Shatak Pancham Karmgranth

Author(s): Ramyarenu
Publisher: Junadiya S M P Sangh

Page 481

केवलजयलावरणा, पणनिद्दाबारसाइमकसाया । मिच्छंति सव्वघाई, चउनाणतिदंसणावरणा ॥ १३॥ संजलण नोकसाया, विग्धं इय देसघाइ य अघाई । पत्तेयतणुढाऊ, तसवीसागोयदुगवन्ना ॥१४॥ सुरनरतिगुच्चसायं, तसदसतणुवंगवइरचउरंसं । परघासगतिरियाऊ, वनचऊपणिंदिसुभखगई ॥१५॥ बायाल पुन्नपगई, अपढमसंठाणखगइसंघयणा । तिरिदुगअसायनीओ-वघायइगविगलनिरयतिगं ॥१६॥ थावरदस वनचउक्क, घाई पणयाल सहिय बासीई । पावपयडित्ति दोसु वि, वन्नाइगहा सुहा असुहा ॥ १७॥ नामधुवबंधिनवगं, दंसणपणनाणविग्घपरघायं । भयकुच्छमिच्छसासं, जिण गुणतीसा अपरिअत्ता ॥ १८॥ तणुअट्ठवेयदुजुअल-, कसायउज्जोअगोअदुग निद्दा । तसवीसाउ परित्ता, खित्तविवागाऽणुपुव्वीओ ॥ १९॥ घणघाइ दुगोय जिणा, तसिअरतिगसुभगदुभगचउसासं । जाइतिगजिअविवागा, आउचउरो भवविवागा ॥ २०॥ नामधुवोदय-चउतणु-वघायसाहारणियरुजोअतियं । पुग्गलविवागि बंधो, पयइट्ठिइरसपएसत्ति ॥ २१॥ मूलपयडीण अडसत्त, छेगबंधेसु तिन्नि भूगारा । अप्पतरा तिअ चउरो, अवट्ठिआ न हु अवत्तव्वो ॥ २२॥ एगादहिगे भूओ, एगाईऊणगम्मि अप्पतरो । तम्मत्तोऽवट्ठियओ पढमे समये अवत्तव्वो ॥ २३॥ नव छच्चउ दंसे दुदु, ति दु मोहे दु इगवीस सत्तरस । तेरस नव पण चउ ति दु, इक्को नव अट्ठ दस दुन्नि ॥ २४॥ तिपणछअटुनवहिआ, वीसा तीसेगतीस इग नामे । छस्सगअट्ठतिबंधा, सेसेसु य ठाणमिक्किक्कं ॥ २५॥