Book Title: Rai Paseniya Suttam Part 01 Author(s): Hiralal B Gandhi Publisher: Hiralal B GandhiPage 15
________________ १० रायपसेणियसुत्त समुग्घाएणं समोहणइ । २ संखेजाई जोयणाई जाव अहाबायरे पोग्गले समोहणइ । २ अहासुहुमे पोग्गले परियाएइ । २ दोच्चपि वेउब्वियसमुग्घाएणं समोहणित्ता अणेगखंभसयसन्निविटुं जाव दिव्वं जाणविमाणं विउव्विउं पवत्ते यावि होत्था । तए णं से आभियोगिए देवे तस्स दिव्वस्स जाणविमाणस्स तिदिसिं तओ तिसोवाणपडिरूवए विउव्यइ। तं जहा-पुरस्थिमेणं दाहिणेणं उत्तरेणं । तेसिं तिसोवाणपडिरूवगाणं इमे एयारूवे वण्णावासे पण्णत्ते । तं जहा-वइरामया निम्मा रिट्टामया पाटाणा वेरुलियमया खंभा सुवण्णरुप्पमया फलगा लोहियक्खमयाओ सूइओ वयरामया संधी नाणामणिमया अवलंबणा अवलंबणबाहाओ य पासादीया जाव पडिरूवा । तेसिं गं तिसोवाणपडिरूवगाणं पुरओ तोरणे विउव्वइ । तोरणा [तेसि णं] नाणामणिमएसु थंभेलु उवनिविट्ठसंनिविट्टविविहमुत्तरोवचिया विविहतारारूवोवचिया जाव पडिरूवा, तेसिं गं तोरणाणं उप्पि अट्टमंगलगा पण्णत्ता । तं जहा-सोत्थियसिरिवच्छणंदियावत्तवद्धमाणगभद्दासणकलसमच्छदप्पणा' जाव पडिरूवा । तेसिं च णं तोरणाणं उप्पिं बहवे किण्हचामरज्झए जाव सुकिल्लचामरज्झए अच्छे सण्हे रुप्पपट्टे वइरामयदंडे जलयामलगधिए सुरम्मे पासादीए दरिसणिज्जे अभिरूवे पडिरूवे विउव्वइ । तेसिं थे तोरणाणं उपि बहवे छत्ताइछत्ते घंटाजुगले पृडागाइपडागे उप्पलहत्थए कुमुदणलिणसुभगसोधियपोंडरीयमहापोंडरीयसयपत्तसहस्सपत्तहत्थए सबरयणामए अच्छे जाव पडिरूवे विउबह । तए णं से आभियोगिए देवे तस्स दिव्वस्स जार्णावमाणस्स. अंतो बहुसमरमणिज्जं भूमिभागं विउव्वइ ।Page Navigation
1 ... 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 ... 300
