Shatak Pancham Karmgranth

Author(s): Ramyarenu
Publisher: Junadiya S M P Sangh

Page 487

अप्पयरपयडिबंधी, उक्कडजोगी य सन्निपज्जत्तो । कुणइ पएसुक्कोसं, जहन्नयं तस्स वच्चासे ॥ ८९॥ मिच्छ-अजयचउ आउ, बितिगुण विणु मोहि सत्तमिच्छाई छण्हं सतरस सुहुमो, अजया देसा बितिकसाए ॥१०॥ पण अनियट्टी सुखगइ-नराउसुरसुभगतिगविउव्विदुगं । समचउरंसमसायं, वरं मिच्छो व सम्मो वा ॥ ९१॥ निद्दापयलादुजुयल-भयकुच्छातित्थ सम्मगो सुजई । आहारदुगं सेसा, उक्कोसपएसगा मिच्छो ॥१२॥ सुमुणी दुन्नि असन्नी, निरयतिग सुरविउव्विदुगं । सम्मो जिणं जहन्नं, सुहुमनिगोयाइखणि सेसा ॥ ९३॥ दंसणछगभयकुच्छा-बिति तुरियकसायविग्घनाणाणं । मूलछगेऽणुक्कोसो, चउह दुहा सेसि सव्वत्थ ॥ ९४॥ सेढिअसंखिजंसे, जोगट्ठाणाणि पयडिठिइभेया । ठिइबंधज्ज्ञवसाया-णुभागाठाणा असंखगुणा ॥ ९५॥ . तत्तो कम्मपएसा, अणंतगुणिया तओ रसच्छेया । जोगा पयडिपएसं, ठिइ अणुभागं कसायाओ ॥ ९६॥ चउदसरजू लोओ, बुद्धिकओ होइ सत्तरजुघणो । तद्दीहेगपएसा, सेढी पयरो य तव्वग्गो ॥ ९७॥ अण दंस नपुंसित्थी, वेय छक्कं च पुरिसवेयं च । दो दो एगंतरिए, सरिसे सरिसं उवसमेइ ॥ ९८॥ अणमिच्छमीससम्मं, ति आउ इगविगलथीणतिगुजोयं । तिरिनरयथावरदुगं, साहारायव अड नपुत्थी ॥ ९९॥ छगपुमसंजलणा दो, निहाविग्घावरणखए नाणी । देविंदसूरि-लिहिअं, सयगमिणं आयसरणट्ठा ॥ १००॥ .