Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 47

(३) ठाणं ४ अ. चउट्ठाण उ. ३ [३७]
अहुणोववन्ने देवे देवलोएसु जाव अणज्झोववन्ने, तस्स णमेवं भवति अत्थि णं मम माणुस्सए भवे माता ति वा जाव सुण्हा ति वा, तं गच्छामि णं तेसिमंतितं पाउब्भवामि, पासंतु ता मे इममेतारूवं दिव्वं देविद्धिं दिव्वं देवजुतिं लद्धं पत्तं अभिसमन्नागतं ३ | अहुणोववन्ने देवे देवलोगेसु जाव अणज्झोववन्ने, तस्स णमेव भवति अथणं मम माणुस्सए भवे मित्ते ति वा सही ति वा सुही ति वा सहाए ति वा संगतिए ति वा, तेसिं चणं अम्हे अन्नमन्नस्स संगारे पडिसुते भवति 'जो मे पुव्विं चयति से संबोहेतव्वे' ४ । इच्चेतेहिं जाव संचातेति हव्वमागच्छित्तए । ३२४. चउहिं ठाणेहिं लोगंधगारे सिया, तंजहा अरहंतेहिं वोच्छिज्जमाणेहिं, अरहंतपन्नत्ते धम्मे वोच्छिज्जमाणे, पुव्वगते वोच्छिज्नमाणे, जायतेजे वोच्छिज्नमाणे । चउहिं ठाणेहिं लोउज्जोते सिता, तंजहा अरहंतेहिं जायमाणेहिं, अरहंतेहिं पव्वयमाणेहिं, अरहंताणं णाप्यमहिमासु, अरहंताणं परिनिव्वाणमहिमासु । एवं देवंधगारे देवुज्जोते देवसंनिवाते देवुक्कलिता देवकहकहते। चउहिं ठाणेहिं देविंदा माणुसं लोगं हव्वमागच्छंति, एवं जधा तिट्ठाणे, जाव लोगंतिता देवा माणुसं लोगं हव्वमागच्छेज्जा, तंजहा अरहंतेहिं जायमाणेहिं जाव अरहंताणं परिनिव्वाणमहिमासु । ३२५. १ चत्तारि दुहसेज्जाओ पन्नत्ताओ, तंजहा - तत्थ खलु इमा पढमा दुहसेज्जा, तंजहा से णं मुंडे भवित्ता अगारातो अणगारितं पव्वतिते निग्गंथे पावयणे संकिते कंखिते वितिगिच्छिते भेयसमावन्ने कलुससमावन्ने निग्गंथं पावयणं णो सद्दहति णो पत्तियति णो रोएइ, निग्गंथं पावयणं असद्दहमाणे अपत्तितमाणे अरोएमाणे मणं उच्चावतं नियच्छति, विणिघातमावज्जति, पढमा दुहसेज्जा १ । अहावरा दोच्चा दुहसेज्जा से णं मुंडे भवित्ता अगारातो जाव पव्वतिते सएणं लाभेणं णो तुस्सति, परस्स लाभमासाएति पीहेति पत्थेति अभिलसति, परस्स लाभमासाएमाणे जाव अभिलसमाणे मणं उच्चावयं नियच्छति, विणिघातमावज्जति, दोच्चा दुहसेज्जा २ । अहावरा तच्चा दुहसेज्जा से णं मुंडे भवित्ता जाव पव्वइए दिव्व माणुस्सए कामभोगे आसाएइ जाव अभिलसति, दिव्व- माणुस्सए कामभोगे आसाएमाणे जाव अभिलसमाणे मणं उच्चावयं नियच्छति, विणिघातमावज्जति, तच्चा दुहसेज्जा ३ । अहावरा चउत्था दुहसेज्जा से णं मुंडे भवेत्ता जाव पव्वतिते, तस्स णमेवं भवति जया णं