Shatak Pancham Karmgranth

Author(s): Ramyarenu
Publisher: Junadiya S M P Sangh

Page 482

तीसियाकसायठिई, ससएस मुत्सहमविग
वीसऽयरकोडिकोडी, नामे गोए अ सत्तरी मोहे ॥ तीसियर चउसु उदही, निरयसुराउम्मि तित्तीसा ॥ २६॥ मुत्तुं अकसायठिइं, बार मुहुत्ता जहण्ण वेयणिए । अट्ठऽट्ठ नामगोएसु, सेसएसुं मुहुत्तंतो ॥ २७॥ विग्यावरणअसाए, तीसं अट्ठार सुहमविगलतिगे । पढमागिइसंघयणे, दस दुसुवरिमेसु दुगवुड्डी ॥ २८॥ चालीस कसाएसुं मिउलहुनिद्धण्हसुरहिसिअमहुरे । दस दोसड्डसमहिआ, ते हालिदंबिलाईणं ॥ २९॥ दस सुहविहगइउच्चे, सुरदुगथिरछक्कपुरिसरइहासे । मिच्छे सत्तरि मणुदुग, इत्थी साएसु पन्नरस ॥ ३०॥ भयकुच्छअरइसोए विउव्वितिरिउरलनिरयदुगनीए । तेयपण अथिरछक्के, तसचउ थावर इग पणिंदी ॥ ३१॥ नपुकुखगइसासचउगुरुकक्खडरुक्खसीयदुग्गंधे । वीसं कोडाकोडी, एवइआबाह वाससया ॥ ३२॥ गुरु कोडिकोडीअंतो, तित्थाहाराण भिन्नमुहु बाहा । लहुठिइ संखगुणूणा, नरतिरिआणाउ पल्लतिगं ॥ ३३॥ इगविगल पुव्वकोडी, पलियासंखंस आउचउ अमणा । निरुवकमाण छमासा, अबाह सेसाण भवतंसो ॥ ३४॥ लहुठिइबंधो संजलणलोह, पणविग्घनाणदंसेसु । भिन्नमुहत्तं ते अट्ठ, जसुच्चे बारस य साए ॥ ३५॥ दो इग मासो पक्खो, संजलणतिगे पुमट्ठवरिसाणि । सेसाणुक्कोसाओ, मिच्छत्तट्टिईइ जं लद्धं ॥ ३६॥ अयमुक्कोसोगिंदिसु, पलियाऽसंखंसहीण लहुबंधो । कमसो पणवीसाए पन्नासयसहस्ससंगुणिओ ॥ ३७॥ विगल असन्निसु, जिट्ठो, कणिट्ठओ पल्लंसखभागूणो । सुरनिरयाउ समा दस-सहस्स सेसाउ खुड्डभवं ॥ ३८॥