Book Title: Suyagadanga Sutrana Sathware Part 2 Aatam Jago
Author(s): Kirtiyashsuri
Publisher: Sanmarg Prakashan

View full book text
Previous | Next

Page 260
________________ ૧૦ : પરિગ્રહ એ સુંવાળું બંધન – 23 અકથ્ય અનુભૂતિ કરતા હો છો, જે આજ સુધીમાં ક્યારેય અનુભવ્યું નથી. તો એવું તો આ કબાટમાં શું છે કે, જેને આ રીતે આપ હાથ જોડો છો અને આવી અગમ્ય અવસ્થાને અનુભવો છો ?' ૨૪૧ જવાબમાં પેથડશાએ કહ્યું કે, “પ્રિયે ! ભીમશ્રાવકની વાત તું કેમ ભૂલી ગઈ ? ભીમ શ્રાવકના ગુરુદેવનો કાળધર્મ થયો. એનો એને બહુ ઊંડો આઘાત લાગ્યો. એને થયું કે, ગુરુદેવનાં ચરણોની સેવા કરવાની તક ચાલી ગઈ, ગુરુદેવના સાંનિધ્યમાં સાધવા જેવું ન સાધી શક્યો : ગુરુદેવની પાવનસ્મૃતિમાં મારે મારા જીવનને પાવન ક૨વા કાંઈક કરવું જ જોઈએ, - એમ વિચારી એણે જીવનભર માટે ચતુર્થ બ્રહ્મચર્ય વ્રતનો સ્વીકાર કર્યો. એ નિમિત્તે તેમણે બધા ચતુર્થ વ્રતધારીને ખાસ રેશમી વસ્ત્રની ભેટ મોકલી અને સંઘના મોભી તરીકે મને પણ એ વસ્ત્રની ભેટ મોકલી છે. 521 ત્યારે મને વિચાર આવ્યો કે, ‘ચતુર્થ વ્રત નિમિત્તે આ ભેટ મોકલાઈ છે. હું તેમાંનો નથી. આ ભેટ કેમ લઈ શકું ?’ સાથોસાથ મને એ પણ વિચાર આવ્યો કે, ‘આટલા ભાવથી મોકલેલી આવી ઉત્તમ ભેટને પાછી પણ કેમ વાળી શકું ?' એટલે તો એ ભેટનો સ્વાગત કરીને બહુમાનપૂર્વક સ્વીકાર કર્યો અને આ કબાટમાં એને બહુમાનપૂર્વક પધરાવી મનોમન સંકલ્પ કર્યો કે, જ્યાં સુધી હું પોતે જીવનભર માટે ચતુર્થ બ્રહ્મચર્ય વ્રતનો સ્વીકાર નહિ કરું ત્યાં સુધી હું આ વસ્ત્ર નહિ પહેરું. ત્યારથી રોજ પ૨માત્મભક્તિ, ગુરુવંદના કરી ઘરે આવું છું ત્યારે આ કબાટમાં રાખેલ આ ઉત્તમ વસ્ત્ર સામે ઉભો રહી ભાવના કરું છું કે, ‘જીવનમાં ક્યારે એવી ધન્ય પળ આવશે કે, જ્યારે હું બ્રહ્મચર્ય વ્રતનો ધારક બનીશ !" આ સાંભળીને પ્રથમિણીથી ન રહેવાયું અને એણે અતિ સહજપણે પૂછી લીધું કે, ‘આપની આવી ઉત્તમ ભાવના છે, તો એ માટે આપ કોની રાહ જુઓ છો ?’ જવાબમાં મંત્રીશ્વરે કહ્યું કે, ‘એ માટે મારે બીજા કોની રાહ જોવાની હોય, જ્યારે તું તૈયારી બતાવે ત્યારે આ મહાન વ્રત સ્વીકારી ધન્ય બનવું છે.' આ સાંભળી પ્રથમિણીએ મંત્રીશ્વરની વાત સાનંદ સ્વીકારી લીધી અને એ બન્ને ય પુણ્યાત્માઓએ માત્ર ત્રીસ અને બત્રીસ વર્ષની ભરયુવાવસ્થામાં અમાપ સત્તા અને અફાટ સમૃદ્ધિની ઉછળતી છોળો વચ્ચેય બ્રહ્મચર્ય વ્રતની મહાપ્રતિજ્ઞા સ્વીકારવાનો નિર્ણય કર્યો. Jain Education International For Private & Personal Use Only www.jainelibrary.org

Loading...

Page Navigation
1 ... 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296