Vyakhyapragnapti Sutra

Author(s): Abhaydevsuri
Publisher: ZZZ Unknown

Page 351

व्याख्याप्रज्ञप्तिः अभयदेवीया वृत्तिः १५८४॥
NATAK
७ शतके उशः ९ रथमुशल संग्रामः सू० ३००
मल्लई नच लेच्छइ पराजइत्था, तए णं से कूणिए राया रहमुसलं संगाम उवट्टियं सेसं जहा महासिलाकंटए नवरं भूयानंदे हस्थिराया जाव रहमुलसंगामं ओयाए; पुरओ य से सके देविंदे देवराया, एवं तहेव जावचिटुंति, मग्गओ य से चमरे असुरिंदे असुरकुमारराया एगं महं आया किढिगपडिरूवगं विउब्वित्ताणं चिट्ठइ, एवं खलु तओ इंदा संगाम संगामेंति, तंजहा-देविंदे य मणुइंदे य असुरिंदे य, एगहत्थिणावि णं पभू कूणिए राया जइत्तए, तहेव जाव दिसोदिसिं पडिसेहित्था। से केणटेणं भंते! एवं बुच्चइ रहमुसले संगामे २१, गोयमा ! रहमुसले णं संगामे वद्दमाणे एगे रहे अणासए असारहिए अणारोहए समुसले महया २ जणक्खयं जणवहं जणप्पमई जणसंवद्दकप्पं रुहिरकद्दमं करेमाणे सव्वओ समंता परिधावित्था से तेणटेणं जाव रहमुसले संगामे । रहमुसले णं भंते ! संगामे वट्टमाणे कति जणसयसाहस्सीओ वहियाओ?, गोयमा! छन्नउतिं जणसयसाह|स्सीभो बहियाओ। ते णं भंते ! मणुया निस्सीला जाव उववन्ना ?, गोयमा! तत्थ णं दस साहस्सीओ | एगाए मच्छीए कुच्छिसि उववन्नाओ, एगे देवलोगेसु उववन्ने, एगे सुकुले पञ्चायाए, अवसेसा ओसन्नं नरगतिरिक्खजोणिएसु उववन्ना । (सूत्रं ३००) कम्हा णं भंते ! सके देविंदे देवराया चमरे असुरिंदे असुरकुमारराया कूणियस्स रन्नो साहेज्नं दलइत्था ?, गोयमा! सके देविंदे देवराया पुब्वसंगतिए, चमरे असुरिंदे असुरकुमारराया परियायसंगतिए, एवं खलु गोयमा ! सके देविंदे देवराया चमरे य असुरिंदे असुरकुमारराया कूणियस्स रनो साहिजं दलइत्था ॥ (सूत्रं ३०१) बहुजणे णं भंते ! अन्नमन्नस्स एधमाइक्खंति जाव परूवेंति एवं
प्र०मा०३१८
॥५८४॥