Updeshpad Mahagranth Part 01

Author(s): Pratapvijay
Publisher: Muktikamal Jain Mohan Mala

Page 998

श्रीउपदेशपदे
15
श्रीरत्नशिखचरि
॥४३०॥
माणुसेण दम्मइ, दंतो देवेण खलु इमिणा ॥५॥ ता एयं तुह सामी पेच्छउ एत्थेव संठियं हत्थं । जइ निवुईकजं सुंदर! एसित्थ परमत्थो ॥६॥ एयमायण्णिय सविम्हयं साहियमणेण नियसामिणो वसुतेयरायस्स । तेणावि अचिंतणीयाणि पुण्णविलसियाणि, अमोहाइं च मुणिवइवयणाई, ता होयचं तेण पुरिसोत्तमेणंति भाविऊण पेसिओ तस्समीवं पहाणमंती । एत्थंतरे पडिगया सट्ठाणं विज्झाहरी । तओ विविहविणयपडिवत्तीहिं आवजिऊण मंतिणा नीओ रायसमी। रयणसिहो । गयवरोवि ओयरिओ महामिंठेण । तओ सिद्धपओयणोत्ति सहरिसं पत्तो सुग्गीवनयरं वसुतेओ । तओवि अणेगभंगसंमाणमहग्धं परिणाविऊण अट्ठ कन्नयाओ ठाविओऽणेण नियरज्जे रयणसिहो । भणिओ य महाभाग! भगवओ सुमंगलकेवलिस्स वयणेणावगयसंसारासारभावो निविण्णो म्हि दढमिओ नरयनिवासनिवंधणाओ रजवंधणाओ। अविजमाणरजाहिपत्तस्स य तेण चेव भगवया गंधहत्थिगहणचिंघेण तुमं ममोवइट्ठो सि । ता इहपरलोयाविरुद्धववहारेण वहिस्सामित्ति अणुजाणाहि ममं संपइ पचयामित्ति । रयणसेहेणावि दक्खिन्नसारयाए पडिवन्ना तयब्भत्थणा। चिंतियं च “साहीणा रायसिरी मुंचइ जुण्णं तणं व सहसत्ति । अबो! साहसभरियं उत्तमचरियं महच्छरियं ॥१॥ अहवा । मुंचंति सिरिं तुरियं विरत्तचित्ता नर त्ति किं चोज । उप्पन्नविलीया खलु वमंति भुत्तं मणुन्नंपि ॥२॥" तओ पसत्थे तिहिकरणमुहुत्ते विहिणा गुरुसमीवे पवन्नो धम्मो सामण्णं वसुतेओ।रयणसिहोवि पत्तसम्मत्तो जाओ महाराओ।
अह विन्नायपउत्ती ससिवेगो सयलबलसमिद्धीए । आगंतूण पयच्छइ चंदप्पहदारियं तस्स ॥१॥ अवराइयं च विज्जं + अणेगविजासहस्सपरिवारं । वियरइ विहिणा साहणसारं कयकामियविहारं ॥२॥ णाऊण वइयरमिणं सुरवेगविजाहरो
३