Shatak Pancham Karmgranth

Author(s): Ramyarenu
Publisher: Junadiya S M P Sangh

Page 483

सव्वाण वि लहुबंधे, भिन्नमुहु अबाह आउजिट्टे वि । केइ सुराउसमं जिण - मंतमुहू बिंति आहारं ॥ ३९॥ सत्तरस समहिया किर, इगाणुपाणुम्मि हुंति खुड्डुभवा । सगतीससयतिहुत्तर, पाणू पुण इगमुहुत्तम्मि ॥ ४० ॥ पणसट्ठि सहस पणसय, छत्तीसा इगमुहुत्त खुड्डुभवा । आवलियाणं दो सय, छप्पन्ना एगखुड्डुभवे ॥ ४१॥ अविरयसम्मो तित्थं, आहारदुगामराउ य पमत्तो । मिच्छद्दिट्ठी बंध, जिट्ठट्ठि सेसपयडीणं ॥ ४२॥ विगलसुहुमाउगतिगं, तिरिमणुआसुरविउव्विनिरयदुगं । एगिंदिथावरायव, आ ईसाणा सुरुक्कोसं ॥ ४३॥ तिरिउरलदुगुज्जोयं, छिवट्ठ सुरनिरय सेस चउगइआ । आहारजिणमपुव्वो, नियट्ठि संजलण पुरिस लहुं ॥ ४४ ॥ सायजसुच्चावरणा, विग्घं सुहुमो विउव्विछ असन्नी । सन्नी वि आउबायर पज्जेगिंदी उ सेसाणं ४५ ॥ उक्कोस जहन्नेयर, भंगा साई अणाइ ध्रुव अधुवा । चउहा संग अजहन्नो, सेसतिगे आउचउसु दुहा ॥ ४६ ॥ चउभेओ अजहन्नो, संजलणावरणनवगविग्घाणं । सेसतिगि साइअधुवो, तह चउहा सेसपयडीणं ॥ ४७ ॥ साणाइ अपुव्वंते अयरंतो कोडिकोडिओ नहिगो । बंधो न हु हीणो नय, मिच्छे भव्वियरसन्निमि ॥ ४८ ॥ जड़ लहुबंधो बायर, पज्ज असंखगुण सुहुमपज्जऽहिगो । एसिं अपज्जाण लहु, सुहुमेअर अपज्ज पज्ज गुरू ॥ ४९ ॥ लहु बिय पज्ज अपजे, अपजेयर बिय गुरू हिगो एवं । ति चउ असंन्निसु नवरं, संखगुणो बिय अमणपजे ॥ ५० ॥ तो जइजिट्ठो बंधो, संखगुणो देस विरयहस्सियरो । सम्मचउ सन्निचउरो, ठिड़बंधाणुकमसंखगुणा ॥ ५१ ॥
૪૨૮