Raghuvilasa Natakam

Author(s): Ramchandra Mahakavi,
Publisher: Bharatiya Vidya Bhavan

Page 70

रघुविलासनाटकम् - षष्टोऽङ्कः । वानरः-साम्प्रतं च स्वयं रावणः समरमलङ्कृतवान् ।
जाम्बवान् -( सभयम् ) यदि रावणः स्वयमायातवान् महांस्तहि समरसंरम्भः पम्भाव्यते । चन्द्रराशि:-( सत्वरम् ) आर्य ! अहं समरमधिष्ठास्यामि ।
(इति निष्क्रान्तः ।)
(प्रविश्य सम्भ्रान्तः) गोमुखः -आर्य ! कपिकेतुः समादिशति । जाम्बवान् -(ससम्भ्रमम् ) किमादिशति ? । गोमुखः-आर्य ! अत्याहितं अत्याहितम् । जाम्बवान्-विश्रब्धमभिधीयताम् ।
गोमुखः- अष्टप्राकारं चतुर चमूचक्रेण वलयामुखं नाम व्यूहं कारय इत्यादिशति । जाम्बवान् -अरे वानर ! अत्रार्थे यूथपतीन् प्रगुणय ।
(वानरो निष्क्रान्तः।)
___ ( नेपथ्ये ) हा वत्स ! हा त्रिभुवनैकमल्ल ! हा शौण्डीरकुञ्जर !। जाम्बवान् -(सभयम् ) गोमुख ! किमिदम् ? । गोमुखः-( साश्रम् ) दिव्यशक्त्या शक्त्या रावणेन लक्ष्मणो वक्षसि ताडितः । जाम्बवान् - उपस्थितस्तर्हि बलीमुखवंशस्य क्षयकालः। (ततः प्रविशति राम-सुग्रीवाभ्यां दत्तहस्तावलम्बः शक्तिसक्तवक्षा लक्ष्मणः, बिभीषण
१ अङ्ग २ अङ्गद ३ हनूमत् ४ पवनञ्जय ५ चन्द्रराशि ६ कुन्द
____७ कुमुद ८ गवय ९ गवाक्ष १० प्रभृतयो वनौकसश्च ।) जाम्बवान् -( सुग्रीवं प्रति ) व्यूहमध्यमध्यास्तां कुमारः। सुग्रीवः - ( ससंरम्भम् ) पर्यङ्कः पर्यङ्कः ।
( प्रविश्य वानरः पर्यङ्कमुपनयति)
( लक्ष्मणः सरामो निषीदति ।) रामः- (साश्रम् ) हा वत्स!। सुग्रीवः - अमात्य ! व्यूहद्वाररक्षायां भामण्डलप्रभृतीन् यूथपतीनवधापय ।
(जाम्बवान् गवयस्य कर्णे एवमेव ।)
(गवयो निष्कान्तः।)