Sabhashya Tattvarthadhigam Sutrani

Author(s): Motilal Laghaji Oswal
Publisher: Motilal Laghaji Oswal

Page 9

प्रमोदावहं स्वकर्तव्यं निवेद्यते यदन्तरा समापयितुं न पारयामि प्रास्ताविकं तदेतन्मान्यानां पं. व्याकरणाचार्यवेदान्तवागीशपाठकोपाह्वश्रीधरशास्त्रिणामनुग्रहभरनिर्देशो नाम । महाभागैः सहृदयैरेभिः कार्यकालव्ययमविगणय्य शास्त्रीयग्रन्थबद्धादरेणोपकृतोऽहं सर्वथा प्रकाशनेऽस्य ग्रन्थस्य । यदि न स्यात् साहाय्यमेतेषां तर्हि प्रकाशनकार्य विशदार्थकारिटिप्पनीयुतं प्रास्ताविकं च सर्वाङ्गीणं नैव मया प्रकाशयितुं शक्यतेति निर्दिशन्नाहमल्पांशेनापि आत्मानमत्युक्तिभाजनं करोमि । अतः परं सर्वान् विदुषो विज्ञापयामि यदत्र समुपलभ्यमानास्त्रुटीविज्ञाप्यानुग्रा. ह्योऽयं जन इति संप्रार्थकः
पुण्यपत्तनम्। आश्विनशुक्ल प्रतिपद् वीरसंवत् २४५२.
विद्वद्वशंवदः मोतीलाल लाधाजी.