अदिन्नमातित्ता भवति, सद्द-फरिस - रस- रूव-गंधे आसादेत्ता भवति, पूतासक्कारमणुवहेत्ता भवति, इमं सावज्जं ति पण्णवेता पडिसेवेत्ता भवति, णो जधावादी तधाकारी यावि भवति । सत्तहिं ठाणेहिं केवली जाणेज्जा, तंजहा णो पाणे अतिवातेता भवति जाव जधावादी तधाकारी यावि भवति । ५५१. सत्त मूलगोत्ता पन्नत्ता, तंजहा कासवा, गोतमा, वच्छा, कोच्छा, कोसिता, मंडवा, वासिडा । जे कासवा ते सत्तविधा पन्नत्ता, तंजहा ते कासवा, ते संडिल्ला, ते गोला, ते वाला, ते मुंजतिणो, ते पव्वतिणो, ते वरिसकण्हा । जे गोतमा ते सत्तविधा पन्नत्ता, तंजहा ते गोयमा, ते गग्गा, ते भारद्दा, ते अंगिरसा, ते सक्कराभा, ते भक्खराभा, ते उदत्ताभा । जे वच्छा ते सत्तविधा पन्नत्ता, तंजहा ते वच्छा, ते अग्गेया, ते मित्तेया, ते सामलिणो, ते सेलतता, ते अट्ठिसेणा, ते वीयकण्हा। जे कोच्छा ते सत्तविधा पन्नत्ता, तंजहा ते कोच्छा, ते मोग्गलायणा, ते पिंगायणा, ते कोडीणो, ते मंडलिणो, ते हारिता, ते सोमभी । जे कोसिता ते सत्तविधा पन्नत्ता, तंजहा ते कोसिता, ते कच्चातणा, ते सालंकातणा, ते गोलिकातणा, ते पक्खिकातणा, ते अग्गिच्चा, ते लोहिच्चा । जे मंडवा ते सत्तविधा पन्नत्ता, तंजहा ते मंडवा, ते आरिट्ठा, ते समुता, ते तेला, ते एलावच्चा, ते कंडिल्ला, ते खारातणा । जे वासिट्ठा ते सत्तविधा पन्नत्ता, तंजहा ते श्री आगमगुणमंजूषा १५५
ॐ