Shatak Pancham Karmgranth

Author(s): Ramyarenu
Publisher: Junadiya S M P Sangh

Page 484

सव्वाण वि जिट्ठठिई, असुहा जं साऽइसंकिलेसेणं । इयरा विसोहिओ पुण, मुत्तुं नरअमरतिरियाउं ॥५२॥ सुहुमनिगोयाइखणऽप्पजोग, बायर य विगलअमणमणा । अपज लहु पढमदुगुरू, पज हस्सियरो असंखगुणो ॥ ५३॥ असमत्त तसुक्कोसो, पज जहनियरु एव ठिइठाणा । अपजेयर संखगुणा, परमपजबिए असंखगुणा ॥ ५४॥ पइखणमसंखगुणविरिय, अपजपइठिइमसंखलोगसमा । अज्झवसाया अहिया, सत्तसु आउसु असंखगुणा ॥ ५५॥ तिरिनरयतिजोयाणं, नरभवजुय सचउपल्ल तेसटुं । थावरचउइगविगलायवेसु, पणसीइसयमयरा ॥ ५६॥ अपढमसंघयणागिइ, खगईअणमिच्छदुभगथीणतिगं । निय नपु इथि दुतीसं, पणिंदिसु अबंधठिइ परमा ॥ ५७॥ विजयाइसु गेविज्जे, तमाइ दहिसय दुतीस तेसटुं । पणसीइ सययबंधो, पल्लतिगं सुरविउव्विदुगे ॥ ५८॥ समयादसंखकालं, तिरिदुगनीएसु आउ अंतमुहू । उरलि असंख परट्ठा, सायठिई पुव्वकोडूणा ॥ ५९॥ जलहिसयं पणसीयं, परघुस्सासे पणिंदि तसचउगे । बत्तीसं सुहविहगइ, पुमसुभगतिगुच्चचउरंसे ॥ ६०॥ असुखगइजाइआगिइ, संघयणाहारनरयजोयदुगं । थीरसुभजसथावरदस, नपुइत्थी दुजुयलमसायं ॥६१॥ समयादंतमुहुत्तं, मणुदुगजिणवइरउरलुवंगेसु । तित्तीसयरा परमो, अंतमुह लहू वि आउजिणे ॥ ६२॥ तिव्वो असुहसुहाणं, संकेसविसोहिओ विवजयओ। . मंदरसो गिरिमहिरय-जलरेहासरिसकसाएहिं ॥ ६३॥