Book Title: Sadguru Sange Vishwa ne Panthe Author(s): Manorama B Khanderiya, Balwantrai N Khanderiya Publisher: Vishwavatsalya and Santbal Award Foundation Ahmedabad View full book textPage 9
________________ આમુખ પૂ. મહારાજશ્રી સંતબાલજીની પ્રેરણાથી શ્રી બલવંતભાઈએ તેમના રોજિંદા જીવનમાં બનતા અને અનુભવાતા બનાવો બાબતના તેમના પ્રત્યાઘાતો દર્શાવતી ડાયરી નોંધ લખવાની શરૂ કરી. આ નોંધો ૧૯૭૪ની સાલની શરૂઆતથી શરૂ કરી ૧૯૮૧ના લગભગ અંત સુધી એટલે લગભગ આઠ સાલ ચાલી. તે દરમ્યાન તેમના અંગત જીવનમાં ઊભા થતા તમામ પ્રકારના કૌટુંબિક, વ્યાવસાયિક અને માનસિક પ્રશ્નોથી શરૂ કરી રાજકીય, સામાજિક અને ચિંતનાત્મક પ્રશ્નો બાબત તેમણે મન મૂકીને આ ડાયરીઓમાં ચર્ચા કરી. દરેક ડાયરીમાં અમુક અમુક અંતરે અમુક પાનાં કોરાં રાખ્યાં, અને મથાળે લખ્યું : “ગુરુદેવનું પાનું” ડાયરીનું લખાણ વાંચીને ગુરુદેવને જે માર્ગદર્શન આપવું હોય તે આપવા માટે આવાં કોરાં પાનાં રાખ્યાં. આવાં પાનાંઓ ઉપર જીવનમાં ઊઠતા વ્યક્તિગત અને સમૂહગત પ્રશ્નો ઉપર ગુરુદેવે પોતાનું માર્ગદર્શન આપ્યું છે. મુનિશ્રી સંતબાલજી એક કર્મયોગી સંત હતા, અને દરેક પ્રકારના સમાજલક્ષી પ્રશ્નોમાં રસ લઈ તેમના અનુયાયીઓને માર્ગદર્શન આપતા, પરંતુ આ ડાયરીઓનું અસલ લખાણ વાંચતાં જણાય છે કે શ્રી બળવંતભાઈના કૌટુંબિક જીવનના અંગત પ્રશ્નોમાં પણ તેમના અત્યંત વ્યવસાયી જીવનમાંથી થોડીક ક્ષણો કાઢી તેમણે માર્ગદર્શન આપીને બલવંતભાઈ તથા તેમના કુટુંબ ઉપર અત્યંત નિષ્કામ અનુગ્રહ કર્યો છે. તેમના વિવિધ પ્રશ્નો ઉપરના અભિપ્રાયો જે તેમના પોતાના જ હાથથી લખાયેલા છે, તેમાંના મોટા ભાગના એવા છે કે જે તેમનાં બીજાં લખાણોમાંથી નહીં મળે. ૧૯૯૭ના વર્ષના મધ્ય ભાગે બલવંતભાઈ પૂનાથી મારે ત્યાં હવાફેર માટે અમદાવાદ રહેવા આવ્યા. તેમના વિદાયના સમયે તેમણે મને કહ્યું કે હવે તેમનીPage Navigation
1 ... 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 ... 244