Agam 03 Ang 03 Sthanang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 55

ॐॐॐॐॐॐॐ
(३) ठाणं प. अ. पंचट्ठाणं उ १ [४५] संनिक्खित्ताइं चिट्ठति ताई वा पासित्ता तप्पढमताते णो खभातेज्जा । इच्चेतेहिं पंचहिं ठाणेहिं जाव नो खभातेज्जा । ३९५. णेरइयाणं सरीरगा पंचवण्णा पंचरसा पन्नत्ता, तंजहा किण्हा जाव सुक्किला, तित्ता जाव मधुरा । एवं निरंतरं जाव वेमाणियाणं । पंच सरीरगा पन्नत्ता, तंजहा ओरालिते वेउव्विते आहारते तेयते कम्मते । ओरालीतसरीरे पंचवन्ने पंचरसे पन्नत्ते, तंजहा किण्हे जाव सुकिल्ले, तित्ते जाव महुरे, एवं जाव कम्मगसरीरे । सव्वे वि णं बादरबोदिधरा कलेवरा पंचवण्णा पंचरसा दुगंधा अट्ठफासा । ३९६. पंचहिं ठाणेहिं पुरिमपच्छिमगाणं जिणाणं दुग्गमं भवति, तंजहा दुआइक्खं दुव्विभज्जं दुपस्सं दुतितिक्खं दुरणुचरं । पंचेहिं ठाणेहिं मज्झिमगाणं जिणाणं सुगमं भवति, तंजहा सुआतिक्खं सुविभज्जं सुपस्सं सुतितिक्खं सुरणुचरं । पंच ठाणाइं समणेणं भगवता महावीरेणं समणाणं णिग्गंथाणं णिच्वं वन्निताइं णिच्चं कित्तिताई णिच्चं बुतिताइं णिच्चं पसत्थाई निच्चमब्भणुन्नाताई भवंति, तंजहा खंत्ती मुत्ती अज्जवे मद्दवे लाघवे। पंच ठाणाई सम [णणं भगवता महावीरेण ] जाव अब्भणुन्नायाई भवंति, तंजहा सच्चे संजमे तवे चिताते बंभचरेवासे । पंच ठाणाई सम [णं भगवता महावीरेणं] जाव अब्भणुन्नाताई भवंति, तंजा उक्खित्तचरते निक्खित्तचरते अंतचरते पंतचरते लूहचरते । पंच ठाणाई जाव अब्भणुण्णाताई भवंति, तंजहा अन्नातचरते अन्नइलायचरए मोणचरते संसट्टकप्पिते तज्जातसंसट्टकप्पिते । पंच ठाणाई जाव अब्भणुन्नाताइं भवंति, तंजहा उवनिहिते सुद्धेसणीते संखादत्तिते दिट्ठलाभिते पुट्ठलाभिते । पंच ठाणाई जाव अब्भणुण्णाताई भवंति, तंजहा आयंबिलिते निव्विते पुरिमड्ढिते परिमितपिंडवातिते भिन्नपिंडवातिते । पंच ठाणाई जाव अब्भणुन्नायाइं भवंति, तंजहा अरसाहारे विरसाहारे अंताहारे पंताहारे लूहाहारे । पंच ठाणाई जाव भवंति, तंजहा अरसजीवी विरसजीवी अंतजीवी पंतजीवी लूहजीवी । पंच ठाणाई जाव भवंति, तंजहा ठाणातिते उक्कुडुआसणिते पडिमट्ठाती वीरासणिए णेसज्जिते । पंच ठाणाइं जाव भवंति, तंजहा दंडायतिते लगंडसाती आतावते अवाउडते अकंडुयते । ३९७. पंचहिं ठाणेहिं समणे निग्गंथे महानिज्जरे महापज्जवसाणे भवति, तंजहा अगिलाते आयरियवेयावच्चं करेमाणे १, एवं उवज्झायवेयावच्चं करेमाणे २, थेरवेयावच्चं [करेमाणे] ३, तवस्सिवेयावच्चं [करेमाणे] ४, गिलाणवेयावच्चं करेमाणे ५ | पंचहिं ठाणेहिं समणे निग्गंथे महानिज्जरे महापज्जवसाणे भवति, तंजहा अगिलाते सेहवेयावच्चं करेमाणे १, अगला कुलवेया [वच्चं करेमाणे] २, अगिलाते गणवे [यावच्चं करेमाणे] ३, अगिलाते संघवे यावच्चं करेमाणे ४, अगिलाते साहम्मियवेयावच्चं करेमाणे ५ । ३९८. पंचहिं ठाणेहिं समणे णिग्गंथे साहम्मितं संभोतितं विसंभोतितं करेमाणे णातिक्कमति, तंजहा सकिरितद्वाणं पडिसेवेत्ता भवति १, पडिसेवेत्ता णो आलोतेति २, आलोतेत्ता णो पट्ठवेति ३, पट्टवेत्ता णो णिव्विसति ४, जाई इमाई थेराणं ठितिपकप्पाइं भवंति ताई अतियंचिय अतियंचिय पडिसेवेति, से हंदऽहं पडिसेवामि किं मं थेरा करिस्संति १५। पंचेहिं ठाणेहिं समणे निग्गंथे साहंमितं पारंचितं करेमाणे णातिक्कमति, तंजहा कुले वसति, कुलस्स भेदाते अब्भुट्टेता भवति १, गणे वसति, गणस्स भेदाते अब्भुट्टेत्ता भवति २, हिंसप्पेही ३, छिद्दप्पेही ४, अभिक्खणं पसिणाततणाइं पउंजित्ता भवति ५ । ३९९. आयरियउवज्जायस्स णं गणंसि पंच वुग्गहाणा पन्नत्ता, तंजहा आयरियउवज्झाए णं गणंसि आणं वा धारणं वा नो सम्मं पउंजेत्ता भवति १, आयरियउवज्झाए णं गणंसि अधारातिणियाते कितिकम्मं वेणतितं नो सम्मं पउंजेत्ता भवति २, आयरियउवज्झाते गणंसि जे सुतपज्जवजाते धारेति ते काले काले णो सम्ममणुप्पवातेत्ता भवति ३, आयरियउवज्झाए गणसि गिलाणसे हवेयावच्चं नो सम्ममब्भुट्टेत्ता भवति ४, आयरियउवज्झाते गणंसि अणापुच्छितचारी यावि हवइ, नो आपुच्छियचारी ५ । आयरियउवज्झायस्स णं गणंसि पंचावुग्गहद्वाणा पन्नत्ता, तंजहा आयरियउवज्झाए गणंसि आणं वा धारणं वा सम्मं पउंजित्ता भवति १, एवमधारातिणिताते [कितिकम्मं वेणतितं सम्मं परंजित्ता भवति २] आयरियउवज्झाए गणंसि जे सुतपज्जवजाते धारेति ते काले काले सम्म अणुपवाइत्ता भवइ ३, एवं गिलाण - सेहवेतावच्चं सम्मं अब्भुट्ठित्ता भवति ४, आयरियउवज्झाते गणंसि आपुच्छियचारी यावि भवति, णो अणापुच्छियचारी ५। ४००. पंच निसिज्जाओ पन्नत्ताओ, तंजहा उक्कुडुती गोदोहिता समपायपुता पलितंका अद्धपलितंका । पंच अज्जवद्वाणा पन्नत्ता, तंजहा साधुअज्जवं साधुमद्दवं साधुलाघवं साधुखंती साधुमुत्ती । ४०१. पंचविहा जोतिसिया पन्नत्ता, तंजहा चंदा सूरा गहा नक्खत्ता ताराओ। पंचविहा देवा पन्नत्ता, तंजहा भवितदव्वदेवा णरदेवा धम्मदेवा देवातिदेवा भावदेवा । ४०२. पंचविहा परितारणा श्री आगमगुणमंजूषा - १४३०