Updeshpad Mahagranth Part 01

Author(s): Pratapvijay
Publisher: Muktikamal Jain Mohan Mala

Page 983

परिहाविया देवंगवत्थाई । कयपुप्फविलेवणोवयाराण य उवडिओ सबकामगुणोवेयं खजाइसंगओ भोयणवित्थारो । तओ परापाललीलाए जिमियाण इंदजालमिव तिरोहियं खणेण सयलं पहाणभोयणोवगरणपरियणं । ताहे विम्हिएण संलतं रायनंदणेण-वयंम! किमच्छरियं, किं णीलमणिप्पभावो एस? मित्तेण भणियं-कुमार ! नेयमेवं, किंतु अश्नो एत्थ परमत्यो, तं पुण पत्यावे तुम्ह साहिस्सं ति । तमायण्णिय सुट्ट्यरं विम्हिओ वीरंगयकुमारो । इओ य तम्मि नयरे | अयुत्तो राया कयंतातिहित्तं पत्तो त्ति अहिया सियगयतुरयाइपंचदिवयं परिन्भमंतमागयं तं पएसं । तओ गुलुगुलंतेण शादंतिणा कयामिसेयमारोविओ निययकंधराए रायसुओ। अलंकिओ छत्तचामरेहि, जयइ महाराओ त्ति भणंतेहिं पण-18 मिओ मंतिसामंतेहिं । विन्नत्तो य नयरपवेसं पइ । सो य असंभावणिज्जसंपत्तिविम्हिओ पवत्तो मित्तमुहमवलोइउं । मित्तो उण मुत्थीहओ ताव मम पियवयंसो, अहंपि जहिच्छमच्छामि पच्छन्नो इयम्मि एयमुहकमलं पलोएमाणोत्ति संपहारिऊण | रियमोमरिभो । तओ विभागाओ पविट्ठो नयरभंतरं, परिणाविओ य पुधपत्थिवतणयाओ अट्ठकण्णयाओ । एवमेस तार जसलियसामणं रजमणुहातो चिट्ठइ । सुमित्तोवि परिन्भमंतो दिट्ठो पुरिसदेसणीओ रइसेणभिहाणाए पन्नंगणादुहियाए । मसिणेहं च निझाइओ तुरियं । तओ विनायतयाकूयाए सगोरवमाहूओ स मयहरिगाए । चिंतियं च सुंदरागिई एस महाधणो लक्खिजइ । अवि य “जइवि हु पत्थंति परं जइवि तविजंति तिववसणेण । तहवि सतेया दिट्ठी वाणीवि घिरा धणट्ठाण ॥१॥ जइवि न दीसइ पयडा तहावि लीलाइएहिं अंगस्स । एजइ लच्छी ललियंगणा य पुरिमाण माहीणा ॥ २॥" एवं संपरिभाविय तीए कया सुमित्तस्स पवरा परिवत्ती । इयरेणावि रइसेणरूवालोयणुद्दीविय
SAUSHUSHISEISEASESSES