Upmitibhav Prapancha Katha Part 01

Author(s): Chandrashekharvijay
Publisher: Kamal Prakashan

Page 292

261 भावार्था प्रकर्षेण चिन्तितं-अये! यान्येतानि प्रतिपादितान्यनेन मे वस्तूनि तेषामेष भावार्थो मम स्फुरति हृदये यदुतबोधः अकामनिर्जरापेक्षं, जन्तुवीर्य यदुत्कटम् / मिथ्यादृष्टेविना ज्ञानं, तद्धि सात्त्विकमानसम् // 96 // ये तेन संयुता लोका, वास्तव्यास्ते प्रकीर्तिताः। त एव तत्प्रभावेण, प्रयान्ति विबुधालये // 97 // धनपुत्रकलत्रादेः, शरीरात्कर्मणस्तथा / अन्योऽहं भेदतो दुष्टा, महामोहादिशत्रवः // 98 // अज्ञातजैनसिद्धान्ते, कर्मनिर्जरणाजने / या स्यादेवंविधा बुद्धिः, स विवेक इहेष्यते // 99 // युग्मम् / विवेकादप्रमत्तत्वं, कषायादिनिवर्तने / यद्भवेल्लघुदोषाणां, शिखरं तदुदाहृतम् // 100 // ... चतुर्वणमहासङ्घप्रमोदपरकारणम् / द्वादशाङ्गं पुनर्जेनं, वचनं पुरमुच्यते // 101 // वास्तव्यका जनास्तत्र, ये तदादेशकारिणः। त एव च चतुर्वर्णा, यथोक्तगुणभूषणाः // 102 // एष एव च सारोऽत्र, यथार्थों वरमण्डपः / यतः-विना चित्तसमाधानं, पुरमेतन शोभते // 103 // वेदिका चासनं चेदं, कथितं प्रकटाक्षरैः / यथार्थमेव विज्ञेयमिदं द्वितयमञ्जसा // 104 // ततो येन मया सर्वमिदं भावार्थसंयुतम् / बुद्धं सोऽहं नृपं सैन्यं, भोत्स्ये नास्त्यत्र संशयः // 105 // ततश्च-बोधावष्टम्भतुष्टात्मा, स प्राह निजमातुलम् / माम ! वर्णय राजानं, येनाहमवधारये // 106 // रित्रधर्मराजवर्णन ततस्तन्मातुलेनोक्तं, वत्स ! योऽयं नराधिपः। लोके चारित्रधर्मोऽयं, प्रसिद्धोऽत्यन्तसुन्दरः // 107 // दानादीनि अनन्तवीर्यों विख्यातः, प्रगुणो जगते हितः / समृद्धः कोशदण्डाभ्यां, ज्ञेयः सर्वगुणाकरः // 10 // वक्त्राणि यान्यस्य वत्स ! दृश्यन्ते, चत्वारि वदनानि भोः ! / तेषां नामानि ते वक्ष्ये, वीर्याणि च निबोध मे // 109 // * दानं शीलं तपस्तात ! चतुर्थ शुद्धभावनम् / एतानि ननु वक्राणां, नामान्येषां यथाक्रमम् // 110 // तत्राचं दापयत्यत्र, पात्रेभ्यो जैनसत्पुरे / सज्ज्ञानं मोहनाशार्थमभयं जगतः प्रियम् // 111 // तथा-सद्धर्माधारदेहानां, यदुपग्रहकारणम् / आहारवस्त्रपात्रादि, दीयतामिति भाषते // 112 // दीनान्धकृपणेभ्यश्च, दीयमानं कृपापरैः / आहारादिकमेतद्भो ! वदनं न निषेधति // 113 // गवाश्वभूमिहेमानि, यच्चान्यदपि तादृशम् / तन्नेच्छति गुणाभावादीयमानमिदं मुखम् // 114 // अन्यच्च-सदाशयकरं वक्रमाग्रहच्छेदकारकम् / इदं जगति लोकानामनुकम्पाप्रवर्तकम् // 115 // दानाख्यं तदिदं भद्र ! वर्णितं प्रथम मुखम् / भूपतेरस्य शीलाख्यं, द्वितीयमधुना शृणु // 116 // य एते साधवो वत्स ! वर्तन्ते जैनसत्पुरे / यदिदं भाषते वक्रं, तत्ते सर्व प्रकुर्वते // 117 // अष्टादश सहस्राणि, नियमानां नरोत्तमाः / अस्यादेशेन कुर्वन्ति, सदैते वत्स ! साधवः // 118 // इदमेव हि सर्वस्वमिदमेव विभूषणम् / इदमालम्बनं वत्स ! साधूनां शीलमुत्तमम् // 119 // तेभ्यः संपूर्णमादेश, सुखमेतत्प्रयच्छति / किश्चिन्मात्रं प्रकुर्वन्ति, वचोऽस्य मुनिशेषकाः // 120 // शीलाख्यं वदनं वत्स ! तदिदं वर्णितं मया / तृतीयं तु तपोनाम, वदनं तन्निबोध मे // 121 // चारित्रधर्मराजस्य, वक्रमेतन्मनोहरम / आकाक्षात्तिविनाशेन, जनेऽत्र कुरुते सुखम् // 122 // विशिष्टज्ञानसंवेगशमसातकरं परम / तपःसंज्ञमिदं वक्त्रमण्याबाधसुखावहम् // 123 // इदमस्य नरेन्द्रस्य, वदनं वीक्ष्य सज्जनाः / आराध्य च महासत्त्वा, नितिं यान्ति लीलया // 124 // तदिदं ते तपोनाम, भूपतेर्वदनं मया / कथितं साम्प्रतं वक्ष्ये, चतुर्थ शुद्धभावनम् // 125 // स्मृतं निरीक्षितं भक्त्या, सज्जनैरिदमञ्जसा / निःशेषपापसङ्घातदलनं कुरुते मुखम् // 126 // अस्यादेशादिमे जैना, भावयन्तीह सज्जनाः / समस्तवस्तुविस्तारमतितुच्छं विनश्वरम् // 127 // नास्तीह शरणं लोके, दुःखपीडितदेहिनाम् / एकश्च जायते जन्तुम्रियते च भवोदधौ // 128 //