Shatak Pancham Karmgranth

Author(s): Ramyarenu
Publisher: Junadiya S M P Sangh

Page 480

મૂળગાથા
नमिय जिणं धुवबंधोदयसत्ताघाइपुन्नपरियत्ता । सेयर चउहविवागा वुच्छं बंधविह सामी य ॥ १॥ वन्नचउतेयकम्मा-गुरुलहुनिमिणोवघायभयकुच्छा । मिच्छकसायावरणा, विग्धं ध्रुवबंधि सगचत्ता ॥ २॥ तणुवंगागिइसंघयण-जाइगइखगइपुग्विजिणुसासं । उज्जोयायवपरघा, तसवीसागोयवेयणियं ॥ ३॥ हासाइजुयलदुगवेय-, आउ तेवुत्तरी अधुवबंधा । भंगा अणाइसाइ, अणंतसंतुत्तरा चउरो ॥ ४॥ पढमबिया, धुवउदइसु, धुवबंधिसु तइयवजभंगतिगं । मिच्छंमि तिन्नि भंगा, दुहा वि अधुवा तुरियभंगा ॥ ५॥ निमिणथिरअथिरअगुरुय-सुहअसुहतेयकम्मचउवना । नाणंतरायदंसण-, मिच्छं धुवउदय सगवीसा ॥ ६॥ थिरसुभियर विणु, अधुवबंधी मिच्छ विणु मोहधुवबंधी । निद्दोवधायमीसं, सम्मं पणनवइ अधुवुदया ॥ ७॥ तसवन्नवीससगतेयकम्म, धुवबंधी सेस वेयतिगं । आगिइतिगवेयणियं, दुजुयलसगउरलसासचउ ॥ ८॥ खगईतिरिदुगनीयं, धुवसंता सम्ममीसमणुयदुगं । विउव्विक्कारजिणाऊ-, हारसगुच्चा अधुवसंत्ता ॥ ९॥ पढमतिगुणेसु मिच्छं, नियमा अजयाइ अट्ठगे भजं । सासाणे खलु सम्मं, संतं मिच्छाइदसगे वा ॥ १०॥ सासणमीसेसु धुवं, मीसं मिच्छाइनवसु भयणाए । आइदुगे अण नियमा, भइया मीसाइ नवगंमि ॥ ११॥ आहारसत्तगं वा, सव्वगुणे बितिगुणे विणा तित्थं । नोभयसंते मिच्छो, अंतमुहुत्तं भवे तित्थे ॥ १२॥
૪૨૫