Book Title: Rai Paseniya Suttam Part 01 Author(s): Hiralal B Gandhi Publisher: Hiralal B GandhiPage 11
________________ रायपसेणियसुत्त देवउलं वा सभं वा पवं वा आराम वा उजाणं वा अतुरियमचवलमसंभंते निरंतरं सुणिऊणं सव्वोओ समंता संपमज्जेजा। एवामेव ते ऽवि सूरियाभस्स देवस्स आभियोगिया देवा संवट्टवाए विउव्वति। २ समणस्स भगवओ महावीरस्स सवओ समंता जोयणपरिमंडलं जं किंचि तणं वा पत्तं वा तहेव सवं आहुणिय २ एगते एडेंति । २ खिप्पामेव उवसमंति। २ दोच्चपि वेउब्वियसमुग्घाएणं समाहणंति । २ अब्भवद्दलए विउव्वंति । से जहानामए भइयदारए सिया तरुणे जाव सिप्पोवगए एग महं दगवारगं वा दगथालगं वा दगकलसग वा दगकुंभग वा आराम वा जाव पवं वा अतुरिय जाव सबओ समंता आवरिसेजा। एवामेव ते ऽ वि सूरियाभस्स देवस्स आभियोगिया देवा अब्भवद्दलए विउव्वति । २ खिप्पामेव पयणुतणायन्ति । २ खिप्पामेव विज्जुयायति । २ समणस्स भगवओ महावीरस्स सव्वओ समंता जायणपरिमंडलं नच्चोदगं नाइट्टियं तं पविरलपप्फुसियं रयरेणुविणासणं दिव्वं सुरभिगंधोदगं ( वासं )वासंति। २ नियरय नट्टरय भट्टरय उवसंतरय पसंतरय करेंति । २ खिप्पामेव उवसामति । २ तच्चपि देउब्वियसमुग्घाएणं समोहणंति । २ पुप्फवद्दलए विउव्वंति। से जहानामए मालागारदारए सिया तरुणे जाव सिप्पोवगए एग महं पुष्फपडलगं वा पुष्फचंगेरियं वा पुष्फछजियं वा गहाय रायंगणं वा जाव सवओ समता कयम्गाहगहियकरयलपब्भविप्पमुक्केणं दसद्धवण्णेणं कुसुमेणं मुक्कपुप्फपुंजावयारकलियं करेजा। एवामेव ते सूरियाभस्स देवस्स आभियोगिया देवा पुप्फवद्दलए विउव्वंति। २ खप्पामेव पयणुतणार्यान्त । २ जाव जोयणपरिमण्डलंPage Navigation
1 ... 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 ... 300
