Sant Shisyani Jivan Sarita

Author(s): Pratap J Tolia
Publisher: Nanchandra Maharaj Smarak Trust

Page 9

આઠ
સ્કૃતિ અને યથાશક્ય એવું જે કંઈ મને સમજાયું તેવું નેધરૂપે હું લખતો ગયો / અને તેને ભાષાને ઓપ આપવા માટે મને પ્રાધ્યાપક શ્રી પ્રતાપભાઈ ટોલિયા
જેવા સંસ્કારી લેખક મળી ગયા. પરિણામે જે કંઈ બની શકયું તે આ જીવનચરિત્રમાં અંકિત થયું છે. જો શ્રી પ્રતાપભાઈને સદ્ભાવયુકત સહકાર ન મળ્યો હોત તો આ રીતે આ પ્રસિદ્ધ થયું ન હોત.
બનવાજોગ છે કે આમાં ઘણી વિગતો રહી જવા પામી હોય, રજૂઆત કરવામાં મારી ક્યાંક ખલના પણ થઈ હોય, મારા મતિદોષને લીધે હું એમને પૂરો ન્યાય પણ ન આપી શકયો હોઉં. તેમ છતાં પણ એટલું તો હું આત્મવિશ્વાસપૂર્વક કહી શકું છું કે ભકતજને, શિષ્યો કે પ્રેમીજનો આ ચરિત્રના વાચન-મનનથી પોતાના ગુરુદેવને અપૂર્વ પરિચય થવા-પામવા જેવો સંતોષ જરૂર અનુભવશે.
ટૂંકામાં, મહાપુરુષના જીવનવિસ્તારને અંત નથી હોતું એટલે ભવિષ્યમાં કોઈ ભકતઆત્મા પૂજ્ય ગુરુદેવના સર્વતોમુખી જીવનનું પ્રકટીકરણ કરવાની અભિલાષા રાખે તે એના માટે પૂરો અવકાશ છે.
જીવનચરિત્ર તૈયાર કરવા માટે સ્મારક ટ્રસ્ટના પ્રમુખ શ્રી મનુભાઈ સંઘવીએ, ત્રણેક વર્ષ પહેલાં, અમદાવાદમાં અમારા ચાતુર્માસ હતા ત્યારે મારી પાસે વિનતિ કરી હતી. મારે એકલા હાથે આ બધું તૈયાર કરવાનું હતું. ઉપરાંત સાધુજીવનની વ્યાવહારિક પ્રવૃત્તિઓ અને મર્યાદાઓ હેવાથી જોઈએ તેવો અવકાશ મેળવી શકતા નહિ. તેમ છતાં પણ આંતર-આંતરે શ્રી પ્રતાપભાઈને અમુક સમય રોકીને આ કાર્ય બે વર્ષો પૂર્ણ થયું અને આખું ચરિત્ર ટ્રસ્ટી મંડળના માનનીય ટ્રસ્ટી શ્રી ચીમનલાલ ચકુભાઈએ સંપૂર્ણ અવલોકન કરીને જ્યારે પસંદ કર્યું
ત્યારે એના પ્રકાશનને પ્રશ્ન ઊભો થયો. આમ તો આ જીવનચરિત્ર છપાવવા માટે બીજા સંઘો અને વ્યકિતગત ભાઈઓની પ્રબળ ભાવના હતી. પરંતુ મારા મનમાં એમ કે, જો સ્મારક ટ્રસ્ટને આ લાભ લેવો હોય તો પહેલી તક એમને આપવી. પરિણામે પત્રવ્યવહારથી, મને સંતોષ થાય એ રીતે છપાવવાનું, ટ્રસ્ટના પ્રમુખશ્રીએ સ્વીકાર્યું હતું એટલે પછી જીવનપરિચયની સંપૂર્ણ સામગ્રી મેં પ્રમુખશ્રી મનુભાઈને સુપરત કરી. ત્યાર બાદ તેને યોગ્ય લાગ્યું તે રીતે ટ્રસ્ટી મંડળે આ સુંદર, પ્રકાશન કર્યું છે. ,
આશા છે કે ઘણા સમયથી જેની પ્રતીક્ષા કરાતી હતી એ પૂજ્ય ગુરુદેવના જીવનચરિત્રને ભાવિક જને અવશ્ય લાભ લેશે અને સ્મારક ટ્રસ્ટી મંડળ ઉદાર દિલે દરેક અનુરાગીને આ જીવનચરિત્ર પહોંચાડવાની કાળજી રાખશે. તા. ૧૫-૧૨-૭૨. સંવત ૨૦૨૯ના માગસર સુદ ૧૧ શુક્રવાર ખોડપરા - જેતપુર.
મુનિશ્રી ચુનીલાલજી સ્વામી-ચિત્તમુનિ