अहमगारवासमावसामि तदा णमहं संवाहण परिमद्दणगातब्भंग गातुच्छोलणारं लभामि जप्पभितिं च णं अहं मुंडे जाव पव्वतिते तप्पभितिं च णं अहं संवाधण वाच्छोलाई णो लभामि, से णं संवाधण जाव गातुच्छोलणाई आसाएति जाव अभिलसति, से णं संवाधण जाव गातुच्छोलणाई आसाएति जाव अभिलसति, सेणं संवाधण जाव गातुच्छोलणाई आसाएमाणे जाव मणं उच्चावतं नियच्छति विणिघायमावज्जति, चउत्था दुहसेज्जा ४ । (२) चत्तारि सुहसेज्जाओ पन्नत्ताओ, तंजा तत्थ खलु इमा पढमा सुहसेज्जा से णं मुंडे भवित्ता अगारातो अणगारितं पव्वतिए निग्गथें पावयणे निस्संकिते णिक्कंखिते निव्वितिगिच्छिए नो भेदसमावन्ने नो कलुससमावन्ने निग्गंथं पावयणं सद्दहति पत्तियति रोतेति, निग्गंथं पावयणं सद्दहमाणे पत्तितमाणे रोतेमाणे नो मणं उच्चावतं नियच्छति, णो विणिघातमावज्जति, पढमा सुहसेज्जा १ । अहावरा दोच्चा सुहसेज्जा से णं मुंडे जाव पव्वतिते सतेणं लाभेणं तुस्सति, परस्स लाभं णो आसाएति णो पीछेति णो पत्थेति णो अभिलसति, परस्स लाभमणासाएमाणे जाव अणभिलसमाणे नो मणं उच्चावतं णियच्छति, णो विणिघातमावज्जति, दोच्चा सुहसेज्जा २ । अहावरा तच्चा सुहसेज्जा सेणं मुंडे जाव पव्वतिते दिव्व- माणुस्सए कामभोगे णो आसाएति जाव नो अभिलसति, दिव्व माणुस्सए कामभोगे अणासाएमाणे जाव अणभिलसमाणे नो मणं उच्चावतं नियच्छति, णो विणिघातमावज्जति, तच्चा सुहसेज्ना ३ । अहावरा चउत्था सुहसेज्जा से णं मुंडे जाव पव्वतिते, तस्स णं एवं भवति जइ ताव अरहंता भगवंतो हट्ठा अरोगा बलिया कल्लसरीरा अन्नयराइं उरालाई कल्लाणाई विउलाई पयताइं पग्गहिताइं महाणुभागाई कम्मक्खयकरणारं तवोकम्माई पडिवज्जंति, किमंग पुण अहं अब्भोवगमिओवक्कमियं वेदणं नो सम्मं सहामि खमामि तितिक्खेमि अहियासेमि, ममं च णं अब्भोवगमिओवक्कमियं सम्ममसहमाणस्स अक्खममाणस्स अतितिक्खेमाणस्स अणधियासेमाणस्स किं मन्ने कज्जति ?, एगंतसो मे पावे कम्मे कज्जति, ममं च णं अब्भोवगमिओ जाव सम्मं सहमाणस्स जाव अधियासेमाणस्स किं मन्ने कज्जति ?, एगंतसो मे निज्जरा कज्जति, चउत्था सुहसेज्जा ४ । ३२६. चत्तारि अवातणिज्जा पन्नत्ता, तंजहा अविणीते वीईपडिबद्धे अविओसवितपाहुडे मायी । चत्तारि वातणिज्जा पन्नत्ता, तंजहा विणीते अवितीपडिबद्धे वितोसवितपाहुडे अमाती । ३२७. चत्तारि पुरिसजाता पन्नत्ता, तंजहा आतंभरे नाममेगे नो परंभरे, परंभरे
श्री आगमगुणमंजूषा
卐 卐乐 乐 乐乐乐乐55 2 4 4 4 45 46