Shanka Samadhan Part 02

Author(s): Rajshekharsuri
Publisher: Arihant Aradhak Trust

Page 329

૫૩૨
શંકા-સમાધાન ન લેવી જોઇએ. આવા સામાયિકો સામાયિક-પૌષધમાં વાંચી શકાય પણ સંસારને પોષનારી જાહેરાતો ન વાંચવી જોઇએ. કેવળ ધાર્મિક જ લખાણ વાંચવું જોઈએ.
શંકા- ૧૧૪૪. ભગવાનને ચડાવેલી ચાંદી કે સોનાની કોઈ વસ્તુ ચડાવનાર વ્યક્તિ બીજા ગામમાં દેરાસરમાં દરરોજ ઉપયોગ કરવા માટે ભેટ આપે તો દોષ લાગે ?
સમાધાન– ભગવાનને ચડાવતાં પહેલાં સંઘ-ટ્રસ્ટીઓને જાણ કરવી જોઈએ કે આ વસ્તુ હું ભગવાનને ચડાવું છું, પછી હું એ વસ્તુ બીજા ગામના દેરાસરમાં દરરોજ ઉપયોગ કરવા માટે ભેટ આપીશ. જો સંઘ-ટ્રસ્ટીઓ આવી શરતે ચડાવવાની હા પાડે તો બીજા ગામમાં દેરાસરમાં દરરોજ ઉપયોગ કરવા માટે ભેટ આપવામાં દોષ ન લાગે.
શંકા- ૧૧૪૫. બુફેને (ઊભાં ઊભાં ખાવું તેને) સાધર્મિકવાત્સલ્ય કહેવાય ?
સમાધાન- બુફેને સાધર્મિકવાત્સલ્ય કઈ રીતે કહેવાય ? બુફે ભોજન અનાદરવાળું છે. આથી જૈનથી આવું સાધર્મિકવાત્સલ્ય ન કરાય. બુફે ભોજન અનાદરના કારણે સાધર્મિકવાત્સલ્યને દૂષિત બનાવે છે. આ અંગે એક મહાપુરુષે કહ્યું છે કે
અનાદર, વિલંબ, વિમુખતા, અપ્રિયવચન અને પશ્ચાત્તાપ આ પાંચ સદ્દાનને દૂષિત બનાવે છે.”
માત્ર માનવતાની દૃષ્ટિએ પણ વિચારવામાં આવે તો ઊભાં ઊભાં ભોજન કરવું, એ અત્યંત અશિષ્ટતા છે. નીતિશાસ્ત્રમાં પણ ઊભાં ઊભાં ખાવાનો નિષેધ કર્યો છે. ઊભાં ઊભાં ભોજન કરનારા બુટચંપલ પહેરીને ભોજન કરે છે. આ પણ અશિષ્ટતા છે. બુફે ભોજનમાં સામે જઈને માગવું પડતું હોવાથી સાધર્મિકની લઘુતા થાય છે. માંગવું એ કેટલું ખરાબ છે એ વિષે ગોરખ સંતે કહ્યું છે કે- .
સહજ મિલા સો દૂધ બરાબર, માંગ લિયા સો પાની ખિચ લિયા સો ખૂન બરાબર, યહ ગોરખની વાની બીજા એક કવિએ કહ્યું છે કે